ହାଇଦ୍ରାବାଦ: 2023 ବର୍ଷ ଫିଲ୍ମ ଇଣ୍ଡଷ୍ଟ୍ରି ପାଇଁ ବେଶ ଭଲ ପ୍ରମାଣିତ ହୋଇଥିଲା । ଅନେକ ତାରକାଙ୍କ ଫିଲ୍ମ ବେଶ ହିଟ୍ ହେବା ସହ ଲୋକପ୍ରିୟତା ହାସଲ କରିଥିଲା । ସେହିପରି ଚଳିତ ବର୍ଷ ମଧ୍ୟ ଅନେକ ତାରକାଙ୍କ ପାଇଁ ଭଲ ହେବ ବୋଲି ଆଶା କରାଯାଉଛି । ଚଳିତ ବର୍ଷ ଆରମ୍ଭରେ ଅନେକ ତାରକା ପରଦାରେ ଜଲୱା ଦେଖାଇଥିବା ବେଳେ ଅନେକଙ୍କ ଫିଲ୍ମ ଆସିବାର ବାକି ରହିଛି । ଏହାରି ମଧ୍ୟରେ ବର୍ତ୍ତମାନ ଟପ୍ ୧୦ରେ ଥିବା ଭାରତର ଲୋକପ୍ରିୟ ତାରକାଙ୍କ ତାଲିକା ପ୍ରକାଶ ପାଇଛି । ଓରମାକ୍ସ ପକ୍ଷରୁ ଏହି ତାଲିକା ପ୍ରକାଶ ପାଇଥିବା ବେଳେ ଅନେକ ବଲିଉଡ ଏବଂ ସାଉଥ ସେଲିବ୍ରିଟିଙ୍କ ନାଁ ଏଥିରେ ସ୍ଥାନ ପାଇଛି ।
ଓରମାକ୍ସ ମିଡିଆ ଦ୍ବାରା ଗୁରୁବାର ପ୍ରକାଶିତ ଏକ ରିପୋର୍ଟ ଅନୁଯାୟୀ, ଫେବୃଆରୀ ୨୦୨୪ରେ ଭାରତୀୟ ସିନେମାର ଟପ ୧୦ରେ ନିଜର ସ୍ଥାନ ହାସଲ କରିଛନ୍ତି ସାଉଥ ଏବଂ ବଲିଉଡର ଲୋକପ୍ରିୟ ସେଲିବ୍ରିଟି । ଅଭିନେତାଙ୍କ ତାଲିକା ଶୀର୍ଷରେ ଶାହାରୁଖ ଖାନ ରହିଥିବା ବେଳେ ଅଭିନେତ୍ରୀଙ୍କ ତାଲିକାରେ ଶୀର୍ଷରେ ରହିଛନ୍ତି ଆଲିଆ ଭଟ୍ଟ । ସେହିପରି ଏହି ତାଲିକାରେ ଏନଟିଆର, ଅଲ୍ଲୁ ଅର୍ଜୁନ, ରାମ ଚରଣ, ରଣବୀର କପୁର ଭଳି ତାରକା ଅଭିନେତାଙ୍କ ତାଲିକାରେ ନିଜ ସ୍ଥାନ ପକ୍କା କରିଥିବା ବେଳେ ଅଭିନେତ୍ରୀଙ୍କ ତାଲିକାରେ ନୟନତାରା, କିଆରା ଆଡଭାନୀ, କ୍ରିତି ସାନନ ଭଳି ତାରକା ସାମିଲ ହୋଇଛନ୍ତି ।
