ହାଇଦ୍ରାବାଦ: ସାଉଥ ସୁପରଷ୍ଟାର ପ୍ରଭାସ ଏବଂ ଅଲ୍ଲୁ ଅର୍ଜୁନଙ୍କୁ ପରଦାରେ ଦେଖିବାକୁ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଛନ୍ତି । ପ୍ରଭାସ ଫିଲ୍ମ 'କନ୍ନପା' ସହ ଫେରୁଥିବା ବେଳେ ଅଲ୍ଲୁ ଅର୍ଜୁନ 'ପୁଷ୍ପା 2' ସହ ନଜର ଆସିବାକୁ ଯାଉଛନ୍ତି । ନିକଟରେ 'କନ୍ନପା'ରେ ପ୍ରଭାସଙ୍କ ଏଣ୍ଟ୍ରି ନେଇ ସୂଚନା ଦିଆଯାଇଥିବା ବେଳେ ଗତକାଲି 'ପୁଷ୍ପା 2' ଟ୍ରେଲର ରିଲିଜ ତାରିଖ ଘୋଷଣା କରିଛନ୍ତି ନିର୍ମାତା । ତେବେ ଏହାରି ମଧ୍ୟରେ ବର୍ତ୍ତମାନ ଉଭୟ ଷ୍ଟାରର ଫିଲ୍ମ ସେଟରୁ ଫଟୋ ଲିକ୍ ହୋଇଛି । ଯେଉଁଥିରେ ପ୍ରଭାସ ଏବଂ ଅଲ୍ଲୁ ଅର୍ଜୁନଙ୍କ ଲୁକ ଦେଖି ଫ୍ୟାନ୍ସ ଉତ୍ସାହିତ ହୋଇଛନ୍ତି ।
Leaked pic from pushpa2 item song #Pushpa2TheRuleTrailer#AlluArjun𓃵 and #sreeleela pic.twitter.com/MI5HLv9eQ0
— Asha (@I_am_Asha16) November 8, 2024
'କନ୍ନପା' ସେଟରୁ ପ୍ରଭାସଙ୍କ ଫଟୋ ଲିକ୍
ଖୁବଶୀଘ୍ର 'କନ୍ନପା'ରେ ନଜର ଆସିବେ ପ୍ରଭାସ । ତେବେ 'କନ୍ନପା' ସେଟରୁ ପ୍ରଭାସଙ୍କ ଫଟୋ ଲିକ୍ ହୋଇଛି । ଲିକ୍ ହୋଇଥିବା ଏହି ଫଟୋରେ ପ୍ରଭାସଙ୍କୁ ରୁଦ୍ର ଅବତାରରେ ଦେଖିବାକୁ ମିଳିଥିଲା । ସେ ଗଳାରେ ରୁଦ୍ରାକ୍ଷ ମାଳା ଏବଂ ମଥାରେ ଭସ୍ମ ଲଗାଇଥିବା ବେଳେ ଏହି ଲୁକ ଫଟୋ ଏବେ ସୋସିଆଲ ମିଡିଆରେ ଖୁବ ଭାଇରାଲ ହୋଇଥିଲା । ଯାହା ପରେ ଫିଲ୍ମର ଟିମ୍ ଫଟୋ ହଟାଇବାକୁ ଅନୁରୋଧ କରିବା ସହ ଭାଇରାଲ ନ କରିବାକୁ କହିଛନ୍ତି ।
ଏହା ମଧ୍ୟ ପଢନ୍ତୁ: 'କନ୍ନପା' ନୂଆ ପୋଷ୍ଟର ଆଉଟ୍; ସୁଟିଂ ଆରମ୍ଭ କଲେ ପ୍ରଭାସ
'କନ୍ନପା' କାହାଣୀ ବିଷୟରେ କହିବାକୁ ଗଲେ, 'କନ୍ନପ୍ପା' ହେଉଛି ବିଷ୍ଣୁ ମାଞ୍ଚୁଙ୍କ ଡ୍ରିମ ପ୍ରୋଜେକ୍ଟ, ଯାହାକୁ ନିର୍ଦ୍ଦେଶକ ମୋହନ କୁମାର ସିଂ ନିର୍ଦ୍ଦେଶନା ଦେଇଛନ୍ତି । ଏଭିଏ ଏଣ୍ଟରଟେନମେଣ୍ଟ ଏବଂ 24 ଫ୍ରେମ୍ ଫ୍ରେକ୍ଟ୍ରି ଦ୍ୱାରା ଏହି ଫିଲ୍ମ ନିର୍ମିତ ହୋଇଥିବା ବେଳେ ପାରଚୁରୀ ଗୋପାଳ କୃଷ୍ଣ, ଇଶ୍ୱର ରେଡ୍ଡୀ, ଜି ନାଗେଶ୍ୱର ରେଡ୍ଡୀ ଏବଂ ଥୋଟା ପ୍ରସାଦଙ୍କ କାହାଣୀ ଉପରେ ଆଧାରିତ । ଏହି ଚଳଚ୍ଚିତ୍ରରେ ପ୍ରଭାସଙ୍କ ବ୍ୟତୀତ ମୋହନଲାଲ, ବିଷ୍ଣୁ ଏବଂ ତାଙ୍କ ପିତା ଅଭିନେତା ମୋହନ ବାବୁଙ୍କ ବ୍ୟତୀତ ପ୍ରଭୁ ଦେବା, ଶିବ ରାଜକୁମାର, ମାଧୁ, ସରଥକୁମାର, ବ୍ରହ୍ମାନନ୍ଦ, ମୁକେଶ ଋଷି, କୌଶଲ ମାନ୍ଦା, ବଲିଉଡ ଅଭିନେତା ଅକ୍ଷୟ କୁମାର ଏବଂ ଅନ୍ୟ ପ୍ରମୁଖ ତାରକାଙ୍କୁ ମଧ୍ୟ ଦେଖିବାକୁ ମିଳିବ ।
ଏହା ମଧ୍ୟ ପଢନ୍ତୁ: 'ପୁଷ୍ପା 2' ନୂଆ ରିଲିଜ ଡେଟ୍ ଘୋଷଣା, ଏହି ଦିନ ପରଦାକୁ ଆସିବ ଫିଲ୍ମ
'ପୁଷ୍ପା 2' ସେଟରୁ ଅଲ୍ଲୁ ଅର୍ଜୁନଙ୍କ ଫଟୋ ଲିକ୍
ସେହିପରି 'ପୁଷ୍ପା 2' ସେଟରୁ ମଧ୍ୟ ଅଲ୍ଲୁ ଅର୍ଜୁନଙ୍କ ଫଟୋ ଲିକ୍ ହୋଇଛି । ଯେଉଁଥିରେ ଶ୍ରୀଲିଲାଙ୍କ ସହ ନଜର ଆସିଛନ୍ତି ଅଲ୍ଲୁ ଅର୍ଜୁନ । ଏଥିରେ ଶ୍ରୀଲିଲା ବ୍ଲାକ ରଙ୍ଗର ାଉଟଫିଟରେ ନଜର ଆସିଥିବା ବେଳେ ଅଲ୍ଲୁ ଅର୍ଜୁନ ଅରେଞ୍ଜ ରଙ୍ଗର ଡ୍ରେସରେ ନଜର ଆସିଛନ୍ତି । ତେବେ ଉଭୟ ଆଇଟମ ଗୀତ ରେକର୍ଡ କରୁଥିବା କୁହାଯାଉଛି । ଏବେ ଏହି ଫଟୋ ସୋସିଆଲ ମିଡିଆରେ ଖୁବ ବାଇରାଲ ହେବାରେ ଲାଗିଛି । ଲୋକେ ବୋଶ ପସନ୍ଦ କରିବା ସହ ଫିଳ୍ମକୁ ନେଇ ବେଶ ଉତ୍ସାହିତ ହୋଇଛନ୍ତି ।
'ପୁଷ୍ପା 2' କେବେ ରିଲିଜ ହେବ ?
ସୂଚନା ଥାଉ କି, 'ପୁଷ୍ପା 2' ଏହି ଫିଲ୍ମର ଟ୍ରେଲର ନଭେମ୍ୱର 15ରେ ରିଲିଜ ହେବାକୁ ଥିବା ବେଳେ ଫିଲ୍ମ ସାରା ବିଶ୍ୱରେ ଆସନ୍ତା ମାସ ଡିସେମ୍ୱର 5ରେ ପରଦାକୁ ଆସିବ । ଏହି ଫିଲ୍ମ 'ପୁଷ୍ପା: ଦ ରାଇଜ'ର ସିକ୍ବେଲ ଅଟେ । ପ୍ରଥମ ଭାଗ ପରି 2ୟ ଭାଗରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା, ଫାହାଦ୍ ଫାସିଲ, ସୁନୀଲ, ଅଜୟ, ରାଓ ରମେଶ, ଅନାସୁୟା ଏବଂ ଅନ୍ୟ କଳାକାର ନଜର ଆସିବେ । ଅଲ୍ଲୁ ଅର୍ଜୁନ 69 ତମ ଜାତୀୟ ଚଳଚ୍ଚିତ୍ର ପୁରସ୍କାରରେ 'ପୁଷ୍ପା' ପାଇଁ ଶ୍ରେଷ୍ଠ ଅଭିନେତା ଭାବେ ପୁରସ୍କୃତ ହୋଇଛନ୍ତି । ତେବେ ଏହି ଫିଲ୍ମ ମଧ୍ୟ ପ୍ରଥମ ଭାଗ ପରି ସଫଳତା ହାସଲ କରିବ ବୋଲି ଆଶା କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
