ହାଇଦ୍ରାବାଦ: ବଲିଉଡ ଅଭିନେତା ଅଜୟ ଦେବଗାନ୍, ସାଉଥ୍ ଷ୍ଟାର ଆର୍. ମାଧବନ ଏବଂ ଜ୍ୟୋତିକା ଷ୍ଟାରର୍ ଥ୍ରୀଲର-ସସପେନ୍ସ ଫିଲ୍ମ ସୈତାନ ନିକଟରେ ଘୋଷଣା କରାଯାଇଥିଲା ଏବଂ ଏହାସହ ସୈତାନର ରିଲିଜ୍ ତାରିଖ ମଧ୍ୟ ଘୋଷଣା କରାଯାଇଥିଲା । ଆଜି ଫିଲ୍ମର ଟିଜର ରିଲିଜ ତାରିଖ ଘୋଷଣା କରିଛନ୍ତି ନିର୍ମାତା । ଏଥିସହ ଏହି ତାରକାଙ୍କ ପ୍ରଥମ ଲୁକ ମଧ୍ୟ ସାମ୍ନାକୁ ଆସିଛି । ଆସନ୍ତାକାଲି ରିଲିଜ ହେବ ଫିଲ୍ମର ଟିଜର ।
ନିର୍ମାତା ନିଜ ଅଫିସିଆଲ ଇଷ୍ଟାଗ୍ରାମରେ ଫିଲ୍ମର ଏକ ନୂଆ ପୋଷ୍ଟର ରିଲିଜ କରିଛନ୍ତି । ଯେଉଁଥିରେ ଅଜୟ ଦେବଗନ୍, ଆର ମାଧବନ୍ ଏବଂ ଜ୍ୟୋତିକାଙ୍କ ପ୍ରଥମ ଲୁକ ଦେଖିବାକୁ ମିଳିଛି । ଏହା ସେୟାର କରି କ୍ୟାପସନରେ ଲେଖା ହୋଇଛି, ସୈତାନ ଆପଣଙ୍କ ଉପରେ ଯାଦୁ କରିବାକୁ ଆସୁଛି । ଆସନ୍ତାକାଲି ରିଲିଜ ହେବ ଟିଜର । ମାର୍ଚ୍ଚ ୮, ୨୦୨୪ରେ ପ୍ରେକ୍ଷାଳୟକୁ ଆସିବ ଫିଲ୍ମ । କହିରଖୁଛୁ କି, ହିନ୍ଦୀ ସିନେମାରେ ଅଜୟ ଦେବଗନ୍, ଆର ମାଧବନ୍ ଏବଂ ଜ୍ୟୋତିକାଙ୍କୁ ପ୍ରଥମ ଥର ପାଇଁ ଏକାଠି ଦେଖିବାକୁ ମିଳିବ । ସେପଟେ ୨୫ ବର୍ଷର ବ୍ୟବଧାନ ପରେ ଜ୍ୟୋତିକା ହିନ୍ଦୀ ସିନେମାକୁ ଫେରିବେ ।
ଜିଓ ଷ୍ଟୁଡିଓ, ଅଜୟ ଦେବଗନ୍ ଫିଲ୍ମସ୍ ଏବଂ ପନୋରାମା ଷ୍ଟୁଡିଓ ଇଣ୍ଟରନ୍ୟାସନାଲ୍ ବ୍ୟାନରରେ ନିର୍ମିତ 'ସୈତାନ' ଅଜୟ ଦେବଗନ୍, ଜ୍ୟୋତି ଦେଶପାଣ୍ଡେ, କୁମାର ମଙ୍ଗତ ପାଠକ ଏବଂ ଅଭିଷେକ ପାଠକଙ୍କ ଦ୍ବାରା ପ୍ରସ୍ତୁତ କରାଯାଇଛି । 'ସୈତାନ' ଚଳଚ୍ଚିତ୍ରକୁ ବିକାଶ ବାହଲ ନିର୍ଦ୍ଦେଶନା ଦେଇଛନ୍ତି । ନିକଟରେ ଫିଲ୍ମ ଘୋଷଣା କରିବା ପରେ ଏକ ପୋଷ୍ଟର ରିଲିଜ ହୋଇଥିଲା, ଯେଉଁଥିରୁ ଜଣାପଡ଼ିଲା ଯେ ଏହି ଚଳଚ୍ଚିତ୍ରଟି ଥ୍ରୀଲର, ସସପେନ୍ସ ଏବଂ କଳା ଯାଦୁ ଉପରେ ଆଧାରିତ ।
ଏହା ମଧ୍ୟ ପଢନ୍ତୁ: ଫ୍ୟାନ୍ସଙ୍କ ପାଇଁ ଖୁସି ଖବର: ସ୍କ୍ରିନ୍ ସେୟାର କରିବେ ଅଜୟ ଦେବଗନ, ଆର ମାଧବନ ଏବଂ ଜ୍ୟୋତିକା
କହିରଖୁଛୁ କି, 'ସୈତାନ' ଫିଲ୍ମ ଗୁଜୁରୀଟୀ ଫିଲ୍ମ 'ଭସ' ର ହିନ୍ଦୀ ଭର୍ସନ ଅଟେ । ଭସ ଫିଲ୍ମଟି ନିର୍ଦ୍ଦେଶକ କ୍ରିଷ୍ଣାଦେବ ୟାଗ୍ନିକ ନିର୍ଦ୍ଦେଶନା ଦେଇଥିବା ବେଳେ ଫିଲ୍ମଟି ଫେବୃଆରୀ ୧୦, ୨୦୨୩ରେ ରିଲିଜ ହୋଇଥିଲା । ବର୍ତ୍ତମାନ ଏହି ହିନ୍ଦୀ ଭର୍ସନ 'ସୈତାନ' ମାର୍ଚ୍ଚ ୮, ୨୦୨୪ ମହାଶିବରାତ୍ରୀ ଅବସରରେ ବଡ ପରଦାରେ ରିଲିଜ ହେବାକୁ ଯାଉଛି । ଏହି ଟିମ୍ ଫିଲ୍ମର ସୁଟିଂ ଶେଷ କରିସାରିଥିବା ବେଳେ ବର୍ତ୍ତମାନ ଫ୍ୟାନ୍ସ ଏହି ନୂଆ ଥ୍ରୀଲର ଫିଲ୍ମକୁ ନେଇ ଉତ୍ସାହର ସହ ଅପେକ୍ଷା କରିଛନ୍ତି ।
