ହାଇଦ୍ରାବାଦ: ବର୍ତ୍ତମାନ ପ୍ରବଳ ଗ୍ରୀଷ୍ମ ପ୍ରବାହ ଜାରି ରହିଛି । ସକାଳୁ ସକାଳୁ ଖରା ସହ ଗୁଳୁଗୁଳି ହେଉଥିବା ବେଳେ ଅସହ୍ୟ ହେଲାଣି ଜନଜୀବନ । ଏପରି ପରିସ୍ଥିତିରେ ବାହାରକୁ ଯିବାକୁ ଲୋକେ ଅମଙ୍ଗ ହେଉଛନ୍ତି । କିନ୍ତୁ ଯେଉଁମାନେ ଜରୁରୀ ପରିସ୍ଥିତିରେ ବାହାରକୁ ଯାଆନ୍ତି, ସେମାନେ ସୂର୍ଯ୍ୟର ଉତ୍ତାପରୁ ମୁକ୍ତି ପାଇବା ପାଇଁ ବିଭିନ୍ନ ପ୍ରକାରର ଜୁସ ପିଅନ୍ତି । ଏହାରି ମଧ୍ୟରେ ଆଖୁ ରସ ଅନ୍ୟତମ । ଖରା ଦିନେ ଆଖୁ ରସକୁ ଏନର୍ଜି ଡ୍ରିଙ୍କ୍ ବୋଲି ବିବେଚନା କରାଯାଏ । ତେବେ ଆପଣ ଜାଣନ୍ତି କି ? ଏହା ପିଇବା ଦ୍ୱାରା ଆପଣଙ୍କ ସ୍ୱାସ୍ଥ୍ୟକୁ ମଧ୍ୟ ଲାଭଦୟକ ।
ବିଶେଷଜ୍ଞଙ୍କ କହିବା ଅନୁସାରେ, ଆଖୁ ରସରେ କାର୍ବୋହାଇଡ୍ରେଟ, ପ୍ରୋଟିନ, ଭିଟାମିନ ଏବଂ ଜିଙ୍କ, ଫସଫରସ, ପୋଟାସିୟମ ଏବଂ କ୍ୟାଲସିୟମ ପରି ଖଣିଜ ପଦାର୍ଥ ଭରପୁର ରହିଛି । ଏହି ପୋଷକ ତତ୍ତ୍ୱଯୁକ୍ତ ଆଖୁ ରସ ଆପଣଙ୍କ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ଅଟେ । ହଜମ ପ୍ରକ୍ରିୟାରେ ଉନ୍ନତି ଠାରୁ ଆରମ୍ଭ କରି ଜଣ୍ଡିସ ଭଳି ସମସ୍ୟା ହ୍ରାସ କରିଥାଏ । ତେବେ ଆଖୁ ରସର ଉପକାରିତା ବିଷୟରେ ସମ୍ପୂର୍ଣ୍ଣ ତଥ୍ୟ ଜାଣନ୍ତୁ,
ଆଖୁ ରସ ପିଇବାର ସ୍ୱାସ୍ଥ୍ୟ ଉପକାର:
- ଆଖୁ ରସରେ ପୋଟାସିୟମ, ଜିଙ୍କ, ଫସଫରସ୍, କ୍ୟାଲସିୟମ ଏବଂ ଆଇରନ ପରି ଖଣିଜ ପଦାର୍ଥ ରହିଥାଏ । ଏଥିରେ ଭିଟାମିନ୍-A, B ଏବଂ C ମଧ୍ୟ ଭରପୁର ମାତ୍ରାରେ ଥାଏ । ଯାହା ଫଳରେ ଆମ ଶରୀରକୁ ଥଣ୍ଡା କରିବା ସହ ଆମକୁ ତତକ୍ଷଣାତ୍ ଶକ୍ତି ପ୍ରଦାନ କରିଥାଏ ।
- ଆଖୁ ରସ ପିଇଲେ ଡିହାଇଡ୍ରେସନ୍ ସମସ୍ୟାରୁ ମୁକ୍ତି ପାଇପାରିବେ ।
