ହାଇଦ୍ରାବାଦ: ଗତ ମଙ୍ଗଳବାର କେରଳର ୱାୟନାଡରେ ଘଟିଥିବା ଭୟଙ୍କର ଭୂସ୍ଖଳନ ଘଟଣା । ୨୮୦ରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ବେଳେ ଏବେ ବି ମାଟିତଳୁ ଅନେକଙ୍କ ମୃତଦେହ ଉଦ୍ଧାର କରାଯାଉଛି । ଏପରି ଘଟଣା ଏବେ ସାରା ଦେଶକୁ ସ୍ତବ୍ଧ କରିଦେଇଥିବା ବେଳେ ଏପରି ସମୟରେ ଅନେକ ସେଲିବ୍ରିଟି ସାହାଯ୍ୟର ହାତ ବଢାଇଛନ୍ତି । ସାଉଥ ଲୋକପ୍ରିୟ ଅଭିନେତା ବିକ୍ରମଙ୍କ ଠାରୁ ଆରମ୍ଭ କରି ସୂରିୟା, କାର୍ଥି, ଦୁଲେକର ସଲମାନ, ଅଭିନେତ୍ରୀ ରଶ୍ମିକା ମନ୍ଦାନାଙ୍କ ସମେତ ଅନେକ ସେଲିବ୍ରିଟି ୱାୟନାଡରେ ଘଟିଥିବା ଘଟଣା ନେଇ ଦୁଃଖ ପ୍ରକାଶ କରିଛନ୍ତି । ଏଥିସହ ଲୋକଙ୍କ ପୁନଃ ଥଇଥାନ ପାଇଁ ମୁଖ୍ୟମନ୍ତ୍ରୀଙ୍କ ପାଣ୍ଠିକୁ ଲକ୍ଷ ଲକ୍ଷ ଟଙ୍କା ସହାୟତା ରାଶି ପ୍ରଦାନ କରିଛନ୍ତି ।
Pained by the sad news of the devastation caused by the recent landslide in Kerala's #Wayanad district that left over 150 people dead, 197 injured and several others missing, Actor @chiyaan today donated a sum of Rs 20 lakhs to the Kerala Chief Minister's Distress Relief Fund.… pic.twitter.com/mxb7O7YSSN
— Yuvraaj (@proyuvraaj) July 31, 2024
ବିକ୍ରମ ଦେଲେ ୨୦ ଲକ୍ଷ
ଅଭିନେତା ବିକ୍ରମ ଭୂସ୍ଖଳନ ହୋଇଥିବା ଅଞ୍ଚଳର ପୁନଃ ନିର୍ମାଣ ତଥା ବଞ୍ଚିଥିବା ଲୋକଙ୍କୁ ପୁନଃ ଥଇଥାନ ପାଇଁ ମୁଖ୍ୟମନ୍ତ୍ରୀଙ୍କ ପାଣ୍ଠିକୁ ୨୦ ଲକ୍ଷ ଟଙ୍କା ପ୍ରଦାନ କରିଛନ୍ତି । ୱାୟନାଡ଼ରେ ଘଟିଥିବା ଘଟଣାରେ ବିକ୍ରମ ଦୁଃଖ ପ୍ରକାଶ କରିଛନ୍ତି । ସେହିପରି ଅଭିନେତ୍ରୀ ରଶ୍ମିକା ମନ୍ଦାନା ମଧ୍ୟ କେରଳ ରିଲିଫ ପାଣ୍ଠିକୁ ୧୦ ଲକ୍ଷ ଟଙ୍କା ଦାନ କରିଥିବା ଜଣାପଡିଛି । ଏହାପୂର୍ବରୁ ତାମିଲ ସୁପରଷ୍ଟାର ତଥା ଟିବିକେ ଅଧ୍ୟକ୍ଷ ଥାଲାପତି ବିଜୟ ଅନୁରୋଧ କରିଥିଲେ ଯେ ଭୂସ୍ଖଳନ ପୀଡିତଙ୍କୁ ସାହାଯ୍ୟ କରିବା ପାଇଁ କେରଳ ସରକାର ଆବଶ୍ୟକ କରୁଥିବା ସମସ୍ତ କାର୍ଯ୍ୟ କରନ୍ତୁ।
.#WayanadLandslide my thoughts and prayers with the families.. Heartbreaking..! Respects to all members of Government agencies and people on the field helping the families with rescue operations 🙏🏼
— Suriya Sivakumar (@Suriya_offl) July 31, 2024
ସୂରୟା, କାର୍ଥୀ ଓ ଜ୍ୟୋତିକା ଦେଲେ ୫୦ ଲକ୍ଷ