ବଲିଉଡ ତାରଙ୍କ ମଧ୍ୟରେ ଶାହାରୁଖ ଖାନ ପ୍ରଥମ ସ୍ଥାନରେ ଥିବା ବେଳେ ସଲମାନ କାନ ସପ୍ତମ ସ୍ଥାନରେ ହ୍ରିତିକ ରୋଶନ ଏବଂ ରଣବୀର କପୁର ଯଥାକ୍ରମେ ଅଷ୍ଟମ ଏବଂ ନବମ ସ୍ଥାନରେ ରହିଛନ୍ତି । ସେହିପରି ସାଉଥ ସୁପରଷ୍ଟାର ପ୍ରଭାସ ଦ୍ୱିତୀୟ ସ୍ଥାନରେ ଥିବା ବେଳେ ଥାଲାପତି ବିଜୟ ତୃତୀୟ ଏବଂ ମେହଶ ବାବୁ, ଅଲ୍ଲୁ ଅର୍ଜୁନ, ଏନଟିଆର ଓ ରାମଚରଣ ଯଥାକ୍ରମେ ୪ର୍ଥ, ୫ମ ଏବଂ ୬ଷ୍ଠ ଏବଂ ଦଶମ ସ୍ଥାନରେ ରହିଛନ୍ତି ।
ଟପ୍ ୧୦ରେ ଥିବା ଭାରତୀୟ ଅଭିନେତା
- ଶାହାରୁଖ ଖାନ
- ପ୍ରଭାସ
- ଥାଲାପତି ବିଜୟ
- ମହେଶ ବାବୁ
- ଅଲ୍ଲୁ ଅର୍ଜୁନ
- ଜୁନିଅର ଏନଟିଆର
- ସଲମାନ ଖାନ
- ହ୍ରିତିକ ରୋଶନ
- ରଣବୀର କପୁର
- ରାମ ଚରଣ
ସେହିପରି ଅଭିନେତ୍ରୀ ତାଲିକାରେ ବଲିଉଡ ଅଭିନେତ୍ରୀ ଆଲିଆ ଭଟ୍ଟ ଶୀର୍ଷରେ ଥିବା ବେଳେ ଦୀପିକା ପାଦୁକୋନ ତୃତୀୟ ସ୍ଥାନ, ଚତୁର୍ଥରେ କ୍ୟାଟ୍ରିନା କୈଫ ଏବେ ଅଷ୍ଟମ ଓ ଦଶମରେ କିଆରା ଆଡଭାନୀ ଓ କ୍ରିତି ସାନନ ରହିଛନ୍ତି । ଅନ୍ୟପଟେ ସାଉଥ ଅଭିନେତ୍ରୀ ସାମନ୍ଥା ଦ୍ୱିତୀୟ ସ୍ଥାନରେ ଥିବା ବେଳେ କାଜଲ ଅଗ୍ରୱାଲ, ନୟନତାରା, ତ୍ରିଶା କ୍ରିଷ୍ଣନ ଓ ରଶ୍ମିକା ମନ୍ଦାନା ଯଥାକ୍ରମେ ପଞ୍ଚମ, ଷଷ୍ଠ, ସପ୍ତମ ଏବଂ ନବମ ସ୍ଥାନରେ ରହିଛନ୍ତି ।
ଟପ୍ ୧୦ରେ ଥିବା ଭାରତୀୟ ଅଭିନେତ୍ରୀ
- ଆଲିଆ ଭଟ୍ଟ
- ସାମନ୍ଥା ରୁଥ ପ୍ରଭୁ
- ଦୀପିକା ପାଦୁକୋନ
- କ୍ୟାଟ୍ରିନା କୈଫ
- କାଜଲ ଅଗ୍ରୱାଲ
- ନୟନତାରା
- ତ୍ରିଶା କ୍ରିଷ୍ଣନ
- କିଆରା ଆଡଭାନୀ
- ରଶ୍ମିକା ମନ୍ଦାନା
- କ୍ରିତି ସାନନ
ଏହା ମଧ୍ୟ ପଢନ୍ତୁ: ଲୋକପ୍ରିୟ ତାରକା ଶୀର୍ଷରେ କିଙ୍ଗ ଖାନ, ଟପ୍ ୧୦ରେ ଅଛନ୍ତି ଏସବୁ ସେଲିବ୍ରିଟି
