ହାଇଦ୍ରାବାଦ: ଆମେରିକା ରାଷ୍ଟ୍ରପତି ନିର୍ବାଚନରେ ରିପବ୍ଲିକାନର ପ୍ରାର୍ଥୀ ଡେନାଲ୍ଡ ଟ୍ରମ୍ପଙ୍କ ବିଜୟ ପରେ ହ୍ବାଇଟ ହାଉସରେ ଦେଶବାଶୀଙ୍କୁ ସମ୍ବୋଧନ କରିଛନ୍ତି ରାଷ୍ଟ୍ରପତି ଜୋ ବାଇଡେନ । '' ଗଣତନ୍ତ୍ରରେ ଜନସାଧାରଣଙ୍କ ଇଚ୍ଛା ସର୍ବଦା ବିଜୟ ହୋଇଥାଏ । କିଛି ଲୋକଙ୍କ ପାଇଁ ଏହା ବିଜୟର ସମୟ ହୋଇଥିବା ବେଳେ କିଛି ଲୋକଙ୍କ ପାଇଁ ଏହା ପରାଜୟର ସମୟ । ଉପରାଷ୍ଟ୍ରପତି କମଲା ହାରିସଙ୍କ ପ୍ରଚାର ଅଭିଯାନକୁ ପ୍ରଶଂସା କରିବା ସହ ନବ ନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଶାନ୍ତିପୂର୍ଣ୍ଣ ଭାବରେ କ୍ଷମତା ହସ୍ତାନ୍ତର କରିବାକୁ '' କହିଛନ୍ତି ରାଷ୍ଟ୍ରପତି ଜୋ ବାଇଡେନ ।
VIDEO | US Elections 2024: " for over 200 years, america has carried out the greatest experiment in self government in history of the world. that's a fact. in democracy, the will of the people always prevails. yesterday, i spoke with president-elect donald trump and congratulated… pic.twitter.com/5U96B2yUx5
— Press Trust of India (@PTI_News) November 7, 2024
ଗଣତନ୍ତ୍ରରେ ଲୋକଙ୍କ ଇଚ୍ଛାର ସର୍ବଦା ବିଜୟ ହୁଏ:
ହ୍ବାଇଟ ହାଉସରେ ଜନସାଧାରଣଙ୍କୁ ସମ୍ବୋଧନ ସମୟରେ ରାଷ୍ଟ୍ରପତି ବାଇଡେନ କହିଛନ୍ତି, "200 ବର୍ଷରୁ ଅଧିକ ସମୟ ଧରି ଆମେରିକା ବିଶ୍ୱ ଇତିହାସରେ ସ୍ୱୟଂ ଶାସନର ସବୁଠାରୁ ବଡ ପରୀକ୍ଷଣ କରିଛି । ଲୋକମାନେ ଶାନ୍ତିପୂର୍ଣ୍ଣ ଭାବେ ମତଦାନ କରି ନିଜ ନେତାଙ୍କୁ ବାଛିଥାଆନ୍ତି । ଗଣତନ୍ତ୍ରରେ ଲୋକଙ୍କ ଇଚ୍ଛାର ସର୍ବଦା ବିଜୟ ହୁଏ । ମୁଁ ନବ ନିର୍ବାଚିତ ରାଷ୍ଟ୍ରପତି ଟ୍ରମ୍ପଙ୍କୁ ବିଜୟ ପାଇଁ ଶୁଭେଚ୍ଛା ଜଣାଇଛି । ମୁଁ ତାଙ୍କୁ ଆଶ୍ୱାସନା ଦେଇଥିଲି ଯେ ମୁଁ ମୋର ପୂରା ପ୍ରଶାସନକୁ ଶାନ୍ତିପୂର୍ଣ୍ଣ ତଥା ଶୃଙ୍ଖଳିତ ଭାବରେ ତାଙ୍କ ଦଳ ସହିତ କାର୍ଯ୍ୟ କରିବାକୁ ନିର୍ଦ୍ଦେଶ ଦେବି । ''
ଫଳାଫଳକୁ ଗ୍ରହଣ କରୁଛୁ:
ବାଇଡେନ ଆହୁରି କହିଛନ୍ତି ଯେ, '' ପରାଜୟ ପରେ ଉପରାଷ୍ଟ୍ରପତି କମଲା ହାରିସଙ୍କ ସହିତ କଥାବାର୍ତ୍ତା ହୋଇଛି । ସେ ହେଉଛନ୍ତି ଲୋକଙ୍କ ସେବକ । ନିର୍ବାଚନରେ ବିଜୟ ପାଇଁ ପୂରା ଚେଷ୍ଟା କରିଥିଲେ । ନିର୍ବାଚନୀ ସମୟରେ ତାଙ୍କ ପ୍ରଚାର ଅଭିଯାନ ପାଇଁ ଗର୍ବିତ ହେବା ଉଚିତ । ଦେଶରେ ହୋଇଥିବା ନିର୍ବାଚନ ଫଳାଫଳକୁ ଆମେ ଗ୍ରହଣ କରୁଛୁ । ''
ଶାନ୍ତିପୂର୍ଣ୍ଣ ଭାବେ କ୍ଷମତା ହସ୍ତାନ୍ତର କରିବୁ:
ବାଇଡେନ କହିଛନ୍ତି, '' ଆମେରିକୀୟ ନିର୍ବାଚନ ପ୍ରଣାଳୀ ବିଶ୍ବସନୀୟ। ଏହା ନିରପେକ୍ଷ ଓ ସ୍ବଚ୍ଛ ଅଟେ । ତେଣୁ ନିର୍ବାଚନରେ ପରଜାୟ ହେଉ କି ବିଜୟ ତାହା ଗ୍ରହଣୀୟ । ଜାନୁଆରୀ 20ରେ ଶାନ୍ତିପୂର୍ଣ୍ଣ ଭାବରେ ଆମେ ଟ୍ରମ୍ପଙ୍କୁ କ୍ଷମତା ହସ୍ତାନ୍ତର କରିବୁ । ଆମର ସମସ୍ତ କର୍ମଚାରୀ, ସମର୍ଥକ, କ୍ୟାବିନେଟ ସଦସ୍ୟ ଯେଉଁ ମାନେକି ମୋ ସହ ଗତ 4 ବର୍ଷ ହେବ ରହିଥିଲେ । ''
