ଭୁବନେଶ୍ୱର: ଖୁବଶୀଘ୍ର ଆସୁଛି ନୂଆ ଓଡ଼ିଆ ଫିଲ୍ମ 'ମିଶିରି'। ସମ୍ପର୍କର ମିଠାପଣକୁ ନେଇ ଚଳଚ୍ଚିତ୍ରଟି ପ୍ରସ୍ତୁତ ହୋଇଥିବା ବେଳେ ତ୍ରୀକୋଣୀୟ ପ୍ରେମ କାହାଣୀକୁ ନେଇ ଗତିଶୀଳ ହୋଇଛି । ବର୍ତ୍ତମାନ ନିର୍ମାତା ଏହାରି ରିଲିଜ ଡେଟ୍ ଘୋଷଣା କରିଛନ୍ତି । ଭୁବନେଶ୍ବର ପ୍ରେସିଡେନ୍ସି ହୋଟେଲ ଠାରେ ଓଡ଼ିଆ ଚଳଚ୍ଚିତ୍ର "ମିଶିରି'ର ରିଳିଜ ଡେଟ୍ ସାମ୍ବାଦିକ ସମ୍ମିଳନୀ ମାଧ୍ୟମରେ ଘୋଷଣା ହୋଇଯାଇଛି । ଏହି ସମୟରେ ଫିଲ୍ମର ଷ୍ଟାରକାଷ୍ଟ ଏବଂ ଟିମ ଯୋଗ ଦେଇଥିଲେ । ତେବେ ଫିଲ୍ମ କେବେ ରିଲିଜ ହେବ? ଜାଣନ୍ତୁ,
ଏହି ଦିନ ରିଲିଜ ହେବ 'ମିଶିରି'
ନିର୍ମଲ୍ ଜୈସୱାଲ୍ ପ୍ରଡ଼କସନ୍, ରିଲ୍ସ ଏନ ରିଲ୍ସ ଏବଂ ଏ ଏ ଏଣ୍ଟରଟେଣ୍ଟମେଣ୍ଟ ଦ୍ୱାରା ପ୍ରଯୋଜିତ ଓଡ଼ିଆ ଚଳଚ୍ଚିତ୍ର "ମିଶିରି" । ଏହି ଚଳଚ୍ଚିତ୍ରର ପ୍ରଯୋଜକ ଭାବେ ନିର୍ମଲ୍ ଜୈସୱାଲଙ୍କ ସହ ସହପ୍ରଯୋଜକ ସ୍ଥିତ ପଟ୍ଟନାୟକ ଓ ଆକାଂକ୍ଷା ପାଢୀ ରହିଛନ୍ତି । ଫିଲ୍ମର ଲେଖକ ଶିବା ରହିଥିବା ବେଳେ ନିର୍ଦ୍ଦେଶକ ଶିଶିର ଓ ପିନାକୀ ରହିଛନ୍ତି । ସଙ୍ଗୀତ ଅଭିଷେକ, ଇଶାନ,କୌଶିକ ରହିଛନ୍ତି। ମୁଖ୍ୟ ଭୂମିକାରେ ଅଭିନେତ୍ରୀ ରୂପଶ୍ରୀ ପଣ୍ଡା ରହିଥିବା ବେଳେ ବିପକ୍ଷରେ ରହିଛନ୍ତି ଅଭିନେତା ଭିଭାସ ଓ ପ୍ରସନଜିତ । ତେବେ ଫିଲ୍ମ ଡିସେମ୍ୱର 20ରେ ପରଦାକୁ ଆସିବ ।
ଏହା ମଧ୍ୟ ପଢନ୍ତୁ: 'ପରବ' ପ୍ରମୋସନ ପାଇଁ ଗଜପତିରେ ସିଦ୍ଧାନ୍ତ-ଅନୁ, ଦର୍ଶକଙ୍କୁ କଲେ ଏମିତି ଅପିଲ୍
'ମିଶିରି' ଫିଲ୍ମର କାହାଣୀ
