ହାଇଦ୍ରାବାଦ: କନସର୍ଟ ପାଇଁ ଆଜିକାଲି ମୁମ୍ୱାଇ ଗସ୍ତରେ ଆସିଛନ୍ତି ହଲିଉଡର ଲୋକପ୍ରିୟ ସିଙ୍ଗର ଏଡ ଶୀରନ । ଏହି ସମୟ ମଧ୍ୟରେ ଶୀରନ ଅନେକ ବଲିଉଡ ସେଲିବ୍ରିଟିଙ୍କୁ ମଧ୍ୟ ଭେଟିଛନ୍ତି । ପ୍ରଥମେ ଆୟୁଷ୍ମାନ ଖୁରାନା ଏବଂ ଅରମାନ ମଲିକଙ୍କ ପରେ ଏବେ ସିଙ୍ଗର କିଙ୍ଗ ଖାନ ଶାହାରୁଖ ଖାନଙ୍କୁ ଭେଟିଛନ୍ତି । ଏହି ସମୟରେ ସେ ଶାହାରୁଖଙ୍କ ସହ ତାଙ୍କ ସିଗ୍ନେଚର ପୋଜ ଦେଇଥିବା ନଜର ଆସିଛନ୍ତି । ଶୀରନ ନିଜ ସୋସିଆଲ ମିଡିଆରେ ଏହାର ଝଲକ ଦେଖାଇଥିବା ବେଳେ ଏହି ଭିଡିଓ ଏବେ ବେଶ ଭାଇରାଲ ହେବାରେ ଲାଗିଛି ।
ଏଡ ଶୀରନ ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଶାହରୁଖ ଖାନଙ୍କ ସହ ତାଙ୍କର ସାକ୍ଷାତର ଏକ ଭିଡିଓ ସେୟାର କରିଛନ୍ତି । ଭିଡିଓରେ ଶାହାରୁଖ ଖାନଙ୍କ ପାଖରେ ଠିଆ ହୋଇଥିବା ଏଡ ଶୀରନ ଓମ ଶାନ୍ତି ଓମ ଫିଲ୍ମରୁ 'ଦିୱାନଗି ଦିୱାନଗି' ଗୀତରେ ତାଙ୍କର ଆଇକନିକ ପୋଜ ଦେଉଥିବା ଦେଖିବାକୁ ମିଳିଛି । ଭିଡିଓ ସେୟାର କରି ସେ କ୍ୟାପସନରେ ଲେଖିଛନ୍ତି, ''ଏହା ଆମର ଆକୃତି, ଏକାଠି ପ୍ରେମ ବିସ୍ତାର କରୁଛୁ ।'' ଏହି ସମୟରେ ଫରାହ ଖାନ ବି ତାଙ୍କ ସହ ଭେଟିଛନ୍ତି । ଫରାହ ମଧ୍ୟ ନିଜ ଇନଷ୍ଟାଗ୍ରାମରେ ଶୀରନଙ୍କ ସହ ଫଟୋ ସେୟାର କରିଛନ୍ତି ।
ଭିଡିଓରେ କିଙ୍ଗ ଖାନ ଏଡ ଶୀରନଙ୍କୁ ସିଗ୍ନେଚର ପୋଜ ଶିଖାଉଥିବା ଦେଖିବାକୁ ମିଳିଛି । କ୍ୟାମେରା ପଛରେ ଏହି ଦୃଶ୍ୟର ଫରାହ ଖାନ ନିର୍ଦ୍ଦେଶନା ଦେଉଥିବା ନଜର ଆସିଛନ୍ତି । ଏଡ ଶୀରନ ଏହି ସମୟରେ ବ୍ଲାକ ପ୍ୟାଣ୍ଟ ଓ ରଙ୍ଗବେରଙ୍ଗ ସାର୍ଟରେ ନଜର ଆସିଥିବା ବେଳେ କିଙ୍ଗ ଖାନ ହ୍ବାଇଟ ସାର୍ଟ, ବ୍ଲୁ ଜିନ୍ସରେ ଏବଂ ଫରାହ ଲାଲ୍ କୁର୍ତ୍ତୀ ଓ ବ୍ଲୁ ଜିନ୍ସରେ ନଜର ଆସିଛନ୍ତି । ଏହି ଭିଡିଓ ଏବେ ବେଶ ଭାଇରାଲ ହେଉଥିବା ବେଳେ ଲୋକେ ଏହାକୁ ବେଶ ପସନ୍ଦ କରୁଛନ୍ତି ।
ଏହା ମଧ୍ୟ ପଢନ୍ତୁ: ଜନ ସିନା ଗାଇଲେ ‘ଭୋଲିସି ସୁରତ’, ଭିଡିଓ ଭାଇରାଲ ପରେ କିଙ୍ଗଖାନଙ୍କ ଫ୍ୟାନ୍ସ କଲେ ତାରିଫ
ମାର୍ଚ୍ଚ ୧୬ରେ ଏଡ ଶୀରନଙ୍କ ଲାଇଭ କନସର୍ଟ
ଏଡ ଶୀରନ ମଙ୍ଗଳବାର ଦିନ ବଲିଉଡର ଗାୟକ ଅରମାନ ମଲିକଙ୍କୁ ମଧ୍ୟ ଭେଟିଥିଲେ ଏବଂ ଦୁହେଁ ୨୦୨୦ ଚଳଚ୍ଚିତ୍ର 'ଆଲା ବୈକୁଣ୍ଠପୁର୍ମୁଲୁ'ର ଲୋକପ୍ରୀୟ ଗୀତ 'ବୁଟା ଗୁମ୍ମା'ରେ ନାଚିଥିଲେ । ଏହାପୂର୍ବରୁ ଆୟୁଷ୍ମାନ ଖୁରାନା ମଧ୍ୟ ଗାୟକଙ୍କୁ ଭେଟିଥିଲେ । କହିରଖୁଛୁ ଯେ, ୨୦୨୪ରେ ଏଡ ଶୀରନ ତାଙ୍କ ଏସିଆ ଏବଂ ୟୁରୋପ ଗସ୍ତରେ ଯାତ୍ରା କରିଛନ୍ତି । ବର୍ତ୍ତମାନ ସେ ଭାରତ ଗସ୍ତରେ ଥିବାବେଳେ ମାର୍ଚ୍ଚ ୧୬ରେ ମୁମ୍ବାଇରେ ଲାଇଭ୍ ପ୍ରଦର୍ଶନ କରିବାକୁ ଯାଉଛନ୍ତି ।
