ମୁମ୍ବାଇ: ହୋଲିରେ ଫ୍ୟାନ୍ସଙ୍କୁ ଭେଟି । ସାଉଥ ସୁପରଷ୍ଟାର ରାମ ଚରଣ ନିର୍ଦ୍ଦେଶକ ସୁକୁମାରଙ୍କ ସହିତ କରିବାକୁ ଯାଉଛନ୍ତି ତାଙ୍କର ଆଗାମୀ ଚଳଚ୍ଚିତ୍ର 'RC17' । ସୋମବାର ହୋଲି ଅବସରରେ ଫିଲ୍ମ ମେକର୍ସ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଏହି ଫିଲ୍ମର ଘୋଷଣା କରିଛନ୍ତି । ନିର୍ମାତା ସୁପରଷ୍ଟାର ରାମ ଚରଣ ଏବଂ ସୁକୁମାରଙ୍କ ଏକ ଫଟୋ ସେୟାର କରିଥିଲେ । ଯେଉଁଥିରେ ସେମାନେ ପରସ୍ପରକୁ ଆଲିଙ୍ଗନ କରୁଥିବା ଦେଖିବାକୁ ମିଳିଛି । ଫଟୋ ସେୟାର କରି ନିର୍ମାତା କ୍ୟାପସନରେ ଲେଖିଛନ୍ତି ଯେ, 'ଦୁଇ ଶକ୍ତିଶାଳୀ ବ୍ୟକ୍ତିତ୍ୱ ପୁଣି ଏକ ବଡ ଚଳଚ୍ଚିତ୍ର ଆଣିବାକୁ ଯାଉଛନ୍ତି । ଅଭିନେତା ରାମ ଚରଣ ପୁଣିଥରେ ଭାରତୀୟ ସିନେମାକୁ ସରପ୍ରାଇଜ କରିବାକୁ ପ୍ରସ୍ତୁତ ଅଛନ୍ତି ।
ଫିଲ୍ମ ଘୋଷଣା ହେବା ମାତ୍ରେ ଉତ୍ସାହିତ ପ୍ରଶଂସକମାନଙ୍କ ଶୁଭେଚ୍ଛାରେ କମେଣ୍ଟ ବକ୍ସ ଭର୍ତ୍ତି ହୋଇଯାଇଥିଲା । ଜଣେ ଫ୍ୟାନ ଲେଖିଛନ୍ତି, 'ବହୁତ ଭଲ କମ୍ବୋ' । ଅନ୍ୟ ଜଣେ ଲେଖିଛନ୍ତି, 'ଅଲ ଦ ବେଷ୍ଟ ଟିମ' । ସେହିପରି ଅନେକ ଫ୍ୟାନ କମେଣ୍ଟ ବକ୍ସରେ ଫାୟାର ଏବଂ ହାର୍ଟ ଇମୋଜି ପୋଷ୍ଟ କରିଥିଲେ । କିଛି ଦିନ ପୂର୍ବେ ରାମ ଚରଣ ଜାନଭୀ କପୁରଙ୍କ ସହ ତାଙ୍କର ନୂଆ ଚଳଚ୍ଚିତ୍ର RC16ର ପୂଜା ସମାରୋହରୁ ଏକ ଚିତ୍ର ପୋଷ୍ଟ କରିଥିଲେ । ଏହି ଚଳଚ୍ଚିତ୍ରରେ ବୁଚି ବାବୁ ସାନା ନିର୍ଦ୍ଦେଶନା ଦେଉଛନ୍ତି । ରାମ ଚରଣଙ୍କ ସହ ଜାହ୍ନବୀ 'RC16' ଜରିଆରେ ପ୍ରଥମ ଥର ପାଇଁ ସ୍କ୍ରିନ ସେୟାର କରିବେ ।
ଏହା ମଧ୍ୟ ପଢନ୍ତୁ - ଜାହ୍ନବୀ-ରାମ ଚରଣଙ୍କ 'RC 16' ଫିଲ୍ମ ପାଇଁ ପୂଜାର୍ଚ୍ଚନା, ସାମିଲ ହେଲେ ଏହି ସେଲିବ୍ରିଟି
ଏହାରି ମଧ୍ୟରେ ରାମ ଚରଣ 'RC 15' ଏବଂ 'ଗେମ୍ ଚେଞ୍ଜର' ରିଲିଜକୁ ଅପେକ୍ଷା କରିଛନ୍ତି । ଯେଉଁଥିରେ ବଲିଉଡ ଅଭିନେତ୍ରୀ କିଆରା ଆଡଭାନୀ ତାଙ୍କ ସହ ସ୍କ୍ରିନ୍ ସେୟାର କରିବେ । ରାମ ଚରଣଙ୍କୁ ପୂର୍ବଥର ଏସଏସ ରାଜମୌଲିଙ୍କ 'ଆରଆରଆର'ରେ ଦେଖିବାକୁ ମିଳିଥିଲା । ଯେଉଁଥିରେ ତାଙ୍କ ସହ ଜୁନିଅର ଏନଟିଆର ଓ ଆଲିୟା ଭଟ୍ଟ ଥିଲେ । ଫିଲ୍ମକୁ ବିଶ୍ବ ସ୍ତରରେ ବହୁତ ପ୍ରଶଂସା ମିଳିଥିଲା । ଏଥିସହ ଫିଲ୍ମକୁ ଅନେକ ଅନ୍ତର୍ଜାତୀୟ ପୁରସ୍କାର ମଧ୍ୟ ମିଳିଥିଲା ।