କେରଳର ରିଲିଫ୍ ପାଣ୍ଠିରେ ଯୋଗଦାନ କରିବାକୁ ସର୍ବଶେଷ ସେଲିବ୍ରିଟି ଅଭିନେତା ସୂରିୟା, ପତ୍ନୀ ଜ୍ୟୋତିିକା ଏବଂ ଭାଇ କାର୍ତ୍ତି ମିଳିତ ଭାବେ ୫୦ ଲକ୍ଷ ଟଙ୍କା ଦାନ କରିଛନ୍ତି । ଏହି ଦୁଃଖଦ ଘଟଣାକୁ ନେଇ ସୂରିୟା ଦୁଃଖ ପ୍ରକାଶ କରି ଲେଖିଛନ୍ତି, 'ହୃଦୟ ବିଦାରକ ଘଟଣା । ସରକାରୀ ଏଜେନ୍ସିର ସମସ୍ତ ସଦସ୍ୟ ଏବଂ ଅଞ୍ଚଳର ଲୋକଙ୍କୁ ସମ୍ମାନ, ଯେଉଁମାନେ ଉଦ୍ଧାର କାର୍ଯ୍ୟରେ ଲୋକଙ୍କୁ ସାହାଯ୍ୟ କରିଥିଲେ । ସେ ପୀଡିତଙ୍କ ପାଇଁ ପ୍ରାର୍ଥନା କରିଥିବା କହିଛନ୍ତି ।
#Suriya, #Karthi & #Jyothika collectively donated 50 lakhs for the Kerala CM relief fund👏❤️ #WayanadLandslide pic.twitter.com/MUcJvPBqsY
— AmuthaBharathi (@CinemaWithAB) August 1, 2024
ଏଭଳି ସହାୟତା କଲେ ମାମୁତି
ମାଲାୟାଲମ୍ ସୁପରଷ୍ଟାର ମାମୁତି ତାଙ୍କ ଧର୍ମାର୍ଥ ଟ୍ରଷ୍ଟ ମାଧ୍ୟମରେ ଅବଦାନ ଦେଇଛନ୍ତି, ଯାହା ଏହି ଦୁଃଖଦ ଘଟଣାରେ ପ୍ରଭାବିତ ଲୋକଙ୍କୁ ଆବଶ୍ୟକୀୟ ସାମଗ୍ରୀ ଯୋଗାଇବାରେ ସକ୍ରିୟ ଭାବରେ ଜଡିତ ଅଛି । ମେଗାଷ୍ଟାରଙ୍କ ଟ୍ରଷ୍ଟ ବଞ୍ଚିଥିବା ଲୋକମାନଙ୍କ ପାଇଁ ଆବଶ୍ୟକ ଖାଦ୍ୟ, ଔଷଧ, ପୋଷାକ ଏବଂ ଅନ୍ୟାନ୍ୟ ଆବଶ୍ୟକୀୟ ସାମଗ୍ରୀ ନେଇ ୱାୟନାଡକୁ ପଠାଇଛନ୍ତି ।
Rashmika Mandanna Donates 10 Lacs To CMO Kerala Relief Fund For The Wayanad Disaster #RashmikaMandanna #MovieTalkies #CMOKerala #WayanadDisasterhttps://t.co/ay5t9hamuV
— $@M (@SAMTHEBESTEST_) August 1, 2024
ଏବେବି ମାଟିତଳୁ ଖୋଜାଚାଲିଛି ମୃତଦେହ:
ସୂଚନା ଥାଉ କି, ମଙ୍ଗଳବାର ସକାଳୁ ସକାଳୁ କେରଳ ରାଜ୍ୟର ୱାୟନାଡ ଜିଲ୍ଲାର ମେପ୍ପଡି ନିକଟସ୍ଥ ପାହାଡିଆ ଅଞ୍ଚଳରେ ଭୁସ୍ଖଳନ ହୋଇଥିଲା । କିଛି ସମୟ ବ୍ୟବଧାନରେ ଏକାଧିକ ସ୍ଥାନରେ ଭୂସ୍ଖଳନ ଘଟିଥିଲା । ପାଖାପାଖି ୪୦୦ ଘର ମାଟିରେ ପୋତି ଯାଇଥିବାରୁ ଅନେକ ପରିବାର ବେଘର ହୋଇଯାଇଛନ୍ତି । ପ୍ରବଳ ବର୍ଷା ଯୋଗୁଁ ମାଟି ଧସିଯାଇଥିବା ବେଳେ ଉଦ୍ଧାର କାର୍ଯ୍ୟ ଜାରି ରହିଛି । ଏହି ପ୍ରାକୃତିକ ବିପର୍ଯ୍ୟୟକୁ ତିନି ଦିନ ବିତିଥିଲେ ହେଁ ଏ ଯାଏଁ ମୃତଦେହ ଉଦ୍ଧାର ସରୁନି । ମାଟି ତଳୁ ନିସ୍ତେଜ ଶରୀର ଗୁଡିକୁ ବୋହି ଚାଲିଛନ୍ତି ଉଦ୍ଧାରକାରୀ ଦଳ । ନୌସେନା, ସ୍ଥଳସେନା, ଏନଡିଆରଏଫ, ଏସଡିଆରଏଫ, ଅଗ୍ନିଶମ, ପୋଲିସ ବାହିନୀ ମିଳିତ ଭାବେ ରେସ୍କ୍ୟୁ ଅପରେସନରେ ନିୟୋଜିତ ଅଛନ୍ତି ।
ଏହା ମଧ୍ୟ ପଢନ୍ତୁ: କେରଳ ବିଭୀଷିକା; ମାଟିତଳୁ ମିଳୁଛି ମୃତଦେହ, ଚର୍ଚ୍ଚାରେ ‘ସ୍ନାଇଫର୍ ଡଗ୍’ ମାୟା-ମର୍ଫି, 16 ଘଣ୍ଟା ରେକର୍ଡ ଟାଇମରେ ବ୍ରିଜ୍ ଠିଆକଲା ସେନା
ବ୍ୟୁରୋ ରିପୋର୍ଟ, ଇଟିଭି ଭାରତ
