ହାଇଦ୍ରାବାଦ: ଫ୍ୟାନ୍ସଙ୍କ ଅପେକ୍ଷାର ହେଲା ଅନ୍ତ । ଆଜି 6 ନଭେମ୍ବରରେ ରଣବୀର କପୁର ଏବଂ ସାଇ ପଲ୍ଲବୀଙ୍କ ଅଭିନୀତ ଚଳଚ୍ଚିତ୍ର 'ରାମାୟଣ' ଆନୁଷ୍ଠାନିକ ଭାବେ ଘୋଷଣା କରାଯାଇଛି । ଏହା ସହ ଫିଲ୍ମ 'ରାମାୟଣ'ର ପୋଷ୍ଟର ସେୟାର କରି ରିଲିଜ୍ ତାରିଖ ମଧ୍ୟ ଘୋଷଣା କରାଯାଇଛି । ଚଳଚ୍ଚିତ୍ର ରାମାୟଣ ଘୋଷଣାର ଏକ ଖୁସି ଖବର ଫିଲ୍ମର ନିର୍ମାତା ନାମିତ ମଲହୋତ୍ରା ନିଜେ ଦେଇଛନ୍ତି । ଚଳଚ୍ଚିତ୍ର ରାମାୟଣ ଦୁଇ ଭାଗରେ ଆସିବ । ତେବେ ପ୍ରଥମ ଭାଗ ଏବଂ ଦ୍ୱିତୀୟ ଭାଗ କେବେ ରିଲିଜ ହେବ ?ଜାଣନ୍ତୁ,
ଏହି ଦିନ ରିଲିଜ ହେବ 'ରାମାୟଣ'
ନାମିତ ମଲହୋତ୍ରା ତାଙ୍କ ସୋସିଆଲ ମିଡିଆ ଇନଷ୍ଟାଗ୍ରାମରେ 'ରାମାୟଣ' ପାର୍ଟ 1 ଏବଂ ପାର୍ଟ -2 ଘୋଷଣା କରିଛନ୍ତି । ଫିଲ୍ମର ପ୍ରଥମ ପୋଷ୍ଟର ସେୟାର କରି ଫିଲ୍ମର ରିଲିଜ ତାରିଖ ମଧ୍ୟ ଘୋଷଣା କରିଛନ୍ତି । ନାମିତ ମଲହୋତ୍ରା ତାଙ୍କ ପୋଷ୍ଟରେ ଲେଖିଛନ୍ତି, 'ଦଶ ବର୍ଷରୁ ଅଧିକ ସମୟ ଧରି ମୁଁ 5000 ହଜାର ବର୍ଷ ଧରି ଲକ୍ଷ ଲକ୍ଷ ଲୋକଙ୍କ ହୃଦୟକୁ ଶାସନ କରିଆସୁଥିବା ଏହି କାହାଣୀକୁ ପରଦାରେ ଆଣିବାକୁ ପ୍ରସ୍ତୁତ ଅଛି । ଆମ ଦଳ ଅକ୍ଲାନ୍ତ ପରିଶ୍ରମ କରୁଛି ଏବଂ ଏହା ଉପରେ ନନ-ଷ୍ଟପ୍ କାମ କରୁଛି ।ଏହି ଚଳଚ୍ଚିତ୍ର ଆପଣଙ୍କୁ ନୂଆ ସିନେମା, ଇତିହାସ, ଆମର ସତ୍ୟତା, ଆମ ସଂସ୍କୃତି, ଆମର ରାମାୟଣକୁ ସାରା ବିଶ୍ୱକୁ ନେବାକୁ ପ୍ରସ୍ତୁତ । ତେଣୁ ଆସନ୍ତୁ ଏବଂ ଏହି ଯାତ୍ରାରେ ଯୋଗ ଦିଅନ୍ତୁ ଏବଂ ଏହାକୁ ପ୍ରସ୍ତୁତ କରନ୍ତୁ । ସ୍ୱପ୍ନ ସାକାର ହେବ ଏବଂ ଗର୍ବର ସହିତ ଏହି ବଡ ଚଳଚ୍ଚିତ୍ର ପାଇଁ ଅପେକ୍ଷା କର । ଯାହା ଦିୱାଲୀ 2026 ରେ ରିଲିଜ୍ ହେବାକୁ ଯାଉଛି ଏବଂ ପାର୍ଟ 2 2027 ମସିହାରେ ମୁକ୍ତିଲାଭ କରିବାକୁ ଯାଉଛି। ଆମର ସମଗ୍ର ରାମାୟଣ ପରିବାର ତରଫରୁ ଆପଣ ସମସ୍ତଙ୍କୁ ଶୁଭ ଦିୱାଲୀ ।
