ହାଇଦ୍ରାବାଦ: ଆମେରିକା ରାଷ୍ଟ୍ରପତି ରେସରୁ ଓହରିଲେ ଜୋ ବାଇଡେନ । ଉପ ରାଷ୍ଟ୍ରପତି କମଳା ହାରିସଙ୍କ ନାମକୁ ଡେମୋକ୍ରାଟିକ୍ ଦଳର ନୂଆ ରାଷ୍ଟ୍ରପତି ଚେହେରା ଭାବେ ନୋମିନେଟ୍ କରିଛନ୍ତି ବାଇଡେନ୍ । 2024 ଆମେରିକା ରାଷ୍ଟ୍ରପତି ନିର୍ବାଚନ କ୍ୟାମ୍ପେନିଂରୁ ମଧ୍ୟ ନିଜେ ବାଇଡେନ୍ ଓହରି ଯାଇଛନ୍ତି । ବାଇଡେନ୍ 2024 ଆମେରିକା ରାଷ୍ଟ୍ରପତି ନିର୍ବାଚନରେ ଦ୍ବିତୀୟ ଥର ରାଷ୍ଟ୍ରପତି ପାଇଁ ନିର୍ବାଚନ ଲଢୁଥିଲେ । ସୋସିଆଲ ମିଡିଆ ‘ଏକ୍ସ’ରେ ବାଇଡେନ ଏହି ବଡ ସୂଚନା ଦେବା ସହିତ ଚର୍ଚ୍ଚା ଆକଳନକୁ ସଠିକ ସାବ୍ୟସ୍ତ କରିଛନ୍ତି । ସେ ଲେଖିଛନ୍ତି, ଆମ ଦଳ ଏବଂ ଆମେରିକାବାସୀଙ୍କ ସ୍ବାର୍ଥକୁ ଦୃଷ୍ଟିରେ ରଖି ମୁଁ ଏହି ନିଷ୍ପତ୍ତି ନେଇଛି । ତେବେ ନିର୍ବାଚନକୁ ଆଉ 4 ମାସ ରହିଥିବା ବେଳେ ଡେମୋକ୍ରାଟିକ ଦଳର ନୂଆ ରାଷ୍ଟ୍ରପତି ଚେହେରା ହାରିସ ବର୍ତ୍ତମାନ ରିପବ୍ଲିକାନ ହେଭିଓ୍ବେଟ୍ ଡୋନାଲ୍ଡ ଟ୍ରମ୍ପଙ୍କ ସହିତ ଲଢେଇ କରିବେ ।
— Joe Biden (@JoeBiden) July 21, 2024
ଆମେରିକା ରାଷ୍ଟ୍ରପତି ନିର୍ବାଚନ ରେସ୍ରୁ ଓହରିଲେ ଜୋ ବାଇଡେନ । ଉପରାଷ୍ଟ୍ରପତି କମଳା ହାରିସଙ୍କୁ ପ୍ରାର୍ଥୀ ପାଇଁ ସୁପାରିସ କଲେ ବାଇଡେନ । ଡେମୋକ୍ରାଟ ପକ୍ଷରୁ ପ୍ରାର୍ଥୀ ହୋଇପାରନ୍ତି କମଳା ହାରିସ । ରିପବ୍ଲିକାନ ପକ୍ଷରୁ ପ୍ରାର୍ଥୀ ହୋଇଛନ୍ତି ଡୋନାଲଡ ଟ୍ରମ୍ପ । ଏପଟେ ବାଇଡେନଙ୍କୁ ପ୍ରଶଂସା କଲେ ପୂର୍ବତନ ରାଷ୍ଟ୍ରପତି ବାରାକ୍ ଓବାମା । ରାଷ୍ଟ୍ରପତି ରେସ୍ରୁ ଓହରିବା ନିଷ୍ପତ୍ତିକୁ ସମର୍ଥନ କଲେ ଓବାମା ।
My fellow Democrats, I have decided not to accept the nomination and to focus all my energies on my duties as President for the remainder of my term. My very first decision as the party nominee in 2020 was to pick Kamala Harris as my Vice President. And it’s been the best… pic.twitter.com/x8DnvuImJV
— Joe Biden (@JoeBiden) July 21, 2024
