ହାଇଦ୍ରାବାଦ: ସାଉଥ ଲୋକପ୍ରିୟ ଅଭିନେତ୍ରୀ ତଥା ଗାୟିକା ଶ୍ରୁତି ହାସନ ନିଜ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ରହିଛନ୍ତି । ଅଭିନେତ୍ରୀ ଦୀର୍ଘ ୪ ବର୍ଷ ହେଲା ଡୁଡଲ କଳାକାର ତଥା ବୟଫ୍ରେଣ୍ଡ ଶାନ୍ତନୁ ହାଜାରିକାଙ୍କ ଡେଟ କରୁଛନ୍ତି । କିନ୍ତୁ ବର୍ତ୍ତମାନ ଉଭୟଙ୍କ ସମ୍ପର୍କରେ ଫାଟ ସୃଷ୍ଟି ଖବର ସାମ୍ନାକୁ ଆସିଛି । ଦୀର୍ଘ ଦିନର ଡେଟିଂ ପରେ ଉଭୟ ଅଲଗା ହୋଇଥିବା ଚର୍ଚ୍ଚା ଜୋର ଧରିଛି ।
ମିଡିଆ ରିପୋର୍ଟ ଅନୁସାରେ, ଶ୍ରୁତି ହାସନ ଏବଂ ଶାନ୍ତନୁ ପ୍ରାୟ ଏକ ମାସ ଧରି ଅଲଗା ରହୁଛନ୍ତି । କେବଳ ଏତିକି ନୁହେଁ, ଉଭୟ ଶ୍ରୁତି ଏବଂ ଶାନ୍ତନୁ ନିଜ ଅଫିସିଆଲ୍ ଇନଷ୍ଟାଗ୍ରାମ ହ୍ୟାଣ୍ଡେଲରେ ପରସ୍ପରକୁ ଅନଫୋଲୋ କରିଛନ୍ତି । ଏଥିସହ ଶ୍ରୁତି ହାସନ ନିଜ ଇନଷ୍ଟାଗ୍ରାମ ଆକାଉଣ୍ଟରୁ ନିଜ ଏବଂ ଶାନ୍ତନୁଙ୍କ ରୋମାଣ୍ଟିକ କପଲ ଫଟୋ ମଧ୍ୟ ଡିଲିଟ କରିଛନ୍ତି । ପରସ୍ପର ସହ ଉଭୟ ପ୍ରାୟତଃ ଫଟୋ ସେୟାର କରିଥିଲେ । ତେବେ ଫଟୋ ଡିଲିଟ୍ ହେବା ଏବଂ ସୋସିଆଲ ମିଡିଆରେ ଅନଫୋଲୋ କରିବା ପରେ ଫ୍ୟାନ୍ସ ଆଶ୍ଚର୍ଯ୍ୟ ହେବା ସହ ଉଭୟଙ୍କ ବ୍ରେକଅପ୍ ହୋଇଥିବା ଆଲୋଚନା ହେଉଛି ।
ଶ୍ରୁତି ହାସନ ସୋସିଆଲ ମିଡିଆରେ ସର୍ବଦା ସକ୍ରିୟ ଥାଆନ୍ତି । ତେବେ ସେ ଗତ କିଛି ଦିନ ହେବ ଅନଲାଇନ ବ୍ୟବହାର କରୁନାହାଁନ୍ତି । କିଛି ଦିନ ପୂର୍ବରୁ ଅଭିନେତ୍ରୀ ଇନଷ୍ଟାଗ୍ରାମ ଷ୍ଟୋରୀରେ ଲେଖିଥିଲେ ଯେ ଏହା ଏକ ପାଗଳପଣ ଯାତ୍ରା, କିନ୍ତୁ ମୁଁ ନିଜ ବିଷୟରେ ଏବଂ ଲୋକଙ୍କ ବିଷୟରେ ବହୁତ କିଛି ଶିଖିଲି । ଯଦିଓ ଅଭିନେତ୍ରୀ ଏବଂ ତାଙ୍କ ବ୍ରେକଅପ ସମ୍ପର୍କ ବିଷୟରେ ଏପର୍ଯ୍ୟନ୍ତ କୌଣସି ଅଫିସିଆଲ୍ ସୂଚନା ଦେଇନାହାନ୍ତି ନାହିଁ, କିନ୍ତୁ ଲାଗୁଛି ଯେ ସେମାନଙ୍କ ବ୍ରେକଅପ ହୋଇଯାଇଛି ।
ଏହା ମଧ୍ୟ ପଢନ୍ତୁ: ଆଇପିଏଲ ୨୦୨୩ ବେଆଇନ ଷ୍ଟ୍ରିମିଂ ମାମଲା; ତମନ୍ନାଙ୍କ ଘରେ ପହଞ୍ଚିଲା ପୋଲିସ୍ ନୋଟିସ୍
ଶ୍ରୁତି ହାସନଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ସେ ଶାନିଲ ଦେଓଙ୍କ ନିର୍ଦ୍ଦେଶିତ ଆଗାମୀ ଆକ୍ସନ୍ ଡ୍ରାମା, ଡକେତ: ଏକ ଲଭ୍ ଷ୍ଟୋରୀ, ଆଦିବାସୀ ସେଶଙ୍କ ସହ ଅଭିନୟ କରିବାକୁ ପ୍ରସ୍ତୁତ ଅଛନ୍ତି । ଏହି ଚଳଚ୍ଚିତ୍ରଟି ଦୁଇ ପ୍ରେମୀଯୁଗଳଙ୍କ କାହାଣୀ ଦର୍ଶାଯାଇଛି । ଏଥିସହ ଯଶଙ୍କ ଅଭିନୀତ ଫିଲ୍ମ 'ଟକ୍ସିକ' ଏବଂ ରଜନୀକାନ୍ତଙ୍କ ଅଭିନୀତ 'କୁଲି' ଚଳଚ୍ଚିତ୍ରରେ ସେ ମୁଖ୍ୟ ଭୂମିକାରେ ନଜର ଆସିବେ ବୋଲି କୁହାଯାଉଛି । କିନ୍ତୁ ନିର୍ମାତା ଏଯାଏଁ କୌଣସି ଅଫିସିଆଲି ଘୋଷଣା କରିନାହାଁନ୍ତି ।
