ମୁମ୍ବାଇ: ରଣବୀର କପୁର ଏବଂ ଆଲିଆ ଭଟ୍ଟ ବଲିଉଡ୍ର ଲୋକପ୍ରିୟ ଦମ୍ପତିଙ୍କ ମଧ୍ୟରେ ଅନ୍ୟତମ । ଏହି ଦମ୍ପତି ନିଜ ଅଭିନୟ କ୍ଷେତ୍ରରେ ସ୍ୱତନ୍ତ୍ର ପରିଚୟ ସୃଷ୍ଟି କରିବା ସହ ସଫଳ ତାରକା ହୋଇପାରିଛନ୍ତି । ରିଲ୍ ଲାଇଫ ପରି ରିଅଲ୍ ଲାଇଫରେ ମଧ୍ୟ ଏହି ଦମ୍ପତି ବେଶ ଚର୍ଚ୍ଚାରେ ରହିଥାଆନ୍ତି । ଏହି କପଲଙ୍କୁ ଗତକାଲି(ଶନିବାର) ଜ୍ୟାକି ଭଗ୍ନାନୀ ଓ ରକୁଲ ପ୍ରୀତ ସିଂଙ୍କ ଘର ସାମ୍ନାରେ ଦେଖିବାକୁ ମିଳିଛି । ନୂଆ ଲୁକରେ ଆଲିଆ ଓ ରଣବୀର ନିଜ ନୂଆ କାରରେ ଆସୁଥିବାର ଦେଖିବାକୁ ମିଳିଥିଲା ।
ପାପାରାଜି ରଣବୀର କପୁର ଓ ଆଲିଆ ଭଟ୍ଟଙ୍କୁ ଜ୍ୟାକି- ରକୁଲଙ୍କ ଘରୁ ବାହାରୁଥିବାର କ୍ୟାମେରାରେ କଏଦ କରିଛନ୍ତି । ଭିଡିଓରେ ରଣବୀରଙ୍କୁ ଅଭିନେତ୍ରୀ ଆଲିଆଙ୍କ ସହ ନିଜର ନୂଆ କାରରେ ଯାଉଥିବାର ଦେଖିବାକୁ ମିଳିଛି । ଗତ ବର୍ଷ ରଣବୀର ସନ୍ଦୀପ ରେଡ୍ଡୀ ଭଙ୍ଗାଙ୍କ ନିର୍ଦ୍ଦେଶିତ ଚଳଚ୍ଚିତ୍ର 'ଆନିମଲ'ରେ ତାଙ୍କର ଚମତ୍କାର ଅଭିନୟ ସହିତ ପ୍ରଶଂସକ ଏବଂ ଦର୍ଶକଙ୍କ ହୃଦୟ ଜିତିଥିଲେ । ସେ ବର୍ତ୍ତମାନ ନିତୀଶ ତିୱାରୀଙ୍କ 'ରାମାୟଣ'ରେ ରାମ ଭୂମିକା ପାଇଁ ପ୍ରସ୍ତୁତ ହେଉଛନ୍ତି, ଯାହାର ସୁଟିଂ ଖୁବ ଶୀଘ୍ର ଆରମ୍ଭ ହେବ ।
ସେହିପରି ଆଲିଆ ଭଟ୍ଟଙ୍କ ଓ୍ବାର୍କଫଣ୍ଟ କଥା କହିବାକୁ ଗଲେ ତାଙ୍କୁ ଶେଷ ଥର ପାଇଁ ରଣବୀର ସିଂହଙ୍କ ସହିତ ଫିଲ୍ମ ରକି ଅର ରାନୀ କି ପ୍ରେମ କାହାଣୀରେ ଦେଖିବାକୁ ମିଳିଥିଲା । ଏବେ ଆଲିଆଙ୍କ ଆଗାମୀ ଚଳଚ୍ଚିତ୍ର ମଧ୍ୟରେ ତାଙ୍କ ପ୍ରଡକ୍ସନ୍ ହାଉସରେ ନିର୍ମିତ ଫିଲ୍ମ ଜିଗ୍ରା ଅଛି । ଯାହା ସେପ୍ଟେମ୍ବର 27ରେ ମୁକ୍ତିଲାଭ କରିବ । ସେହି ସମୟରେ ଆଲିଆଙ୍କୁ ସ୍ୱାମୀ ରଣବୀର କପୁରଙ୍କ ସହ ସଞ୍ଜୟ ଲୀଲା ଭନସାଲୀଙ୍କ ଫିଲ୍ମ ଲଭ୍ ଆଣ୍ଡ୍ ୱାରରେ ଦେଖିବାକୁ ମିଳିବ । ଏହା ବ୍ୟତୀତ ଆଲିଆଙ୍କ ହାତରେ ୟଶ ରାଜ ସ୍ପାଏ ୟୁନିଭର୍ସର ଏକ ଫିଲ୍ମ ମଧ୍ୟ ରହିଛି ।
ଏହା ମଧ୍ୟ ପଢନ୍ତୁ-ହୋପ ଗାଲାରେ ଗୀତ ଗାଇଲେ ଆଲିଆ, ପ୍ରଶଂସା କଲେ ଫ୍ୟାନ୍ସ
ସୂଚନା ଥାଉ କି, ଆଲିଆ-ରଣବୀର ବ୍ରହ୍ମାସ୍ତ୍ର ଫିଲ୍ମର ସୁଟିଂ ସମୟରେ ପ୍ରେମରେ ପଡି ଯାଇଥିଲେ । ଏହାପରେ ପରସ୍ପର ଡେଟିଂ କରିବା ପରେ ୨୦୨୨, ଏପ୍ରିଲ ୧୪ ତାରିଖରେ ବିବାହ ବନ୍ଧନରେ ବାନ୍ଧି ହୋଇଥିଲେ । ଏହାପରେ ନଭେମ୍ବର ୬, ୨୦୨୨ରେ ଝିଅ ରାହାଙ୍କ ପିତାମାତା ହୋଇଥିଲେ । ତେବେ ଚଳିତ ବର୍ଷ ରାହାଙ୍କ ପ୍ରଥମ ଜନ୍ମଦିନରେ ଏହି ଦମ୍ପତି ଅନେକ ଖୁଲାସା କରିଥିଲେ । ବର୍ତ୍ତମାନ ରାହାଙ୍କ ଚେହେରା ସମସ୍ତଙ୍କୁ ଦେଖାଇଛନ୍ତି ।