ଚାପରେ ଚେପା ହୋଇଗଲେ ବାଇଡେନ ! ରାଷ୍ଟ୍ରପତି ନିର୍ବାଚନ ଡିବେଟରେ ଖରାପ ପ୍ରଦର୍ଶନ ପରେ ଟ୍ରମ୍ପକୁ ଗୁଳିମାଡ ପ୍ରସଙ୍ଗରେ ବ୍ୟାକଫୁଟ୍ ରେ ଥିବା ବାଇଡେନ ବଡ ନିଷ୍ପତ୍ତି ନେଇଛନ୍ତି । ଆମେରିକା ରାଷ୍ଟ୍ରପତି ନର୍ବାଚନ 2024 ରେସରୁ ନିଜେ ଓହରି ଯାଇଛନ୍ତି । ଏହାସହିତ ଉପ ରାଷ୍ଟ୍ରପତି କମଳା ହାରିସଙ୍କ ନାମକୁ ଦଳର ନୂଆ ରାଷ୍ଟ୍ରପତି ଚେହେରା ଭାବେ ପ୍ରସ୍ତାବ ଦେଇଛନ୍ତି । ଏହା ସହିତ ନିର୍ବାଚନ କ୍ୟାମ୍ପେନିଂ ବନ୍ଦ କରି ନିଜର ଆଗାମୀ ପଦକ୍ଷେପ କଣ ଜାଣିବା ପାଇଁ ଦେଶବାସୀଙ୍କୁ ଅପେକ୍ଷା କରିବାକୁ କହିଛନ୍ତି । ସେ ପୁଣି କହିଛନ୍ତି, ବର୍ତ୍ତମାନ ସମୟ ଆସିଛି ଟ୍ରମ୍ପଙ୍କୁ ହରାଇବାର । ଚାଲ ଆମେ ସମସ୍ତେ ମିଶିକି ହରାଇବା । ମୁଁ ଏହି ନିଷ୍ପତ୍ତି ଆମ ଦଳ ଏବଂ ଦେଶବାସୀଙ୍କୁ ସ୍ବାର୍ଥକୁ ଦୃଷ୍ଟିରେ ରଖିକି କରିଛି ବୋଲି କହିଛନ୍ତି ବାଇଡେନ ।
ଶେଷ ମାସରେ ବାଇଡେନ ଏବଂ ଟ୍ରମ୍ପଙ୍କ ମଧ୍ୟରେ ହୋଇଥିବା ଡିବେଟ୍ ପ୍ରତିଯୋଗିତାରେ ଟ୍ରମ୍ପ ପଛରେ ପଡିଯାଇଥିଲେ । ସେବେଠୁ ବାଇଡେନଙ୍କ ଉପରେ ପ୍ରବଳ ଚାପ ଥିଲା । ତେବେ ବର୍ତ୍ତମାନ ଡେମୋକ୍ରାଟିକ ଦଳ ହାରିସଙ୍କୁ ରାଷ୍ଟ୍ରପତି ପ୍ରାର୍ଥୀ ଭାବେ ଘୋଷଣା କରୁଛି ନା ଅନ୍ୟ କିଏ ସାମ୍ନାକୁ ଆସୁଛନ୍ତି । "ମୁଁ କମଳା ହାରିସଙ୍କୁ ଚଳିତ ବର୍ଷର ରାଷ୍ଟ୍ରପତି ପ୍ରାର୍ଥୀ ଭାବେ ପ୍ରସ୍ତାବ ହେଉଛି । ବର୍ତ୍ତମାନ ଆମକୁ ଏକାଠି ହେବାର ସମୟ ଆସିଛି ଆଉ ଟ୍ରମ୍ପଙ୍କୁ ହରାଇବାର ସମୟ ମଧ୍ୟ । ଚାଲ ସଭିଏଁ ଏକାଠୀ ହୋଇ ବିଜୟୀ ହେବା," ବୋଲି ବାଇଡେନ ସୋସିଆଲ ମିଡିଆ ଏକ୍ସରେ ଲେଖିଛନ୍ତ । ଆସନ୍ତା ନଭେମ୍ବର 5 ତାରିଖରେ ଆମେରିକା ରାଷ୍ଟ୍ରପତି ନିର୍ବାଚନ । ତେବେ ବାଇଡେନ ବର୍ତ୍ତମାନ କୋଭିଡ ପଜିଟିଭ ଚିହ୍ନଟ ହେବା ପରେ ଆଇସୋଲେସନରେ ରହୁଛନ୍ତି । ସେ ଆଗକୁ ତାଙ୍କ ନିଷ୍ପତ୍ତି ନେଇ ବିସ୍ତୃତ ତଥ୍ୟ ଦେବେ ବୋଲି ମଧ୍ୟ କହିଛନ୍ତି ।
Joe Biden has been one of America’s most consequential presidents, as well as a dear friend and partner to me. Today, we’ve also been reminded – again – that he’s a patriot of the highest order.
