ହାଇଦ୍ରାବାଦ: 2024 ବର୍ଷ ଅଜୟ ଦେବଗନ୍ ପାଇଁ ଏକ ମିଶ୍ରିତ ବର୍ଷ ଥିଲା । ସେ ଚଳିତ ବର୍ଷ 'ସୈତାନ' ଫିଲ୍ମ ସହିତ ବକ୍ସ ଅଫିସରେ ଏଣ୍ଟ୍ରି କରିଥିଲେ । ପରେ 'ସିଙ୍ଘମ ଏଗେନ'ରେ ନଜର ଆସିଥିବା ବେଳେ ଏହା ଆଶା ଅନୁଯାୟୀ ବ୍ୟବସାୟ କରିନାହିଁ । ବର୍ତ୍ତମାନ ଅଜୟ ଦେବଗନ୍ 2025 ରେ ତାଙ୍କର ସବୁଠାରୁ ସଫଳ ଚଳଚ୍ଚିତ୍ର 'ରେଡ' ର ସିକ୍ୱେଲ୍ 'ରେଡ 2' ସହ ଫେରୁଛନ୍ତି । ଅନେକ ଥର ଫିଲ୍ମର ରିଲିଜ ସ୍ଥଗିତ ହେବା ପରେ ଫିଲ୍ମଟି ନୂଆ ରିଲିଜ୍ ତାରିଖ ପାଇଛି । ଜାଣନ୍ତୁ କେବେ ପରଦାକୁ ଆସିବ ଫିଲ୍ମ ?
ଏହି ଦିନ 'ରେଡ ୨' ରିଲିଜ୍ ହେବ
ଅଜୟ ଦେବଗନଙ୍କ 'ରେଡ ୨' ର କାହାଣୀ ଆୟକର ବିଭାଗ ଦ୍ୱାରା ପରିଚାଳିତ 'income tax' ରେଡ୍ ଉପରେ ଆଧାରିତ ହେବ। ଅଜୟ ଦେବଗନ୍ ପୁଣିଥରେ ଭାରତୀୟ ରାଜସ୍ୱ ସେବା (ଆଇଆରଏସ) ଅଧିକାରୀ ଆମି ପଟ୍ଟନାୟକଙ୍କ ଚରିତ୍ରରେ ଅଭିନୟ କରିବେ। ରାଜକୁମାର ଗୁପ୍ତାଙ୍କ ନିର୍ଦ୍ଦେଶିତ ଏହି ଅଜୟ ଦେବଗନ ଷ୍ଟାରର ଫିଲ୍ମ ପୂର୍ବରୁ ଆସନ୍ତା ବର୍ଷ ଫେବୃଆରୀ 21ରେ ରିଲିଜ ହେବାର ଥିଲା, କିନ୍ତୁ ବର୍ତ୍ତମାନ ଏହି କ୍ରାଇମ ଥ୍ରୀଲର ଫିଲ୍ମର ରିଲିଜ ତାରିଖ ବୃଦ୍ଧି କରାଯାଇଛି। ନିର୍ମାତା ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଏକ ନୂଆ ପୋଷ୍ଟର ରିଲିଜ କରି କହିଛନ୍ତି ଯେ ବର୍ତ୍ତମାନ 'ରେଡ୍ ୨' ମେ ମାସ 1 ତାରିଖରେ ରିଲିଜ ହେବ ।
ଏହି ତାରକା ଆସିବେ ନଜର
ଫିଲ୍ମର ପ୍ରଥମ ଭାଗରେ ଅଜୟ ଦେବଗନଙ୍କ ବିପକ୍ଷରେ ମୁଖ୍ୟ ଭୂମିକାରେ ଇଲିଆନା ଡି’କ୍ରୁଜ ନଜର ଆସିଥିବାବେଳେ ଭାନି କପୁର ଏହି ଚଳଚ୍ଚିତ୍ରର ଦ୍ୱିତୀୟ ଭାଗରେ ମୁଖ୍ୟ ଭୂମିକାରେ ଅଭିନୟ କରିବେ। ସେମାନଙ୍କ ବ୍ୟତୀତ ଏହି ଚଳଚ୍ଚିତ୍ରରେ ରିତେଶ ଦେଶମୁଖ, ସୌରଭ ଶୁକ୍ଲା ଏବଂ ରବି ତେଜାଙ୍କ ଭଳି ଅଭିନେତା ମଧ୍ୟ ନଜର ଆସିବେ । ଟି-ସିରିଜ୍ 'ଗୁଲଶାନ୍ କୁମାରଙ୍କ ଦ୍ବାରା ଏବଂ ପାନୋରାମା ପ୍ରଡକ୍ସନ ବ୍ୟାନରେ ନିର୍ମିତ ଚଳଚ୍ଚିତ୍ର ରେଡ ୨ ନିର୍ମାତ ହୋଇଛି । ଏହି ଫିଲ୍ମର ନିର୍ଦ୍ଦେଶନା ନିର୍ଦ୍ଦେଶକ କୁମାର ଗୁପ୍ତା ଦେଉଛନ୍ତି ।
ଏହା ମଧ୍ୟ ପଢନ୍ତୁ: 'ରେଡ ୨'ରେ ରୀତେଶ ଦେଶମୁଖଙ୍କ ଏଣ୍ଟ୍ରି, ଖଳନାୟକ ଭୂମିକାରେ ଆସିବେ ନଜର
'ରେଡ୍' ପ୍ରଥମ ଭାଗ ହୋଇଥିଲା ହିଟ୍
ଏହି ଚଳଚ୍ଚିତ୍ରର ପ୍ରଥମ ଭାଗ 'ରେଡ୍' 2018 ରେ ମୁକ୍ତିଲାଭ କରିଥିଲା । ଚଳଚ୍ଚିତ୍ରଟି କେବଳ ସମାଲୋଚକମାନଙ୍କଠାରୁ ଭଲ ପ୍ରତିକ୍ରିୟା ପାଇନାହିଁ, ବରଂ ବକ୍ସ ଅଫିସରେ ମଧ୍ୟ ଏହା ଏକ ସଫଳତା ହାସଲ କରିଥିଲା । ଏହି ଚଳଚ୍ଚିତ୍ର ଆଜୀବନ ବକ୍ସ ଅଫିସରେ 153.62 କୋଟି ଟଙ୍କା ଆୟ କରି ଲୋକପ୍ରିୟତା ସାଉଁଟିଥିଲା । ତେବେ ଦୀର୍ଘ ୬ ବର୍ଷ ପରେ ରେଡର ସିକ୍ବେଲ ନେଇ ପୁଣି ଧମାକା କରିବାକୁ ପ୍ରସ୍ତୁତ ଅଛନ୍ତି ଅଜୟ ଦେବଗନ ।
ବ୍ୟୁରୋ ରିପୋର୍ଟ, ଇଟିଭି ଭାରତ
