ହାଇଦ୍ରାବାଦ: ଯଦି ଆପଣ ଏନିମିଆ ବା ରକ୍ତହୀନତାରେ ପୀଡିତ ଏବଂ ପ୍ରାକୃତିକ ଉପାୟରେ ଶରୀରରେ ରକ୍ତ ବଢାଇବାକୁ ଚାହୁଁଛନ୍ତି, ତାହେଲେ ଏହି ଖବର ଆପଣଙ୍କ ପାଇଁ । ଆୟୁର୍ବେଦ ଅନୁସାରେ, କିଛି ଘରୋଇ ଉପାୟ ଆପଣାଇ ନିଜ ଶରୀରରେ ରକ୍ତର ମାତ୍ରା ବଢାଯାଇପାରିବ । ଏନେଇ ଆୟୁର୍ବେଦିକ ବିଶେଷଜ୍ଞ ଡ. ଗାୟତ୍ରୀ ଦେବୀ କହିଛନ୍ତି, ଏନିମିଆ ପୀଡିତ ବ୍ୟକ୍ତି ଏହି ରୋଗ ଦୂର ପାଇଁ ନିଜ ଘରେ ଏକ କଢା ତିଆରି କରିପାରିବେ ଓ ଏହାର ପ୍ରାକୃତିକ ଗୁଣରୁ ଲାଭ ଉଠାଇପାରିବେ ।
କାଢା ବନାଇବା ଲାଗି ଆବଶ୍ଯକ ସାମଗ୍ରୀ:
- ଅଁଳା ଜୁସ୍ ବା ଅଁଳା କାଢା- 1 ଲିଟର
- ଚଣା ପାଉଡର- 125 ଗ୍ରାମ
- ମହୁ- 120 ଏମଏଲ
- ଚିନି କିମ୍ବା ଗୁଡ- 125 ଗ୍ରାମ
- ମାଟିପାତ୍ର -1
କାଢାର ଫାଇଦା:
ଅଁଳା: ଏହା ଭିଟାମିନ-ସି ଓ ଆଣ୍ଟିଏକ୍ସିଡେଣ୍ଟରେ ଭରପୂର । ଅଁଳା ଏନିମିଆ ରୋକିବାରେ ସାହାଯ୍ୟ କରେ ଓ ରକ୍ତର ମାତ୍ରା ବଢାଏ ।
ଚଣା: ଶରୀରରେ ରକ୍ତ ସଞ୍ଚାଳନ ବଢାଏ ଓ ପାଚନ କ୍ରିୟାରେ ସୁଧାର ଆଣେ ।
ମହୁ: ଏହାର ଅନେକ ସ୍ବାସ୍ଥ୍ୟ ଉପକାରୀ ଗୁଣ ରହିଛି । ମହୁରୁ ଆବଶ୍ୟକୀୟ ପୋଷକ ତତ୍ତ୍ବ ମିଳେ ଓ ସ୍ବାଭାବିକ ରୂପେ ରକ୍ତର ମାତ୍ରା ବଢାଇବାରେ ସାହାଯ୍ୟ କରେ ।
ଆୟୁର୍ବେଦିକ ଏକ୍ସପର୍ଟ ଡ. ଗାୟତ୍ରୀ ଦେବୀଙ୍କ କହିବା କଥା, ଏହି ସାମଗ୍ରୀକୁ ନିଜର ଦିନଚର୍ଯ୍ୟାରେ ସାମିଲ କରି ଆପଣ ଏନିମିଆ ସମସ୍ୟା ଦୂର କରିପାରିବେ । ଏଥିସହ ସ୍ବାସ୍ଥ୍ୟ ମଧ୍ୟ ଭଲ ରହିବ ।
ପ୍ରସ୍ତୁତି ପ୍ରଣାଳୀ:
- ଅଁଳା ଜୁସ୍: ଯଦି ତାଜା ଅଁଳା ଅଛି, ତାହେଲେ ଏହାର ରସ ବାହାର କରିଦିଅନ୍ତୁ । ନଚେତ୍ କାଢା ତିଆରି କରିବା ପାଇଁ 1 କେଜି ଶୁଖିଲା ଅଁଳାକୁ 4 ଲିଟର ପାଣିରେ କମ୍ ଆଞ୍ଚରେ ଫୁଟାନ୍ତୁ । ଏହା 1 ଲିଟର ହେବା ପର୍ଯ୍ୟନ୍ତ ଏମିତି ଫୁଟାନ୍ତୁ ଏବଂ ଏହାକୁ ଛାଣିକୁ ଅଲଗା ରଖିଦିଅନ୍ତୁ ।
- ଚଣା ପାଉଡର: ଏକ ପ୍ୟାନରେ ଅଳ୍ପ ଘିଅ ଗରମ କରୁନ୍ତୁ । ଏଥିରେ ଚଣା ପକାଇ ଘୋଳାନ୍ତୁ ଏବଂ 125 ଗ୍ରାମର ପାଉଡର ବନାନ୍ତୁ ।
- ଏବେ ଏକ ମାଟିପାତ୍ରରେ ଅଁଳା ରସ ଢାଳି, ଏଥିରେ ଚଣା ପାଉଡର, ଚିନି କମ୍ବା ଗୁଡ ଭଲ ଭାବେ ମିଶାଇ ଦିଅନ୍ତୁ । ଏହାପରେ ମହୁ ଢାଳି ପୁଣିଥରେ ଭଲ ଭାବେ ଗୋଳାନ୍ତୁ ।
- ଏବେ ଏହି ମାଟିପାତ୍ରକୁ ଭଲ ଭାବେ ଘୋଡାଇ ରଶିରେ ବାନ୍ଧି ସିଲ୍ କରିଦିଅନ୍ତୁ ।
- 15 ଦିନ ପର୍ଯ୍ୟନ୍ତ ଏହାକୁ ଏମିତି ସାଇତି ରଖନ୍ତୁ ।
- 15 ଦିନ ପରେ ଏହି ମିଶ୍ରଣକୁ ଏକ ବୋତଲରେ ଭର୍ତ୍ତି କରି ପ୍ରତିଦିନ ସକାଳେ ଦୁଇ ଚାମଚ ସେବନ କରନ୍ତୁ ।
Disclaimer- ଏଠାରେ ଦିଆଯାଇଥିବା ସୂଚନା କେବଳ ଆପଣଙ୍କ ଜାଣିବା ପାଇଁ । ଏହା ଉପରେ ବିଚାର କରିବା ପୂର୍ବରୁ ଡାକ୍ତରଙ୍କ ପରାମର୍ଶ ନେବା ଭଲ ।
