ହାଇଦ୍ରାବାଦ: ଦୂରରୁ ଗ୍ଲାମରର ଦୁନିଆ ବହୁତ ଚମତ୍କାର ଦେଖାଯାଏ କିନ୍ତୁ ସେଲିବ୍ରିଟିଙ୍କ ଜୀବନରେ ସମସ୍ୟା ମଧ୍ୟ କମ୍ ନୁହେଁ । ବଡ଼ ପରଦାରେ ଯେକୌଣସି ବ୍ୟକ୍ତି ହିରୋ ହୋଇପାରିବେ, କିନ୍ତୁ ବାସ୍ତବ ଜୀବନରେ ଯିଏ ସମସ୍ୟାଗୁଡ଼ିକୁ ଦୂର କରି ପୁନର୍ବାର ଠିଆ ହୁଏ, ସେ ହିଁ ପ୍ରକୃତ ହିରୋ । ଆଜି ବିଶ୍ୱ କର୍କଟ ଦିବସ । ଏହି ଅବସରରେ, ଆମେ ସେହି ତାରକାମାନଙ୍କ ବିଷୟରେ କଥା ହେବାକୁ ଯାଉଛୁ ଯେଉଁମାନେ କର୍କଟ ଭଳି ଗମ୍ଭୀର ରୋଗ ସହ ଲଢ଼ି ମାତ୍ ଦେଇଛନ୍ତି ଏବଂ ଲକ୍ଷ ଲକ୍ଷ କର୍କଟ ରୋଗୀଙ୍କ ପାଇଁ ପ୍ରେରଣା ପାଲଟିଛନ୍ତି । ଯଦି ଆପଣ ଆପଣଙ୍କ ଜୀବନରେ ଛୋଟ ଛୋଟ ସମସ୍ୟା ପାଇଁ ବିରକ୍ତ ହୁଅନ୍ତି, ତେବେ ଆପଣଙ୍କୁ ଏହି ସେଲିବ୍ରିଟିଙ୍କ କାହାଣୀ ଜାଣିବା ଉଚିତ ।
- ସାତ୍ୟକି ମିଶ୍ର
ଓଲିଉଡ ଅଭିନେତା ସାତ୍ୟକି ମିଶ୍ର ଦୀର୍ଘ 3 ବର୍ଷ ହେବ ମୁଖ କର୍କଟ ରୋଗରେ ପୀଡ଼ିତ । ବର୍ତ୍ତମାନ ସେ କିପରି ଏହି ରୋଗ ସହ ଲଢେଇ ଜାରି ରଖିଛନ୍ତି । ଏହି ରୋଗ ବିରୁଦ୍ଧରେ ଜାଣିବା ପରେ ବହୁତ ସାହସ ଦେଖାଇଛନ୍ତି ନିଜ ଲଢେଇ ଜାରି ରଖିଛନ୍ତି । ସେ ଏନେଇ ଫ୍ୟାନ୍ସଙ୍କ ସହ ସୋସିଆଲ ମିଡିଆରେ ଅନେକ ପୋଷ୍ଟ କରି ମଧ୍ୟ ଫ୍ୟାନ୍ସଙ୍କୁ ନିଜ ଅନୁଭୂତି ବଖାଣିବା ସହ ଲୋକଙ୍କୁ ନିଶା ସେବନ ଏବଂ ତମ୍ବାଖୁ ନ ଖାଇବାକୁ ନିବେଦନ କରୁଛନ୍ତି । ତେବେ ଏହାକୁ ମାତ୍ ଦେଇ ତାଙ୍କ ଶୀଘ୍ର ସୁସ୍ଥତା କାମନା କରୁଛୁ ।
2. ହିନା ଖାନ
