ମୁମ୍ବାଇ: ବଲିଉଡର ଲୋକପ୍ରିୟ ଅଭିନେତ୍ରୀ ଶ୍ରଦ୍ଧା କପୁର ଅଭିନୟ ବ୍ୟତୀତ ନିଜ କ୍ୟୁଟନେସ ପାଇଁ ବି ବେଶ ଜଣାଶୁଣା । ସେ ସର୍ବଦା ଫ୍ୟାନ୍ସଙ୍କ ପାଇଁ ବୃତ୍ତିଗତ ଅବା ବ୍ୟକ୍ତିଗତ ଜୀବନୀ ବିଷୟରେ ହେଉ କିଛି ନା କିଛି ସେୟାର କରିଥାନ୍ତି । ଶ୍ରଦ୍ଧା ସୋସିଆଲ ମିଡିଆ ବ୍ୟତୀତ ତାଙ୍କ ରୁମର ବୟଫ୍ରେଣ୍ଡ ରାହୁଲ ମୋଦିଙ୍କୁ ନେଇ ସବୁବେଳେ ସେ ଚର୍ଚ୍ଚାରେ ରହି ଆସୁଛନ୍ତି । ନିକଟରେ ଶ୍ରଦ୍ଧା ଓ ରାହୁଲଙ୍କୁ ରିହାନାଙ୍କ କନସର୍ଟରେ ଏକାଠି ଦେଖିବାକୁ ମିଳିଥିଲା । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ରିହାନାଙ୍କ କନସର୍ଟରୁ ଶ୍ରଦ୍ଧାଙ୍କ ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ଜଣେ ମହିଳା ଶ୍ରଦ୍ଧାଙ୍କ ସହ ନିଜକୁ ରେକର୍ଡ କରୁଥିବାର ଦେଖିବାକୁ ମିଳିଛି । ଆଉ ପଛରେ ଶ୍ରଦ୍ଧାଙ୍କ ରୁମର ବୟଫ୍ରେଣ୍ଡ ରାହୁଲଙ୍କୁ ମଧ୍ୟ ଦେଖିବାକୁ ମିଳିଛି । ତେବେ ମହିଳା ଜଣକ ତାଙ୍କ ଇନଷ୍ଟାଗ୍ରାମରେ ଅପଲୋଡ କରିଛନ୍ତି । ଯାହାପରେ ଭିଡିଓଟି ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ହେଲେ ବର୍ତ୍ତମାନ ମହିଳା ଜଣଙ୍କ ଭିଡିଓଟିକୁ ଡିଲିଟ କରିଦେଇଛନ୍ତି ।
ଏହା ମଧ୍ୟ ପଢନ୍ତୁ - ବିବାହ କରିବେ ଶ୍ରଦ୍ଧା ! ଲାଟେଷ୍ଟ ଫଟୋ ସେୟାର କରି କହିଲେ ଏମିତି
ଏହା ମଧ୍ୟ ପଢନ୍ତୁ - ଗାଡ଼ି କିଣି ଚର୍ଚ୍ଚାରେ ଶ୍ରଦ୍ଧା କପୁର ଓ ପୂଜା ହେଗଡେ, ଦାମ୍ ଜାଣିଲେ ଉଡିଯିବ ହୋସ୍
ଶ୍ରଦ୍ଧା ଓ ରାହୁଲ ବର୍ତ୍ତମାନ ଯାଏଁ ତାଙ୍କ ସମ୍ପର୍କକୁ ଅଫିସିଆଲ କରିନାହାଁନ୍ତି । କିନ୍ତୁ ଉଭୟଙ୍କୁ ଏକାଠି ବହୁତ ଥର ଦେଖିବାକୁ ମିଳିଛି । ରାହୁଲଙ୍କ କଥା କହିବାକୁ ଗଲେ ସେ ଜଣେ ଲେଖକ । ସେ 'ପ୍ୟାର କା ପଞ୍ଚନାମା ୨','ସୋନୁ କେ ଟିଟୁ କି ସ୍ବିଟି' ଓ 'ତୁ ଝୁଟି ମେ ମକାର' ପାଇଁ ଜଣଶୁଣା । ସେ ୨୦୧୧ରେ ପ୍ୟାର ପଞ୍ଚନାମା ସେଟରୁ ଜଣେ ଇଟର୍ଣ୍ଣ ଭାବରେ ନିଜର କ୍ୟାରିଅର ଆରମ୍ଭ କରିଥିଲେ। ଯାହାପରେ ନିର୍ଦ୍ଦେଶକ ହୋଇଥିଲେ । ଶ୍ରଦ୍ଧା କପୁରଙ୍କ ଓ୍ବାର୍କଫ୍ରଣ୍ଟ କଥା କହିବାକୁ ଗଲେ ସେ ଆଗାମୀ ନିର୍ଦ୍ଦେଶକ କୌଶିକଙ୍କ ବହୁ ପ୍ରତିକ୍ଷିତ କମେଡି ହରର ଫିଲ୍ମ ସ୍ତ୍ରୀ-୨ରେ ପଙ୍କଜ ତ୍ରିପାଠୀ ଓ ରାଜକୁମାର ରାଓଙ୍କ ସହିତ ଦେଖିବାକୁ ମିଳିବ ।