— Barack Obama (@BarackObama) July 21, 2024
Here’s my full statement: https://t.co/Bs2ZumFXxe
ଦେଶବାସୀଙ୍କୁ ଧନ୍ୟବାଦ ଦେଲେ-
ରାଷ୍ଟ୍ରପତି ଭାବେ ନିର୍ବାଚିତ କରିଥିବାରୁ ବାଇଡେନ ଆମେରିକାବାସୀଙ୍କୁ ଧନ୍ୟବାଦ ଦେଇଛନ୍ତି । ସେ କହିଛନ୍ତି, ମୁଁ ଦେଶବାସୀଙ୍କ ପାଖରେ ଋଣି । ରାଷ୍ଟ୍ରପତି ଭାବେ ବହୁତ ଭଲ କାର୍ଯ୍ୟ କରିଛି । ଦେଶକୁ ଆଗକୁ ନେଇଛି । ମୁଁ ମୋର ରାଷ୍ଟ୍ରପତି ଭାବେ ବାକିଥିବା ସମୟକୁ ସ୍ବଚାରୁ ରୂପେ କାର୍ଯ୍ୟ କରିବି । ଆମେରିକା ବିଶ୍ବର ସବୁଠୁ ଶକ୍ତିଶାଳୀ ଦେଶ । ଆମ ଅର୍ଥନୀତି ସବୁଠୁ ଆଗରେ । ଆମେ ସବୁକିଛି କରିପାରିବା ବୋଲି କହିଛନ୍ତି ବାଇଡେନ ।
ଟ୍ରମ୍ପଙ୍କୁ ଗୁଳି ପରେ ବାଇଡେନ ଚାପରେ ଥିଲେ-
ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଗୁଳିମାଡ ହୋଇଥିଲା । ପେନ୍ସିଲଭେନିଆ ସହରରେ ଏକ ରାଲିରେ ଜନତାଙ୍କୁ ସମ୍ବୋଧନ କରୁଥିବା ସମୟରେ ହଠାତ ଗୁଳି ଫୁଟିଥିଲା । ଏଥିରେ ଟ୍ରମ୍ପ ଆହତ ହୋଇଥିଲେ । ତାଙ୍କର ଡାହାଣ କାନର ଉପରେ ଅଂଶରେ ଗୁଳି ବାଜି ବାହାରି ଯାଇଥିଲା । ଗୁଳିମାଡ ପରେ ଟ୍ରମ୍ପଙ୍କ କାନ ଓ ଗାଲରେ ରକ୍ତଛିଟା ଲାଗିଥିବା ଦେଖିବାକୁ ମିଳିଥିଲା । ଏପଟେ ଏହି ଘଟଣା ପରେ ଚାପରେ ଥିଲେ ବାଇଡେନ । କାରଣ ଘଟଣାକୁ ନେଇ ଦଳ ମଧ୍ୟରେ ପ୍ରବଳ ଅସନ୍ତୋଷ ଦେଖାଦେଇଥିଲା । ଏପରିକି ଗୁଳିମାଡ ଘଟଣା ପରେ ଟ୍ରମ୍ପଙ୍କ ପ୍ରତି ଜନ ସମର୍ଥନ ବଢିବା ସହିତ ବିଶ୍ବବାସୀଙ୍କ ନଜର ଟ୍ରମ୍ପଙ୍କ ଉପରେ ଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