ରଣବୀର-ସାଇ ପଲ୍ଲବୀ ଆସିବେ ନଜର
ଏହା ସହ ରାମାୟଣ ଫିଲ୍ମର ଏକ ପୋଷ୍ଟର ମଧ୍ୟ ସେୟାର କରାଯାଇଛି । ଚଳଚ୍ଚିତ୍ର ରାମାୟଣ ଭାଗ 1 ଏବଂ 2 ଯଥାକ୍ରମେ 2026 ଏବଂ 2027 ମସିହାରେ ମୁକ୍ତିଲାଭ କରିବାକୁ ଯାଉଛି। ନାମିତ ମାଲହୋତ୍ରା ରାମାୟଣ ଚଳଚ୍ଚିତ୍ର ନିର୍ମାଣ କରୁଛନ୍ତି ଏବଂ ଫିଲ୍ମର ଦଙ୍ଗଲ ନିର୍ଦ୍ଦେଶକ ନୀତେଶ ତିୱାରୀ 'ରାମାୟଣ'ର ନିର୍ଦ୍ଦେଶନା ଦେଉଛନ୍ତି। ନିକଟରେ ରାମାୟଣ ଫିଲ୍ମର ସେଟରୁ ରଣବୀର କପୁର ଏବଂ ସାଇ ପଲ୍ଲବୀଙ୍କ ପ୍ରଥମ ଲୁକ୍ ମଧ୍ୟ ଭାଇରାଲ ହୋଇଥିଲା । ଏହି ଫିଲ୍ମକୁ ନେଇ ଅନେକ ଦିନରୁ ଅପେକ୍ଷା ହୋଇଥିବା ବେଳେ ବର୍ତ୍ତମାନ ନିର୍ମାତା ଏହାକୁ ଅଫିସିଆଲ ଘୋଷଣା କରି ସମସ୍ତଙ୍କୁ ଭେଟି ଦେଇଛନ୍ତି ।
ଏହା ମଧ୍ୟ ପଢନ୍ତୁ: ରାମ ଭୂମିକା ପାଇଁ ରଣବୀର ନେଉଛନ୍ତି ସ୍ପେଶାଲ ଟ୍ରେନିଂ
'ରାମାୟଣ' ର ଅନ୍ୟ କାଷ୍ଟ
କହିରଖୁଛୁ କି, ରଣବୀର କପୁର ଏହି ଫିଲ୍ମରେ ପ୍ରଭୁ ଶ୍ରୀ ରାମଙ୍କ ଭୂମିକାରେ ନଜର ଆସିବାକୁ ଥିବା ବେଳେ ମାତା ସୀତା ଭୂମିକାରେ ନଜର ଆସିବେ ସାଉଥ ସୁନ୍ଦରୀ ସାଇ ପଲ୍ଲବୀ । ଏଥିସହ ଅନ୍ୟାନ୍ୟ ଭୂମିକାଙ୍କ ବିଷୟରେ କହିବାକୁ ଗଲେ, ବିଭୀଷଣ ଭୂମିକା ପାଇଁ ବିଜୟ ସେଥୁପଥି ଏବଂ ହନୁମାନ ଭୂମିକା ପାଇଁ ସନ୍ନି ଦେଓଲ, କୁମ୍ଭକର୍ଣ୍ଣ ଭୂମିକା ପାଇଁ ବବି ଦେୱଲ, କୈକେୟୀଙ୍କ ଭୂମିକା ପାଇଁ ଲାରା ଦତ୍ତାଙ୍କ ନାଁ ଫାଇନାଲ କରାଯାଇଥିବା ଚର୍ଚ୍ଚା ଜୋର ଧରିଛି । ତେବେ ଫିଲ୍ମର ଷ୍ଟାରକାଷ୍ଟଙ୍କ ନାଁ ଅଫିସିଆଲି ଘୋଷଣା କରିନାହାନ୍ତି । ଖୁବଶୀଘ୍ର ଏହା ଘୋଷଣା କରାଯିବ ବୋଲି ଆଶା ।
ଏହା ମଧ୍ୟ ପଢନ୍ତୁ: 'ରାମାୟଣ' ପାଇଁ ବଦଳିଲା ରଣବୀରଙ୍କ ଲୁକ, ବଡ଼ି ଟ୍ରାନ୍ସଫରମେସନ ଦେଖି ଫିଦା ଫ୍ୟାନ୍ସ
ବ୍ୟୁରୋ ରିପୋର୍ଟ, ଇଟିଭି ଭାରତ
