ହାଇଦ୍ରାବାଦ: ପାନ ଇଣ୍ଡିଆ ସୁପରଷ୍ଟାର ପ୍ରଭାସ ତାଙ୍କର ବର୍ତ୍ତମାନର ବ୍ଲକବଷ୍ଟର 'କଲ୍କି 2898AD'ର ସଫଳତାକୁ ଉପଭୋଗ କରୁଛନ୍ତି । ଏହି ଫିଲ୍ମ ବିଶ୍ୱ ବକ୍ସ ଅଫିସରେ ୧୧୦୦କୋଟିରୁ ଅଧିକ ଆୟ କରିଥିବା ବେଳେ ବର୍ତ୍ତମାନ ଫିଲ୍ମ ରିଲିଜର ମାସେ ପରେ ବି ଥିଏଟରରେ ଜାରି ରହିଛି । ଏହାରି ମଧ୍ୟରେ ବର୍ତ୍ତମାନ ପ୍ରଭାସଙ୍କ ନୂଆ ଫିଲ୍ମ 'ରାଜା ସାବ'ର ପୋଷ୍ଟର ରିଲିଜ ହୋଇଛି । ନିର୍ମାତା ଏହି ପୋଷ୍ଟର ରିଲିଜ କରି ଟିଜର ରିଲିଜ ତାରିଖ ଘୋଷଣା କରିଛନ୍ତି ।
Vare Vare Vare Vare Vachesadu Raja Saab 🥁🥁
— The RajaSaab (@rajasaabmovie) July 28, 2024
The beloved darling we all cherish is coming back... Inka Shake ey 🕺🕺#TheRajaSaab 𝐅𝐀𝐍 𝐈𝐍𝐃𝐈𝐀 𝐆𝐋𝐈𝐌𝐏𝐒𝐄 tomorrow at 5:03PM 🔥🔥
#Prabhas @DirectorMaruthi pic.twitter.com/rEKmwAB4Os
ଏହି ଦିନ ଆସିବ 'ରାଜା ସାବ' ଟିଜର
ନିର୍ମାତାମାନେ ପ୍ରଭାସଙ୍କ ଏକ ଷ୍ଟାଇଲିସ୍ ଲୁକ ପୋଷ୍ଟର ରିଲିଜ କରିଛନ୍ତି । ପୋଷ୍ଟରରେ ସେ ଫୁଲରେ ସଜାଯାଇଥିବା ଏକ ପୁରୁଣା କାର ଆଡକୁ ଦେଖୁଥିବା ସହ ମେରୁନ ରଙ୍ଗର ଜ୍ୟାକେଟ୍ ଏବଂ ଚଷମା ପିନ୍ଧିଥିବାର ନଜର ଆସିଛନ୍ତି । ପୋଷ୍ଟର ସେୟାର କରି ନିର୍ମାତା ଲେଖିଛନ୍ତି, ରାଜା ସାବାଙ୍କର ପ୍ରଥମ ଝଲକ ଜୁଲାଇ ୨୯ରେ ସନ୍ଧ୍ୟା ୫.୦୩ରେ ରିଲିଜ୍ ହେବ । ଏହାର ଅର୍ଥ ଫିଲ୍ମର ପ୍ରଥମ ଟିଜର ଆସନ୍ତାକାଲି ଅପରାହ୍ନ ୫ଟା ସମୟରେ ରିଲିଜ ହେବ ।
ଏହି ନିର୍ଦ୍ଦେଶକ ଦେବେ ନିର୍ଦ୍ଦେଶନା
'ଦ ରାଜା ସାବ' ଫିଲ୍ମର ନିର୍ଦ୍ଦେଶନା ଦେବେ ସାଉଥର ଲୋକପ୍ରିୟ ନିର୍ଦ୍ଦେଶକ ମାରୁତି । ସେ ଫିଲ୍ମର ନିର୍ଦ୍ଦେଶନା ଦେବା ସହ ଫିଲ୍ମର କାହାଣୀ ମଧ୍ୟ ସେ ହିଁ ଲେଖିଛନ୍ତି । ସେହିପରି ଏହି ଫିଲ୍ମର ମ୍ୟୁଜିକ ଜାତୀୟ ପୁରସ୍କାର ବିଜେତା ଥମନ ଏସ ପ୍ରସ୍ତୁତ କରିବେ ଏବଂ ଫିଲ୍ମର ନିର୍ମାତା ଅଟନ୍ତି ଟିଜି ବିଶ୍ବ ପ୍ରସାଦ । ଏଥିସହ ଏହି ଫିଲ୍ମ ହିନ୍ଦୀ, ତେଲୁଗୁ, ତାମିଲ, କନ୍ନଡ଼ ଏବଂ ମାଲାୟାଲମ ଭାଷାରେ ରିଲିଜ ହେବ ବୋଲି ଜଣାପଡିଛି ।
ପ୍ରଭାସଙ୍କୁ ଫିଲ୍ମରେ ଏକ ଖାସ୍ ଲୁକରେ ଦେଖିବାକୁ ମିଳିବ
ମାରୁତିଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ଚମତ୍କାର VFX ସହ ଏକ ହରର-କମେଡି ଫିଲ୍ମ ଅଟେ । ଏହି ମଜାଳିଆ ଚଳଚ୍ଚିତ୍ରରେ ପ୍ରଭାସ ଏକ ଭିନ୍ନ ଅନ୍ଦାଜରେ ନଜର ଆସିବେ । ପ୍ରଭାସଙ୍କ ବ୍ୟତୀତ ମାଲଭିକା ମୋହନାନ ଏବଂ ନିଧି ଅଗ୍ରୱାଲ ଏଥିରେ ମୁଖ୍ୟ ଭୂମିକାରେ ଅଭିନୟ କରିବେ ବୋଲି କୁହାଯାଉଛି । ଏକାଧିକ ଭାଷାରେ ମୁକ୍ତିଲାଭ କରୁଥିବା ଏହି ଚଳଚ୍ଚିତ୍ର ୨୦୨୫ ଆରମ୍ଭରେ ମୁକ୍ତିଲାଭ କରିବ । ତେବେ ଫିଲ୍ମକୁ ନେଇ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଛନ୍ତି ।
ଏହା ମଧ୍ୟ ପଢନ୍ତୁ: ମକର ସଂକ୍ରାନ୍ତିରେ ଫ୍ୟାନ୍ସଙ୍କୁ ଭେଟି, ନୂଆ ଫିଲ୍ମ ଘୋଷଣା କଲେ ପ୍ରଭାସ
ବ୍ୟୁରୋ ରିପୋର୍ଟ, ଇଟିଭି ଭାରତ
