ହାଇଦ୍ରାବାଦ: ଅଲ୍ଲୁ ଅର୍ଜୁନଙ୍କ ଅଭିନୀତ ଚଳଚ୍ଚିତ୍ର 'ପୁଷ୍ପା 2' ଆଉ ଏକ ରେକର୍ଡ ନିଜ ନାଁରେ କରିଛି । ଦିନକୁ ଦିନ ଫିଲ୍ମ ର କ୍ରେଜରେ ଲାଗୁନି ବ୍ରେକ । ଲୋକେ ଫିଲ୍ମକୁ ବେଶ ପସନ୍ଦ କରୁଥିବା ବେଳେ ଥିଏଟରରେ ଜମୁଛି ଭିଡ଼ । ଫିଲ୍ମ ମୋଟା ଅଙ୍କର ଆୟ କରି ସାରା ବିଶ୍ୱ ବକ୍ସ ଅଫିସରେ ନୂଆ ରେକର୍ଡ ସହ ସଫଳତା ହାସଲ କରିଛି । ବର୍ତ୍ତମାନ 'ପୁଷ୍ପା 2' ଘରୋଇ ବକ୍ସ ଅଫିସରେ 1000 କୋଟି ଟଙ୍କା କଲେକ୍ସନ କରିଛି। 'ବାହୁବଲୀ 2' ପରେ 'ପୁଷ୍ପା 2' ଭାରତୀୟ ସିନେମାର ଦ୍ୱିତୀୟ ଚଳଚ୍ଚିତ୍ର ହୋଇପାରିଛି।
ସର୍ବାଧିକ ଆୟ କରିଥିବା 2ୟ ଫିଲ୍ମ ବନିଲା 'ପୁଷ୍ପା 2'
ସାକନିକଙ୍କ ରିପୋର୍ଟ ଅନୁଯାୟୀ, 'ପୁଷ୍ପା 2' 16 ଦିନରେ 13.75 କୋଟି ଟଙ୍କା ଆୟ କରିଛି। ଏଥି ସହ 'ପୁଷ୍ପା ୨' ପୁଣି ଥରେ ହିନ୍ଦୀରେ ଅଧିକ ବ୍ୟବସାୟ କରିଛି। 'ପୁଷ୍ପା 2' 16 ତମ ଦିନରେ ତେଲୁଗୁ ଭାଷାରେ 2.4 କୋଟି, ହିନ୍ଦୀରେ 11 କୋଟି, ତାମିଲରେ 0.3 କୋଟି, କର୍ଣ୍ଣାଟକରେ 0.3 କୋଟି ଏବଂ କେରଳରେ 0.3 କୋଟି ଟଙ୍କା ଆୟ କରିଛି। ଏହା ସହିତ ଘରୋଇ ବକ୍ସ ଅଫିସରେ ଫିଲ୍ମର ରୋଜଗାର 1004.85 କୋଟିରେ ପହଞ୍ଚିଛି। ସେହିପରି ବିଶ୍ୱରେ 1550 କୋଟି ପାଖାପାଖି ଆୟ କରିଛି । ଏହିପରି ପୁଷ୍ପା ୨ ଭାରତରେ 1000 କୋଟି କମାଇଥିବା ଦ୍ୱିତୀୟ ଫିଲ୍ମ ହୋଇପାରିଛି ।
'ପୁଷ୍ପା ୨' କଲେକ୍ସନ:
- ପ୍ରିଭ୍ୟୁ ଶୋ'- 10.65 କୋଟି
- ପ୍ରଥମ ଦିନ - 164.25 କୋଟି
- ଦ୍ୱିତୀୟ ଦିନ- 93.8 କୋଟି
- ତୃତୀୟ ଦିନ- 119.25 କୋଟି
- ଚତୁର୍ଥ ଦିନ- 141.5 କୋଟି
- ପଞ୍ଚମ ଦିନ- 64.45 କୋଟି
- ଷଷ୍ଠ ଦିନ- 51.55 କୋଟି
- ସପ୍ତମ ଦିନ- 42 କୋଟି
- ଅଷ୍ଟମ ଦିନ- 37.45 କୋଟି
- ନବମ ଦିନ- 36.3 କୋଟି
- ଦଶମ ଦିନ- 63.3 କୋଟି
- ଏକାଦଶ ଦିନ- 76.6 କୋଟି
- ଦ୍ୱାଦଶ ଦିନ- 26.95 କୋଟି
- ତ୍ରୟୋଦଶ ଦିନ: 24.25 କୋଟି
- ଚତୁର୍ଦ୍ଦଶ ଦିନ- 20.55କୋଟି
- ପଞ୍ଚଦଶ ଦିନ- 17.75 କୋଟି
- 16ତମ ଦିନ- 13.75 କୋଟି
ମୋଟ କଲେକ୍ସନ- 1000.4 କୋଟି
'ବାହୁବଲୀ 2'ରେ ଭାଙ୍ଗିବ ରେକର୍ଡ
'ପୁଷ୍ପା 2' ଡିସେମ୍ବର 5 ରେ ମୁକ୍ତିଲାଭ କରିଥିଲା ଏବଂ ଫିଲ୍ମ ରିଲିଜ୍ ହେବାର 16 ଦିନ ପୂରଣ କରିଛି । ଆଜି, 21 ଡିସେମ୍ବରରେ, ଫିଲ୍ମ ରିଲିଜର 17 ତମ ଦିନରେ ଏବଂ ତୃତୀୟ ସପ୍ତାହ ଶେଷରେ ପହଞ୍ଚିଛି । ଏଥି ସହିତ ପୁଷ୍ପା 2 ତୃତୀୟ ସପ୍ତାହ ଶେଷରୁ ବାହୁବଲୀ 2 ର ଘରୋଇ ରୋଜଗାର (1030 କୋଟି) ରେକର୍ଡ ଭାଙ୍ଗିବାକୁ ଯାଉଛି । 2017 ରେ ମୁକ୍ତିଲାଭ କରିଥିବା ଏସ ଏସ ରାଜାମୌଲି ଏବଂ ପ୍ରଭାସଙ୍କ ଫିଲ୍ମ 'ବାହୁବଲୀ ୨' ଭାରତରେ ସର୍ବାଧିକ ଆୟକାରୀ ରେକର୍ଡ ବଜାୟ ରଖିଛି। 'ବାହୁବଲୀ 2' ଭାରତରେ 1030 କୋଟି ଟଙ୍କା ବ୍ୟବସାୟ କରି ସାରା ବିଶ୍ୱରେ 1800 କୋଟି ଟଙ୍କା ରୋଜଗାର କରିଥିଲା। ବର୍ତ୍ତମାନ ପୁଷ୍ପା ୨ ଏହି ଚଳଚ୍ଚିତ୍ରର ରେକର୍ଡ ଭାଙ୍ଗି ଭାରତର ସର୍ବାଧିକ ଆୟ କରିଥିବା ଚଳଚ୍ଚିତ୍ର ହେବ ବୋଲି ଆଶା କରାଯାଉଛି ।
ଏହା ମଧ୍ୟ ପଢନ୍ତୁ: ଜେଲରୁ ମୁକୁଳିବା ପରେ ଅଲ୍ଲୁ ଅର୍ଜୁନଙ୍କ ପ୍ରତିକ୍ରିୟା, 'ଯାହା ଘଟିଲା ତାହା ପାଇଁ...'
ବ୍ୟୁରୋ ରିପୋର୍ଟ, ଇଟିଭି ଭାରତ
