ହାଇଦ୍ରାବାଦ: 'ପୁଷ୍ପା 2: ଦ ରୁଲ' ରିଲିଜକୁ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଛନ୍ତି । ଏହି ସମୟରେ ନିର୍ମାତା ଫ୍ୟାନ୍ସଙ୍କ ପାଇଁ ଏକ ସରପ୍ରାଇଜ ରଖିଛନ୍ତି । ରିଲିଜର ଗୋଟିଏ ଦିନ ପୂର୍ବରୁ ଫ୍ୟାନ୍ସ ଉଠାଇପାରିନ୍ତି ଫିଲ୍ମ ଦେଖିବାର ମଜା । ତାହା ବି ମାଗାଣାରେ । ଆଜି (ଡିସେମ୍ବର 4) ରେ ହାଇଦ୍ରାବାଦରେ ଏକ ସ୍ପେଶାଲ ଫ୍ୟାନ୍ ଶୋ' ହେବାକୁ ଯାଉଛି । ଯେଉଁଥିରେ ଫ୍ୟାନ୍ସ ପରଦାରେଂ ରିଲିଜ ପୂର୍ବରୁ ଫିଲ୍ମ ମାଗଣାରେ ଦେଖିବାର ସୁଯୋଗ ପାଇବେ । ନିର୍ମାତା ସୋସିଆଲ ମିଡିଆରେ ଏନେଇ ସୂଚନା ଦେଇଛନ୍ତି ।
ରିଲିଜ ପୂର୍ବରୁ ମାଗଣାରେ ଫିଲ୍ମ ଦେଖିବେ ଫ୍ୟାନ୍ସ
ନିର୍ମାତାଙ୍କ ଦ୍ୱାରା ଇନଷ୍ଟାଗ୍ରାମରେ ସେୟାର କରାଯାଇଥିବା ପୋଷ୍ଟରେ ସ୍ପେଶାଲ ଶୋ' ବିଷୟରେ ତଥ୍ୟ ଦିଆଯାଇଛି ଏବଂ ଫ୍ୟାନ୍ସଙ୍କୁ 'ପୁଷ୍ପା 2' ମେଗା ପ୍ରତିଯୋଗିତାରେ ଭାଗ ନେବାକୁ ଆମନ୍ତ୍ରିତ କରାଯାଇଛି । ଯିଏ ଏହି ପ୍ରତିଯୋଗିତାରେ ବିଜେତା ହେବେ ସେମାନଙ୍କୁ ମାଗଣାରେ ଫିଲ୍ମ ଟିକେଟ୍ ଦିଆଯିବ । ତେବେ ଫ୍ୟାନ୍ସଙ୍କୁ ଉଲ୍ଲେଖିତ ୱେବସାଇଟ୍ ପରିଦର୍ଶନ କରିବାକୁ ପଡିବ ଏବଂ ଫିଲ୍ମ ସହିତ ଜଡିତ ଦୁଇଟି କୁଇଜ୍ ନେବାକୁ ପଡିବ: ଶ୍ରୀବଲ୍ଲି କୁଇଜ୍ ଏବଂ ପିଲିଙ୍ଗ୍ସ କୁଇଜ୍ ଭାଗ ନେବାକୁ ପଡିବ । ଏହି ପ୍ରତିଯୋଗିତା ଡିସେମ୍ବର 3 ଏବଂ 4 ରେ ଚାଲିବ ।
ହାଇଦ୍ରାବାଦରେ ସ୍ପେଶାଲ ଶୋ'
ଫ୍ୟାନ୍ସଙ୍କ ପାଇଁ ସୁବର୍ଣ୍ଣ ସୁଯୋଗ । ଡିସେମ୍ବର 4 ରେ ହାଇଦ୍ରାବାଦରେ ସ୍ୱତନ୍ତ୍ର ଫ୍ୟାନ୍ ଶୋ' ଅନୁଷ୍ଠିତ ହେବ । ଯେଉଁମାନେ ଏହି ଦୁଇଟି କୁଇଜ୍ ପ୍ରତିଯୋଗିତାରେ ଜିତନ୍ତି ସେମାନେ ଡିସେମ୍ବର 5 ରେ ଏହାର ଅଫିସିଆଲ୍ ରିଲିଜ୍ ପୂର୍ବରୁ ଅର୍ଥାତ୍ ଆଜି ଫିଲ୍ମ ଦେଖିବାର ଏକ ଅନନ୍ୟ ସୁଯୋଗ ପାଇବେ । ଯାହା ଆଜି ରାତି 9.30ରେ ହେବ । ଏହି ସମୟରେ ବିଜେତା ଫ୍ୟାନ୍ସ ମାଗଣାରେ ଫିଲ୍ମ ଦେଖିବାରୁ ମଜା ଉଠାଇପାରିବେ ।