ତେବେ 'ମିଶିରି' ସିନେମା ଟି ଏକ ରୋମାଣ୍ଟିକ ଫିଲ୍ମ ହୋଇଥିବା ବେଳେ ନିଜ ହୃଦୟସ୍ପର୍ଶୀ କାହାଣୀ ଦ୍ୱାରା ଦର୍ଶକଙ୍କୁ ଖୁବ ପସନ୍ଦ ଆସିବ । ଏହି ଫିଲ୍ମରେ ରୋମାଣ୍ଟିକ ରଙ୍ଗର ଛିଟା ସହିତ କାହାଣୀରେ ବିଭିନ୍ନ ମୋଡରେ ଭରି ରହିଥବା ଟ୍ଵିଷ୍ଟ ଦର୍ଶକଙ୍କୁ ପ୍ରେକ୍ଷାଳୟରେ ବାନ୍ଧି ରଖିବା ବୋଲି କହିଛନ୍ତି ପ୍ରଯୋଜକ । ଏହି ଫିଲ୍ମଟି ଜଣେ ଚିତ୍ରଶିଳ୍ପୀଙ୍କ କାହାଣୀକୁ ନେଇ ପ୍ରସ୍ତୁତ ହୋଇଥିବା ବେଳେ ଯୁବପିଢିଙ୍କ ପ୍ରତିଦିନ ସଂଘର୍ଷର ଭାବାବେଗକୁ ନେଇ ପ୍ରସ୍ତୁତ ହୋଇଥିବା ବେଳେ ଯୁବପିଢୀ ମାନକ ମାନଙ୍କୁ ଏହା ପସନ୍ଦ ଆସିବ ବୋଲି କହିଛନ୍ତି ସହ-ପ୍ରଯୋଜକ ସ୍ଥିତ ପଟନାୟକ । ଏହାସହ ପୁରା ସିନେମାଟି ଓଡ଼ିଶାରେ ସୁଟିଂ ହୋଇଥିବା ବେଳେ ମୌଳିକ କାହାଣୀକୁ ଓଡ଼ିଶାର ପାଣି ପବନର କଥାକୁ ଚିତ୍ରିତ କରିଛି ।
ଏହା ମଧ୍ୟ ପଢନ୍ତୁ: ନୂଆବର୍ଷରେ ଆସୁଛି ଓଡିଆ ଫିଲ୍ମ 'ଆଞ୍ଜେଲ', ରିଲିଜ ହେଲା ମୋସନ ପୋଷ୍ଟର
ସୂଚନା ଥାଉ କି, 'ମିଶିରି' ସହ 'ପରବ'ର କଡା ଟକ୍କର ଦେଖିବାକୁ ମିଳିବ । କାରଣ 'ପରବ' ଫିଲ୍ମ ମଧ୍ୟ ଡିସେମ୍ୱର 20ରେ ରିଲିଜ ହେବ । ଜାତୀୟ ପୁରସ୍କାର ତଥା ରାଜ୍ୟ ପୁରସ୍କାର ପ୍ରାପ୍ତ 'ଦମନ' ନିର୍ମାତା ଦୀପେନ୍ଦ୍ର ସାମଲଙ୍କ ଦ୍ୱାରା ନିର୍ମିତ ଏହି ଫିଲ୍ମରେ ମୁଖ୍ୟ ଭୂମିକାରେ ସିଦ୍ଧାନ୍ତ ମହାପାତ୍ର, ଜାତୀୟ ପୁରସ୍କାର ବିଜେତା 'ପ୍ରତୀକ୍ଷା ଏବଂ 'ଦମନ' ଅଭିନୀତ ଅଭିନେତା ଦିପାନ୍ୱିତ ଦାସମହାପାତ୍ର, ଅଭିନେତ୍ରୀ ସୂର୍ଯ୍ୟମୟୀ ମହାପାତ୍ରଙ୍କ ସମେତ ଅନେକ ତାରକା ନଜର ଆସିବେ । ଏଥିସହ ଅନୁ ଚୌଧୁରୀ ଏହି ଫିଲ୍ମରେ ଅଭିନୟ କରିବା ସହ ସହ-ନିର୍ମାତା ସହ ଅଭିନେତ୍ରୀ ଭାବେ ବି ନଜର ଆସିବେ ।
ଇଟିଭି ଭାରତ, ଭୁବନେଶ୍ୱର