- ଆଖୁ ରସରେ ଫାଇବରରେ ଅଧିକ ଥାଏ । ଯାହା ଫଳରେ ଏହା ପିଇବା ଦ୍ୱାରା କୋଷ୍ଠକାଠିନ୍ୟ ସମସ୍ୟାରୁ ମୁକ୍ତି ମିଳିଥାଏ ଏବଂ ହଜମ ପ୍ରକ୍ରିୟାରେ ଉନ୍ନତି ହୋଇଥାଏ ।
- ଆଖୁ ରସରେ ଥିବା ଖଣିଜ ପଦାର୍ଥ ଦାନ୍ତ ଏବଂ ହାଡକୁ ଶକ୍ତିଶାଳୀ କରିଥାଏ ।
- ବିଶେଷଜ୍ଞମାନେ କହିଛନ୍ତି ଯେ ଗ୍ରୀଷ୍ମ ସମୟରେ ଆଖୁ ରସ ପିଇଲେ ରୋଗ ପ୍ରତିରୋଧକ ଶକ୍ତି ବଢିପାରେ ।
- ମଧୁମେହରେ ପୀଡିତ ଲୋକଙ୍କୁ ସପ୍ତାହରେ ଥରେ ଏକ ଗ୍ଲାସ୍ ଆଖୁ ରସ ପିଇବାକୁ ପରାମର୍ଶ ଦିଆଯାଇଛି ।
- ଆଖୁ ରସରେ ଫାଇବର ଅଧିକ ଥାଏ । ଏହାକୁ ପିଇବା ଦ୍ୱାରା ପେଟ ପୂର୍ଣ୍ଣ ଅନୁଭବ କରେ ଏବଂ ଆପଣଙ୍କୁ ଭୋକିଲା କରେ ନାହିଁ । ତେଣୁ, ଯେଉଁମାନେ ଓଜନ ହ୍ରାସ କରିବାକୁ ଚାହୁଁଛନ୍ତି ସେମାନେ ଏହା ପିଇବା ଉଚିତ ।
- ବିଶେଷଜ୍ଞମାନେ କହିଛନ୍ତି ଯେ ଆଖୁ ରସ ପିଇବା ଦ୍ୱାରା ଖରାପ କୋଲେଷ୍ଟ୍ରଲ ସ୍ତର କମିଯାଏ ଏବଂ ହୃଦୟ ସୁସ୍ଥ ରହିଥାଏ ।
- ଆଖୁ ରସ ଆମ ଶରୀରରେ ପ୍ରୋଟିନ୍ ସ୍ତର ବଢାଇଥାଏ । ବିଶେଷଜ୍ଞମାନେ କହିଛନ୍ତି ଯେ ଏହା କିଡନୀ ସ୍ୱାସ୍ଥ୍ୟରେ ମଧ୍ୟ ଉନ୍ନତି ଆଣିଥାଏ ।
- ଆଖୁ ରସ ପିଇବା ଦ୍ୱାରା ଶ୍ୱାସକ୍ରିୟାରେ ସମସ୍ୟା ହୁଏ ନାହିଁ ।
- ଜଣ୍ଡିସ ରୋଗୀଙ୍କ ପାଇଁ ଆଖୁ ରସ ଭଲ ଅଟେ ଏହା ଯକୃତର କାର୍ଯ୍ୟକୁ ମଧ୍ୟ ଉନ୍ନତ କରିଥାଏ ଏବଂ ରୋଗ ସୃଷ୍ଟି କରୁଥିବା ପଦାର୍ଥକୁ ବାହାର କରିଦିଏ ।
ସୂଚନା ଥାଉ, ଆଖୁ ରସ ପିଇବାର ଏହି ଉପକାରିତା ସତ୍ତ୍ୱେ ଏହାକୁ ପ୍ରତିଦିନ ଖାଇବା ଉଚିତ୍ ନୁହେଁ । କାରଣ ଏଥିରେ ଚିନି ସ୍ତର ଅଧିକ । ତେଣୁ, ସପ୍ତାହରେ ୨ରୁ ୩ ଗ୍ଲାସ୍ ପିଇବାକୁ ପରାମର୍ଶ ଦିଆଯାଇଛି ।
ଏହା ମଧ୍ୟ ପଢନ୍ତୁ: ପୋଷକ ତତ୍ତ୍ବରେ ଭରପୂର ଆମ୍ବ, ହେବନି ପେଟ ସମ୍ବନ୍ଧୀୟ ରୋଗ
ବ୍ୟୁରୋ ରିପୋର୍ଟ, ଇଟିଭି ଭାରତ