ପ୍ରସିଦ୍ଧ ଟେଲିଭିଜନ ଫେସ୍ ହିନା ଖାନ ସ୍ତନ କର୍କଟ ରୋଗରେ ପୀଡିତ ଯାହା ଏହାର ତୃତୀୟ ପର୍ଯ୍ୟାୟରେ ଅଛନ୍ତି । ହିନା ପ୍ରାୟତଃ ସୋସିଆଲ ମିଡିଆରେ ତାଙ୍କ ପ୍ରଶଂସକଙ୍କ ସହ ତାଙ୍କର ସ୍ୱାସ୍ଥ୍ୟ ସମ୍ବନ୍ଧୀୟ ଅପଡେଟ୍ ସେୟାର କରନ୍ତି । ହିନା 2024 ମସିହାରେ ଏହା ବିଷୟରେ ଜାଣିବାକୁ ପାଇଲେ କିନ୍ତୁ ସେ ଏହା ବିରୁଦ୍ଧରେ ବହୁତ ସାହସ ଦେଖାଇ ଲଢୁଛନ୍ତି ଏବଂ ଆଜି ସେ ଲକ୍ଷ ଲକ୍ଷ ଲୋକଙ୍କ ପାଇଁ ପ୍ରେରଣା ପାଲଟିଛନ୍ତି । ତେବେ ସେ ଶୀଘ୍ର ଏହାକୁ ମାତ୍ ଦେଇ ସୁସ୍ଥତା ନେଇ କାମନା କରୁଛୁ ।
3. ସୋନାଲି ବେନ୍ଦ୍ରେ
ହମ୍ ସାଥ୍ ସାଥ୍ ହେ, ସରଫରୋଶ ଭଳି ଫିଲ୍ମରେ ଅଭିନୟ କରି ଲୋକଙ୍କ ହୃଦୟ ଜିତିଥିବା ସୋନାଲି ବେନ୍ଦ୍ରେ ମେଟାଷ୍ଟାସିସ୍ କର୍କଟ ରୋଗରେ ପୀଡିତ ଥିଲେ । କେମୋଥେରାପି ପରେ ତାଙ୍କୁ ବହୁତ ସମସ୍ୟାର ସମ୍ମୁଖୀନ ହେବାକୁ ପଡିଲା । କିନ୍ତୁ ସେ ହାର ମାନି ନଥିଲେ, ତାଙ୍କ ସମର୍ପଣ ଏବଂ ଜୀବନଶୈଳୀ ଉପରେ ଧ୍ୟାନ ଦେଇ, ସୋନାଲି କର୍କଟ ରୋଗକୁ ପରାସ୍ତ କରିଥିଲେ ଏବଂ ବାସ୍ତବ ଜୀବନରେ ଜଣେ ପ୍ରକୃତ ହିରୋ ହୋଇଥିଲେ ।
4. ସଞ୍ଜୟ ଦତ୍ତ
୨୦୨୦ ମସିହାରେ ସଞ୍ଜୟ ଦତ୍ତଙ୍କ ଫୁସଫୁସ କର୍କଟ ରୋଗ ଚିହ୍ନଟ ହୋଇଥିଲା ଏବଂ କେବଳ ଏତିକି ନୁହେଁ, ତାଙ୍କର କର୍କଟ ଚତୁର୍ଥ ପର୍ଯ୍ୟାୟରେ ଥିଲେ । ସଞ୍ଜୟ ତଥାପି ହାର ମାନି ନଥିଲେ ଏବଂ କର୍କଟ ରୋଗ ବିରୁଦ୍ଧରେ ଲଢ଼ିବାକୁ ନିଷ୍ପତ୍ତି ନେଇଥିଲେ । ୩ ମାସର ନିରନ୍ତର ଚିକିତ୍ସା ପରେ, ରିଲ୍ ଲାଇଫ୍ ଖଳନାୟକ ବାସ୍ତବ ଜୀବନରେ ରିଅଲ ହିରୋ ପାଲଟିଥିଲେ ଏବଂ ଅନେକଙ୍କ ପାଇଁ ପ୍ରେରଣା ସାଜିଲେ ।