'ପୁଷ୍ପା 2' ଆଡଭାନ୍ସ ବୁକିଂ
'ପୁଷ୍ପା 2' ଆଡଭାନ୍ସ ବୁକିଂରେ ମଧ୍ୟ ବମ୍ପର କଲେକ୍ସନ କରି ରେକର୍ଡ ସୃଷ୍ଟି କଲାଣି । ଫିଲ୍ମର ଆଡଭାନ୍ସ ବୁକିଂ ଭାରତରେ 60 କୋଟି ଟଙ୍କା ଅତିକ୍ରମ କରି RRR ପରି ବ୍ଲକବଷ୍ଟର ଚଳଚ୍ଚିତ୍ରର ଆଡଭାନ୍ସ ବୁକିଂ ସଂଖ୍ୟା ପାର୍ କରିସାରିଛି । 'ଆରଆରଆର' 58.73 କୋଟି ଟଙ୍କା ରେକର୍ଡ କରିଥିଲା । କେବଳ ଏତିକି ନୁହେଁ 'ପୁଷ୍ପା 2' ବାହୁବଲୀ ୨' ଏବଂ 'କେଜିଏଫ୍: ୨' କୁ ପଛରେ ପକାଇ ବୁକ୍ ମାଇ ଶୋ’ରେ 1 ମିଲିୟନ୍ ଟିକେଟ୍ ବିକ୍ରି କରି ନୂଆ ରେକର୍ଡ କରିଛି । ସେହିପରି ବିଶ୍ୱରେ 'ପୁଷ୍ପା 2' ଆଡଭାନ୍ସ ବୁକିଂ 100 କୋଟି ପାର୍ କରିଛି ।
ଏହା ମଧ୍ୟ ପଢନ୍ତୁ: ରିଲିଜ ପୂର୍ବରୁ 'ପୁଷ୍ପା 2' ରେକର୍ଡ; ଆଡାଭାନ୍ସ ବୁକିଂରେ ଛାପିଲାଣି 100 କୋଟି, 'କଲ୍କି'କୁ ପକାଇଲା ପଛରେ
'ପୁଷ୍ପା ୨' ଫିଲ୍ମ ବିଷୟରେ କହିବାକୁ ଗଲେ, ସୁକୁମାରନଙ୍କ ନିର୍ଦ୍ଦେଶିତ ଚଳଚ୍ଚିତ୍ର 'ପୁଷ୍ପା ୨' 'ପୁଷ୍ପା: ଦ ରାଇଜ'ର ସିକ୍ବେଲ ଅଟେ । ଯାହା 2021 ଡିସେମ୍ବରରେ ମୁକ୍ତିଲାଭ କରିବା ପରେ ବକ୍ସ ଅଫିସ୍ରେ ଧମାକା କରିଥିଲା । ଏହି ଚଳଚ୍ଚିତ୍ର ବେଶ ଲୋକପ୍ରିୟତା ହାସଲ କରିବା ସହ ବ୍ଲକବ୍ଲଷ୍ଟର ହୋଇଥିଲା । ତେବେ ପ୍ରଥମ ଭାଗ ପରି 2ୟ ଭାଗରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା, ଫାହାଦ୍ ଫାସିଲ, ସୁନୀଲ, ଅଜୟ, ରାଓ ରମେଶ, ଅନାସୁୟା ଏବଂ ଅନ୍ୟ କଳାକାର ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
