ହାଇଦ୍ରାବାଦ: ପରଲୋକରେ ଗଣମାଧ୍ୟମ ଓ ସିନେ ଜଗତର ବେତାଜ ବାଦଶାହ ତଥା ରାମୋଜୀ ଗ୍ରୁପ ଅଧ୍ୟକ୍ଷ ରାମୋଜୀ ରାଓ । ରାମୋଜି ରାଓଙ୍କ ଦେହାନ୍ତରେ ତେଲୁଗ ଫିଲ୍ମ ଜଗତରେ ଶୋକର ଛାୟା ଖେଳିଯାଇଛି । ଅଭିନେତା ଚିରଞ୍ଜୀବୀଙ୍କ ଠାରୁ ଆରମ୍ଭ କରି ଜୁନିୟର ଏନଟିଆର, ଖୁସୁବୁ ସୁନ୍ଦର, ନିର୍ଦ୍ଦେଶକ ଏସଏସ ରାଜାମୌଲି, ରଜନୀକାନ୍ତ ଏକ୍ସରେ ଟ୍ବିଟ କରି ଶୋକବ୍ୟକ୍ତ କରିବା ସହ ଭାବପୂର୍ଣ୍ଣ ଶର୍ଦ୍ଧାଞ୍ଜଳି ଜଣାଇଛନ୍ତି । ଏଥି ସହ ରାମୋଜୀ ରାଓଙ୍କୁ ଭାରତ ରତ୍ନ ପ୍ରଦାନ ନେଇ ଦାବି କରିଛନ୍ତି ରାଜାମୌଲି ।
ଟ୍ବିଟ କରି ଏସଏସ ରାଜାମୌଲି ଲେଖିଛନ୍ତି, ''ଜଣେ ବ୍ୟକ୍ତି ଦୀର୍ଘ 50 ବର୍ଷ ଧରି ନମନୀୟତା, ପରିଶ୍ରମ ଏବଂ ନବସୃଜନ ସହିତ ଲକ୍ଷ ଲକ୍ଷ ଲୋକଙ୍କୁ ରୋଜଗାର, ଜୀବିକା ଯୋଗାଇଛନ୍ତି । ରାମୋଜୀ ରାଓ ଗାରୁଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବାର ଏକମାତ୍ର ଉପାୟ ହେଉଛି ତାଙ୍କୁ "ଭରତ ରତ୍ନ" ପ୍ରଦାନ କରିବା ।''
ଅଭିନେତା ରଜନୀକାନ୍ତ ଏକ୍ସରେ ଲେଖିଛନ୍ତି, "ମୋର ଗୁରୁ ତଥା ଶୁଭଚିନ୍ତକ ରାମୋଜୀ ରାଓ ଗାରୁଙ୍କ ଦେହାନ୍ତ ଖବର ଶୁଣି ମୁଁ ଅତ୍ୟନ୍ତ ଦୁଃଖିତ । ସାମ୍ବାଦିକତା ଏବଂ ସିନେମାରେ ସେ ଇତିହାସ ସୃଷ୍ଟି କରିଛନ୍ତି । ସେ ମୋ ଜୀବନର ମାର୍ଗଦର୍ଶକ ଏବଂ ପ୍ରେରଣା ଥିଲେ । ତାଙ୍କର ଅମର ଆତ୍ମାର ସଦଗତି କାମନା କରୁଛି ।'' ଅଭିନେତା ଚିରଞ୍ଜୀବୀ ଟ୍ବିଟ କରି ଲେଖିଛନ୍ତି, ''ରାମୋଜୀ ରାଓଙ୍କ ଦେହାନ୍ତ ଖବର ଶୁଣି ମୁଁ ଦୁଃଖିତ । ଏହି ଖବର ମୋତେ ବ୍ୟଥିତ କରିଛି । ଓମ ଶାନ୍ତି ।''
ଜୁନିୟର ଏନଟିଆର ଲେଖିଛନ୍ତି, ''ରାମୋଜୀ ରାଓ ଜଣେ ଦୂରଦୃଷ୍ଟି ସମ୍ପନ୍ନ ବ୍ୟକ୍ତି । ମିଡିଆ ଟାଇକୁଣ୍ଡ ଏବଂ ଭାରତୀୟ ସିନେମାର ଜଣେ ବରିଷ୍ଠ ବ୍ୟକ୍ତି । ତାଙ୍କର ଦେହାନ୍ତ ଫିଲ୍ମ ଜଗତ ପାଇଁ ଅପୂରଣୀୟ କ୍ଷତି, ଏବଂ ତାଙ୍କର ଦେହାନ୍ତ ଖବର ଅତ୍ୟନ୍ତ ଦୁଃଖଦାୟକ । ତେଲୁଗୁ ଚଳଚ୍ଚିତ୍ର ଜଗତରେ ଚଳଚ୍ଚିତ୍ର 'ନିନ୍ନୁ ଚୁଡାଲାନି'ରେ ମୋର ଡେବ୍ୟୁର ସବୁଦିନ ପାଇଁ ମନେ ରହିବ । ତାଙ୍କର ଅମର ଆତ୍ମାର ସଦଗତି କାମନା କରୁଛି । ତାଙ୍କ ପରିବାରକ ହୃଦୟରୁ ସମବେଦନା ଜଣାଉଛି ।
ଅଭିନେତ୍ରୀ ଖୁସୁବୁ ସୁନ୍ଦର ଟ୍ବିଟ କରି ଲେଖିଛନ୍ତି, ''ସିନେମା ଜଗତର କିମ୍ଭଦନ୍ତୀ, ଅଗ୍ରଣୀ, ରାମୋଜୀ ରାଓଙ୍କ ଦେହାନ୍ତରେ ମୁଁ ଦୁଃଖିତ । ତାଙ୍କର ଅମର ଆତ୍ମର ସଦଗତି କାମନା କରୁଛି । ''
ଅଭିନେତା ମଞ୍ଚୁ ମନୋଜ ଏକ୍ସରେ ଲେଖିଛନ୍ତି, "ରାମୋଜୀ ରାଓ ଗାରୁଙ୍କ ଦେହାନ୍ତରେ ମୁଁ ଅତ୍ୟନ୍ତ ଦୁଃଖିତ। ପିଲାଟି ଦିନରୁ ମୁଁ ତାଙ୍କୁ ସମ୍ମାନ କରି ଆସୁଛି । ତାଙ୍କର ଉଲ୍ଲେଖନୀୟ ଯାତ୍ରା ଆମ ସମସ୍ତଙ୍କୁ ପ୍ରେରଣା ଯୋଗାଉଛି। ତାଙ୍କ ପରବାର ଲୋକଙ୍କୁ ଗଭିର ସମବେଦନା। ଆପଣଙ୍କୁ ବହୁତ ମିସ କରିବି । ''
ଅଭିନେତା ସୁଧୀର ବାବୁ ଏକ୍ସରେ କହିଛନ୍ତି, ''ରାମୋଜୀ ରାଓଙ୍କ ଦେହାନ୍ତରେ ମୁଁ ଦୁଃଖିତ । ଭାରତୀୟ ଗଣମାଧ୍ୟମ ଏବଂ ଚଳଚ୍ଚିତ୍ର ଜଗତରେ ତାଙ୍କର ଭୂମିକା ଅତୁଳନୀୟ । ତାଙ୍କ ପରିବାର ଲୋକହ୍କୁ ହୃଦୟରୁ ସମବେଦନା ଜଣାଉଛି। ''