5. ମନୀଷା କୋରେଲା
ହୀରାମଣ୍ଡି ସହ ବ୍ଲକବଷ୍ଟର ପ୍ରତ୍ୟାବର୍ତ୍ତନ କରିଥିବା ଅଭିନେତ୍ରୀ ମନୀଷା କୋରେଲା ମଧ୍ୟ କର୍କଟ ରୋଗ ସହିତ ଲଢ଼ିଛନ୍ତି । ମନୀଷାଙ୍କୁ 2021 ମସିହାରେ ଓଭାରିଆନ୍ କର୍କଟ ରୋଗ ଚିହ୍ନଟ ହୋଇଥିଲା। ଯେତେବେଳେ ସେ ଚିକିତ୍ସା ପରେ ତାଙ୍କର ଲୁକ୍ ଫଟୋ ସେୟାର କଲେ, ଲୋକମାନେ ଆଶ୍ଚର୍ଯ୍ୟ ହୋଇଗଲେ । ମନୀଷାଙ୍କୁ ନ୍ୟୁୟର୍କରେ ଅନେକ କେମୋ ସେସନ୍ କରିବାକୁ ପଡିଥିଲା ଏବଂ ତା’ପରେ ସେ ସୁସ୍ଥ ହୋଇଗଲେ ।
6. ତାହିରା କଶ୍ୟପ
୨୦୧୮ ମସିହାରେ ଆୟୁଷ୍ମାନ ଖୁରାନାଙ୍କ ପତ୍ନୀଙ୍କୁ କର୍କଟ ରୋଗ ଚିହ୍ନଟ ହୋଇଥିଲା । ତାଙ୍କୁ ସ୍ତନ କର୍କଟ ହୋଇଥିଲା ଯାହା ପ୍ରାରମ୍ଭିକ ପର୍ଯ୍ୟାୟରେ ଥିଲା । ତାହିରାଙ୍କ କର୍କଟ ଚିକିତ୍ସା ସମୟରେ ଅନେକ କେମୋ ସେସନ୍ ହୋଇଥିଲା । ଶେଷରେ, 35 ବର୍ଷ ବୟସରେ, ତାହିରା କର୍କଟ ରୋଗକୁ ପରାସ୍ତ କଲେ ।
ଏହା ମଧ୍ୟ ପଢନ୍ତୁ: ବଲିଉଡ୍ ଷ୍ଟାର୍ ହିନା ଖାନଙ୍କୁ ବ୍ରେଷ୍ଟ କ୍ୟାନ୍ସର, ଆରୋଗ୍ୟ କାମନା କଲେ ସେଲିବ୍ରିଟି-ଫ୍ୟାନ୍ସ
7. ରାକେଶ ରୋଶନ
ହ୍ରିତିକ ରୋଶନଙ୍କ ପିତା ଏବଂ ଚଳଚ୍ଚିତ୍ର ନିର୍ମାତା ରାକେଶ ରୋଶନ ମଧ୍ୟ ଗଳା କର୍କଟ ରୋଗରେ ପୀଡିତ ଥିଲେ, କିନ୍ତୁ ସେ ଏହି ରୋଗ ବିରୁଦ୍ଧରେ ଲଢ଼ି ଜିତିଥିଲେ । ହ୍ରିତିକ୍ ତାଙ୍କ ବାପାଙ୍କ ପାଇଁ ପୋଷ୍ଟ କରିଥିଲେ, 'ମୁଁ ଜାଣିଥିବା ସବୁଠାରୁ ଶକ୍ତିଶାଳୀ ବ୍ୟକ୍ତି, କର୍କଟ ରୋଗ ସହିତ ଲଢ଼ିବା ପରେ ସେ ଏବେ ସମ୍ପୂର୍ଣ୍ଣ ସୁସ୍ଥ ଅଛନ୍ତି '।
ବ୍ୟୁରୋ ରିପୋର୍ଟ, ଇଟିଭି ଭାରତ
