ହାଇଦ୍ରାବାଦ: ଆଇପିଏଲରେ ମ୍ୟାଚ ଚାଲିଥିବା ସମୟରେ ସିଗାରେଟ ଟାଣି ଟ୍ରୋଲ ହେଲେ ବଲିଉଡ କିଙ୍ଗ ଶାହାରୁଖ ଖାନ । ଗ୍ୟାଲେରୀରେ ଛିଡା ହୋଇ ସେ ସିଗାରେଟ ଟାଣୁଥିବାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଗତକାଲି (ଶନିବାର) ଇଡେନ ଗାର୍ଡେନରେ କୋଲକାତା ନାଇଟ ରାଇଡର୍ସ ଓ ସନ ରାଇଜର୍ସ ହାଇଦ୍ରାବାଦ ମଧ୍ୟରେ ମ୍ୟାଚ ରହିଥିବା ବେଳେ ନିଜ ଟିମ କେକେଆରକୁ ସପୋର୍ଟ କରିବାକୁ ଗ୍ରାଉଣ୍ଡରେ ଉପସ୍ଥିତ ଥିଲେ । ଷ୍ଟାଡିୟମର ଭିଆଇପି ବକ୍ସରେ ସେ ଛିଡା ହୋଇ ସିଗାରେଟ ଟାଣୁଥିବା ଭିଡିଓରେ ଦେଖିବାକୁ ମିଳିଛି । ୟୁଜର୍ସମାନେ କିଙ୍ଗ ଖାନଙ୍କୁ ଏଥିପାଇଁ ସମାଲୋଚନା କରିଛନ୍ତି ।
ଏହା ମଧ୍ୟ ପଢନ୍ତୁ-ବିଜୟରୁ ଅଭିଯାନ ଆରମ୍ଭ କଲା KKR, ଶେଷ ଓଭରରେ ବାଜି ପଲଟାଇ ଦେଲେ ହର୍ଷିତ ରାଣା - IPL 2024
ଶନିବାର କେକେଆର ଓ ଏସଆରଏଚ ଟିମ ମଧ୍ୟରେ ଇଡେନ ଗାର୍ଡେନ ଷ୍ଟାଡିମୟରେ ମ୍ୟାଚ ଖେଳାଯାଇଥିଲା । ପ୍ରଥମ ବ୍ୟାଟିଂ କରିଥିଲା ଶାହାରୁଖ ଖାନଙ୍କ ଟିମ କୋଲକାତା । ଯେତେବେଳେ ଦଳ 4 ଓ୍ବିକେଟ ହରାଇ 77 ରନ କରିଥିଲା ଏହି ସମୟରେ କ୍ୟାମେରା ଯାଇ କିଙ୍ଗ ଖାନଙ୍କ ଉପରେ ପଡିଥିଲେ । ସେହି ସମୟରେ ସେ ଗ୍ୟାଲେରୀରେ ଛିଡା ହୋଇ ସିଗାରେଟ ଟାଣୁଥିବାର ଦୃଶ୍ୟ କ୍ୟାମେରାରେ କଏଦ ହୋଇଥିଲା । ଏହି ସମୟରେ ତାଙ୍କ ପାଖରେ ମ୍ୟାନେଜର ପୂଜା ଦାଦଲାନି ମଧ୍ୟ ଉପସ୍ଥିତ ଥିଲେ ।
ଭାଇରାଲ ଭିଡିଓରେ ୟୁଜର୍ସ ମାନେ କମେଣ୍ଟ କରି ଶାହାରୁଖ ଖାନଙ୍କୁ ସମାଲୋଚନା କରିଛନ୍ତି । ଜଣେ ଆଇକନ ହୋଇ ଏପରି କରିବା ନିନ୍ଦନୀୟ ବୋଲି ଜଣେ ୟୁଜର୍ସ କମେଣ୍ଟ କରିଥିଲେ । ସେହିପରି ଅନ୍ୟ ଜଣେ କମେଣ୍ଟରେ ଲେଖିଥିଲେ ଯେ, କିଙ୍ଗ ଖାନ ସିଗାରେଟ ଟାଣିବା ସମୟର ଲାଇଭ ଭିଡିଓ କିପରି ଟିଭିରେ ଦେଖାଇବାକୁ ସାହସ କଲା ଷ୍ଟାର ସ୍ପୋର୍ଡ ଇଣ୍ଡିଆ । ସମସ୍ତେ ଜାଣିଛନ୍ତି ଯେ, ଦେଶର ଲକ୍ଷ୍ୟ ଲକ୍ଷ୍ୟ ଯୁବକ ତାଙ୍କୁ ଫଲୋ କରନ୍ତି । ପିଲାମାନଙ୍କ ଭବିଷ୍ୟତକୁ ବଞ୍ଚାଇବା ପାଇଁ ବ୍ରଡକାଷ୍ଟରମାନେ ଏହି ବ୍ୟକ୍ତିଙ୍କୁ ଟିଭିରେ ଦେଖାଇବା ଠାରୁ ଦୂରେଇ ରହିବା ଆବଶ୍ୟକ । ବିସିସିଆଇ ଦୟାକରି ଶାହାରୁଖ ଖାନଙ୍କୁ କୌଣସି ଷ୍ଟାଡିୟମରେ ପ୍ରବେଶ ଉପରେ ପ୍ରତିବନ୍ଧକ ଲଗାନ୍ତୁ । କେକେଆର ଓ ଏସଆରଏଚ ମଧ୍ୟରେ ଖେଳାଯାଇଥିବା ମ୍ୟାଚରେ କୋଲକାତା ବିଜୟୀ ହୋଇଛି । ସନରାଇଜର୍ସକୁ 4 ରନରେ ପରାସ୍ତ କରି ଆଇପିଏଲରେ ବିଜୟରୁ ଅଭିଯାନ ଆରମ୍ଭ କରିଛି କେକେଆର ।
