ମୁମ୍ବାଇ: ନିର୍ଦ୍ଦେଶକ ରୋହିତ ଶେଟ୍ଟୀଙ୍କ ବହୁ ପ୍ରତୀକ୍ଷିତ ଫିଲ୍ମ "ସିଂଘମ ଏଗେନ"କୁ ଚଳଚ୍ଚିତ୍ରପ୍ରେମୀ ଅପେକ୍ଷାର ସହ ଚାହିଁ ରହିଛନ୍ତି । ଏହି ଚଳଚ୍ଚିତ୍ରରେ ଅଜୟ ଦେବଗନଙ୍କ ସହ ରଣବୀର ସିଂ, କରୀନା କପୁର ଖାନ, ଟାଇଗର ଶ୍ରଫ ଏବଂ ଦୀପିକା ପାଦୁକୋନଙ୍କ ଭଳି ଅନେକ ନାମୀଦାମୀ କଳାକାରଙ୍କୁ ଦେଖିବାକୁ ମିଳିବ । ତେବେ କିଛି ସମୟ ପୂର୍ବରୁ, ଫିଲ୍ମର ନିର୍ଦ୍ଦେଶକ ମାଆ ହେବାକୁ ଯାଉଥିବା ଦୀପିକା ପାଦୁକୋନଙ୍କ ଲାଟେଷ୍ଟ ଫଟୋ ସୋସିଆଲ ମିଡିଆରେ ପୋଷ୍ଟ କରିଛନ୍ତି । ଯାହା ସୋସିଆଲ ମିଡିଆରେ ଛାଇଯାଇଛି ।
ଆଜି (ଶୁକ୍ରବାର) ଏପ୍ରିଲ 19ରେ ବଲଉଡ ଫିଲ୍ମ ନିର୍ଦ୍ଦେଶକ ରୋହିତ ଶେଟ୍ଟୀ ନିଜର ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଦୀପିକା ପାଦୁକୋନଙ୍କ ଏକ ଲାଟେଷ୍ଟ ଫଟୋ ପୋଷ୍ଟ କରିଛନ୍ତି । ଏହାସହ ଏଥିରେ କ୍ୟାପସନରେ ଲେଖିଛନ୍ତି, 'ମୋ ହିରୋ, ରିଲରେ ଏବଂ ରିୟଲରେ ଲେଡି ସିଙ୍ଗହମ୍ @ଦୀପିକା ପାଦୁକୋନ୍ '। ରୋହିତ ସେୟାର କରିଥିବା ଏହି ଫଟୋରେ ଅଭିନେତ୍ରୀ ଦୀପିକା ପାଦୁକୋନଙ୍କୁ ପୋଲିସ ୟୁନିଫର୍ମରେ ଥିବାର ଦେଖିବାକୁ ମିଳିଛି । ଏହାସହ ଷ୍ଟାଇଲିସ୍ ଚଷମା ପିନ୍ଧିଥିବା ଲୁକରେ ଅଛନ୍ତି ଦୀପିକା । ଭାଇବ୍ରାଣ୍ଟ ବ୍ୟାକଗ୍ରାଉଣ୍ଡ ସହ ଖାକି ୟୁନିଫର୍ମରେ ଦୀପିକାଙ୍କ ଲୁକ୍ ଖୁବ୍ ଆକର୍ଷଣୀୟ ଦେଖାଯାଉଛି । ରୋହିତ ସେୟାର କରିଥିବା ଏହି ଫଟୋରେ ଦୀପିକା ପାଦୁକୋନଙ୍କୁ ଅଜୟ ଦେବଗନଙ୍କ 'ସିଂଘମ' ଷ୍ଟେପ୍ ସହିତ ଦେଖିବାକୁ ମିଳୁଛି । ଯାହା ଫ୍ୟାନମାନଙ୍କୁ ଖୁବ ପସନ୍ଦ ଆସିଛି ।
ଏହା ମଧ୍ୟ ପଢ଼ନ୍ତୁ...Kareena Kapoor BTS Pic: 'ସିଂଘମ ଏଗେନ' ସେଟରୁ BTS ଫଟୋ ସେୟାର କଲେ କରିନା
ତେବେ କିଛି ଦିନ ପୂର୍ବରୁ "ସିଂଘମ ଏଗେନ"ର ସୁଟିଂ ସେଟରୁ ଦୀପିକା ପାଦୁକୋନଙ୍କ ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଯାହାକୁ ନେଇ ଫ୍ୟାନ୍ସଙ୍କ ମଧ୍ୟରେ ଫିଲ୍ମ ପ୍ରତି କ୍ରେଜ ବଢିଥିଲା । ଗତ ବର୍ଷ (2023) ଅକ୍ଟୋବରରେ ଚଳଚ୍ଚିତ୍ର ନିର୍ମାତା ଶକ୍ତି ଶେଟ୍ଟୀ ଭାବରେ ଦୀପିକାଙ୍କର ପ୍ରଥମ ଲୁକକୁ ଦେଖାଇଥିଲେ । ନିର୍ମାତା ଦୁଇଟି ପୋଷ୍ଟର ରିଲିଜ୍ କରିଥିଲେ ଯେଉଁଥିରେ ଅଭିନେତ୍ରୀ ପୋଲିସ ୟୁନିଫର୍ମ ପିନ୍ଧି ବନ୍ଧୁକ ଧରି ବହୁତ ଖତରନାକ ଦେଖାଯାଉଥିଲେ । ସେ ଜଣେ ବ୍ୟକ୍ତିଙ୍କ ମୁହଁରେ ଏକ ରିଭଲଭର ଲଗାଇ ଜୋରରେ ହସୁଥିବା ବେଳେ ଅନ୍ୟ ଏକ ହାତରେ ବ୍ୟକ୍ତିଙ୍କ କେଶକୁ ଧରିଥିଲେ । ଏବେ ଦୀପିକାଙ୍କର ଆଉ ଏକ ଫଟୋ ସୋସିଆଲ ମଡିଆରେ ପୋଷ୍ଟ କରିଛନ୍ତି ରୋହିତ । ତେବେ ଚଳଚ୍ଚିତ୍ରଟି "ସିଂଘମ ଏଗେନ" 15 ଅଗଷ୍ଟ 2024 ରେ ସିନେମା ହଲରରେ ରିଲିଜ ହେବାକୁ ଯାଉଛି ।
ବ୍ୟୁରୋ ରିପେର୍ଟ, ଇଟିଭି ଭାରତ
