ହାଇଦ୍ରାବାଦ: ବଲିଉଡ ଅଭିନେତ୍ରୀ ଜାହ୍ନବୀ କପୁର ଫିଲ୍ମ 'ଉଲଝ' ସହ ପରଦାକୁ ଫେରୁଛନ୍ତି । ୨୦୨୩ରେ ଫିଲ୍ମର ଘୋଷଣା ହୋଇଥିବା ବେଳେ ଫ୍ୟାନ୍ସ ଫିଲ୍ମ ନେଇ ଉତ୍ସାହିତ ରହିଥିଲେ । ତେବେ ବର୍ତ୍ତମାନ ଫ୍ୟାନ୍ସଙ୍କ ଉତ୍ସାହ ବଢାଇବାକୁ ଆଜି ରାମ ନବମୀ ଅବସରରେ ଫିଲ୍ମର ଟିଜର ରିଲିଜ କରିଛନ୍ତି ନିର୍ମାତା । ଟିଜରରେ ଜାହ୍ନବୀଙ୍କ ଆକ୍ସନ ଅବତାର ଦେଖିବାକୁ ମିଳିଥିବା ବେଳେ ଫ୍ୟାନ୍ସ ଅଭିନେତ୍ରୀଙ୍କୁ ଲୁକ ଦେଖି ଫିଦା ହୋଇଛନ୍ତି ।
- " class="align-text-top noRightClick twitterSection" data="">
'ଉଲଝ'ର ଟିଜର ସସପେନ୍ସ ଏବଂ ରୋମାଞ୍ଚରେ ପରିପୂର୍ଣ୍ଣ । ଟିଜର 'ସାରେ ଜାହାଁ ସେ ଅଚ୍ଛା' ସ୍ୱରରୁ ଆରମ୍ଭ । ଏହା ପରେ ଜାହ୍ନବୀ କପୁର ଏଣ୍ଟ୍ରି କରନ୍ତି, ଯାହାର ପୋଷ୍ଟିଂ ବିଦେଶରେ ଅଛି । ଏଥିସହ ପୃଷ୍ଠଭୂମିରେ ଜଣେ ବ୍ୟକ୍ତିଙ୍କ ସ୍ୱର ଶୁଣାଯାଏ, ଯିଏ ତାଙ୍କୁ ନିଜ ଦେଶ ପ୍ରତି ବିଶ୍ୱାସଘାତକତା କରିଥିବା କହି ଆରୋପ ଲଗାଏ । ଟିଜରର ଶେଷରେ ଜାହ୍ନବୀ କପୁରଙ୍କୁ ଆକ୍ସନ୍ ମୋଡରେ ମଧ୍ୟ ଦେଖିବାକୁ ମିଳୁଛି ।
ଜାହ୍ନବୀ କପୁର 'ଉଲଝ'ରେ ଜଣେ ଭାରତୀୟ ବନ ସେବା ଅଧିକାରୀ ଭୂମିକାରେ ଅଭିନୟ କରିଛନ୍ତି । ଏହି ଚଳଚ୍ଚିତ୍ରର କାହାଣୀ ଦେଶପ୍ରେମ ଉପରେ ଆଧାରିତ, ଯାହା ଜଣେ ଯୁବ କୂଟନୀତିଜ୍ଞ ସୁହାନା ଓରଫ ଜାହ୍ନବୀ କପୁର କାହାଣୀକୁ ଦର୍ଶାଇଛନ୍ତି । ଏହି ଫିଲ୍ମରେ ସୁହାନା ଦେଶ ଏବଂ ତାଙ୍କ ବିରୋଧରେ ହୋଇଥିବା ଷଡଯନ୍ତ୍ରରେ ଛନ୍ଦି ହୋଇଥିବାର ନଜର ଆସିବେ ।
ଏହା ମଧ୍ୟ ପଢନ୍ତୁ: ଜାହ୍ନବୀ କପୁରଙ୍କ ଆଗାମୀ ଥ୍ରୀଲର ପ୍ରୋଜେକ୍ଟ 'ଉଲଝ', ଫିଲ୍ମର ପ୍ରଥମ ଲୁକ୍ ଆଉଟ୍
ଏହି ଫିଲ୍ମରେ ଜାହ୍ନବୀ କପୁରଙ୍କ ସହ ଅଭିନେତା ଗୁଲଶନ ଦେବୈୟା ଏବଂ ରୋଶନ ମୈଥ୍ୟୁ ମୁଖ୍ୟ ଭୂମିକାରେ ନଜର ଆସିବେ । ଜଙ୍ଗଲି ପିକ୍ଚର ବ୍ୟାନର୍ ଏହି ଫିଲ୍ମ ନିର୍ମାଣ କରୁଥିବା ବେଳେ ଅମୃତା ପାଣ୍ଡେ ଏବଂ ବିନୀତ ଜେନ ନିର୍ମାତା ଅଟନ୍ତି । ଜଙ୍ଗଲି ପିକ୍ଚର ବ୍ୟାନରରେ ପୂର୍ବରୁ 'ରାଜି' ଏବଂ 'ବଧାଇ ହୋ' ଭଳି ହିଟ୍ ଫିଲ୍ମ ନିର୍ମାଣ କରାଯାଇଛି । ଏହି ଫିଲ୍ମଟିକୁ ଜାତୀୟ ପୁରସ୍କାର ବିଜେତା ସୁଦର୍ଶନ ସାରିଆ ନିର୍ଦ୍ଦେଶନା ଦେଉଛନ୍ତି । ଏହି ଫିଲ୍ମଟି ପରବେଜ ଶେଖ ଏବଂ ସୁଧାଂଶୁ ଲେଖିଛନ୍ତି । ଏହି ଫିଲ୍ମର ସଂଳାପ ଗୁଡ଼ିକ ଅତିକା ଚୌହାନ ଲେଖିଛନ୍ତି । ଏହି ଫିଲ୍ମରେ ଅନ୍ୟ ଷ୍ଟାର କାଷ୍ଟରେ ରାଜେଶ ତୈଲଙ୍ଗ୍, ମେୟାଙ୍ଗ ଚେଙ୍ଗ୍, ସଚିନ ଖେଡକର, ରାଜେନ୍ଦ୍ର ଗୁପ୍ତା ଏବଂ ଜିତେନ୍ଦ୍ର ଯୋଶୀ ନଜର ଆସିବେ । ଫିଲ୍ମଟି ଚଳିତ ବର୍ଷ ଜୁଲାଇ ୫ରେ ରିଲିଜ ହେବ ।
