ହାଇଦ୍ରାବାଦ: ନିତେଶ ତିୱାରୀଙ୍କ ଆଗାମୀ ଫିଲ୍ମ 'ରାମାୟଣ' ଶିରୋନାମାରେ ରହିଛି । ଫିଲ୍ମରେ ରଣବୀର କପୁର, ସାଇ ପଲ୍ଲବୀ ଓ ସନି ଦେଓଲ ମୁଖ୍ୟ ଭୂମିକାରେ ଅଛନ୍ତି । ବହୁ ପ୍ରତିକ୍ଷୀତ ଫିଲ୍ମ 'ରାମାୟଣ'ରେ ରଣବୀରଙ୍କୁ ପ୍ରଭୁ ରାମଙ୍କ ଭୂମିକାରେ ଦେଖିବାକୁ ମିଳିବ । ସେହିପରି ସାଇ ପଲ୍ଲବୀ ସୀତା ଓ ସନି ଦେଓଲ ହନୁମାନଙ୍କ ଭୂମିକାରେ ନଜର ଆସିବେ । ଫିଲ୍ମ ରିଲିଜକୁ ନେଇ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଛନ୍ତି । ଏହାରି ମଧ୍ୟରେ ନିଜର ରୋଲ ପାଇଁ ପ୍ରସ୍ତୁତ ହେଉଥିବା ରଣବୀର କପୁରଙ୍କ କିଛି ଝଲକ ସାମ୍ନାକୁ ଆସିଛି । ବର୍ତ୍ତମାନ ଫିଲ୍ମର ସୁଟିଂ ଆରମ୍ଭ ହୋଇଯାଇଛି ଯାହାର ସୂଚନା ସେଟରୁ ସାମ୍ନାକୁ ଆସିଛି ।
ରଣବୀର କପୁରଙ୍କ ଅଭିନୀତ ରାମାୟଣର ସୁଟିଂ ଆରମ୍ଭ ହୋଇଛି । ଯାହାର ସୂଚନା ଜଣେ ଫ୍ୟାନ ସେୟାର କରିଛନ୍ତି । ତାଙ୍କ ସୋସିଆଲ ମିଡିଆ Xରେ ସେଟରୁ କିଛି ତଥ୍ୟ ବିଷୟରେ ପୋଷ୍ଟ କରିଛନ୍ତି । ସେ ପୋଷ୍ଟରେ ରାମାୟଣ ସେଟର ପରିବେଶ ବିଷୟରେ ସୂଚନା ଦେଇଛନ୍ତି । ସେ ଲେଖିଛନ୍ତି ଯେ, 'ସାଇ ପଲ୍ଲବୀଙ୍କୁ ସୀତାଙ୍କ ରୂପରେ ଦେଖିବାକୁ ମିଳିଛି । ସେ ରଣବୀରଙ୍କ ସାମ୍ନାରେ ଭଲ ଅଭିନୟ କରୁଛନ୍ତି । ସେହିପରି ଲକ୍ଷ୍ମଣଙ୍କ ରୂପରେ ରବି ଦୁବେ ଅଭିନୟ କରିଛନ୍ତି । 'ଏହି ଟେକ୍ସଟ୍ ଫଟୋ ସେୟାର୍ କରିବା ବେଳେ ଫ୍ୟାନ୍ ପେଜ୍ କ୍ୟାପସନ୍ ଦେଇଛନ୍ତି ଯେ, 'ଜଣେ ଜୁନିୟର କଳାକାର ସେଟରୁ ରାମାୟଣ ବିଷୟରେ କିଛି ସୂଚନା ସେୟାର କରିଛନ୍ତି । କିଛି ଦିନ ପୂର୍ବରୁ ରଣବୀର କପୁରଙ୍କ ସହ ସୁଟିଂ ଆରମ୍ଭ ହୋଇଥିଲା ।
ଏହା ମଧ୍ୟ ପଢନ୍ତୁ -'ରାମାୟଣ' ପାଇଁ ହାତ ମିଲାଇଲେ ୟଶ, ଅଭିନେତା ନୁହଁ ହେବେ ଫିଲ୍ମ ନିର୍ମାତା
ଏହା ମଧ୍ୟ ପଢନ୍ତୁ -'ରାମ' ଭୂମିକା ପାଇଁ ରଣବୀରଙ୍କ ଟ୍ରେନିଂ ଆରମ୍ଭ, ଖୁବଶୀଘ୍ର କରିବେ 'ରାମାୟଣ' ସୁଟିଂ
ନିତେଶ ତିୱାରୀଙ୍କ 'ରାମାୟଣ'ରେ ରଣବୀର କପୁରଙ୍କୁ ରାମ ଭୂମିକାରେ, ସାଉଥ ଅଭିନେତ୍ରୀ ସାଇ ପଲ୍ଲବୀ ସୀତା ଓ ଟିଭି ତାରକା ରବି ଦୁବେ ଲକ୍ଷ୍ମଣ ରୂପେ ନଜର ଆସିବେ । ଏହା ବ୍ୟତୀତ ସୁପରଷ୍ଟାର ୟଶଙ୍କୁ ଫିଲ୍ମରେ ରାବଣ ଭୂମିକାରେ ଦେଖିବାକୁ ମିଳିଥାନ୍ତା କିନ୍ତୁ ପରେ ଖବର ଆସିଛି ଯେ ୟଶ ଏହି ଫିଲ୍ମର ନିର୍ମାତା ଭାବରେ ଜଡିତ ହେବେ । ତେବେ ରାମାୟଣ ଫିଲ୍ମ ତିନି ଭାଗରେ ନିର୍ମିତ ହେବାକୁ ଯାଉଛି । ଫିଲ୍ମର ପ୍ରଥମ ଭାଗ 2025ର ଦ୍ୱିତୀୟାର୍ଦ୍ଧରେ ମୁକ୍ତିଲାଭ କରିବ ଏବଂ ରାବଣ ଫିଲ୍ମର ପ୍ରଥମ ଭାଗରେ ଦେଖାଯିବ ନାହିଁ । ଫିଲ୍ମର ପ୍ରଥମ ଭାଗରେ ରାମଙ୍କ ବିବାହ, ଦ୍ୱିତୀୟ ଭାଗରେ ନିର୍ବାସନ ଏବଂ ତୃତୀୟ ଭାଗରେ ରାବଣଙ୍କ ସହ ଯୁଦ୍ଧ ଦେଖିବାକୁ ମିଳିବ ।
