ଲସ ଆଞ୍ଜେଲସ: ଏକାଡେମୀ ପୁରସ୍କାର, ଓସ୍କାର ନାମରେ ମଧ୍ୟ ଜଣାଶୁଣା । ଏକ ଚଳଚ୍ଚିତ୍ର ପୁରସ୍କାର ସମାରୋହ ଯାହା କେବଳ ବିଜେତାମାନଙ୍କ ପାଇଁ ନୁହେଁ ବରଂ ଅନେକ କାରଣରୁ ଚର୍ଚ୍ଚାରେ ରହିଥାଏ । ଚାପୁଡ଼ା ମାରିବା ଘଟଣା ହେଉ କିମ୍ବା ସେଲଫି ହେଉ, ଅନେକ ଅଦ୍ଭୁତ ଜିନିଷ ଓସ୍କାର ପୁରସ୍କାରରେ ଲୋକଙ୍କ ଦୃଷ୍ଟି ଆକର୍ଷଣ କରିଥାଏ । ଚଳିତ ବର୍ଷ ଏକାଡେମୀ ପୁରସ୍କାରରେ ମଧ୍ୟ ସମାନ ଘଟଣା ଦେଖିବାକୁ ମିଳିଛି । ୯୬ତମ ଓସ୍କାର ପୁରସ୍କାର ଶୋ'ରେ WWE ରେସଲର ତଥା ଅଭିନେତା ଜନ ସିନା ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି । ସେ ଫିଲ୍ମ ପି.କେରେ ଆମୀର ଖାନଙ୍କ ପରି ଓସ୍କାର ପୁରସ୍କାର ମଞ୍ଚରେ ଜନ୍ ସିନାଙ୍କୁ ବିନା ପୋଷାକରେ ନଜର ଆସିଛନ୍ତି । ଯାହାର ଭିଡିଓ ଏବେ ଖୁବ ଭାଇରାଲ ହେଉଛି ।
ଶ୍ରେଷ୍ଠ ପୋଷାକ ଡିଜାଇନ ବର୍ଗରେ ପୁରସ୍କାର ଉପସ୍ଥାପନ କରିବାକୁ ଜିମି କିମେଲ ଜନ୍ ସିନାଙ୍କୁ ଆମନ୍ତ୍ରଣ କରିଥିଲେ । ଜନ ସିନା ମଞ୍ଚକୁ ଆସିବା ପୂର୍ବରୁ ଜିମି କିମେଲ ଏକ ୫୦ ବର୍ଷ ପୁରୁଣା ଇତିହାସକୁ ମନେ ପକାଇଥିଲେ । ସେ କହିଥିଲେ ଯେ, ପୂର୍ବରୁ ଜଣେ ବ୍ୟକ୍ତି ଓସ୍କାର ସମୟରେ ଉଲଗ୍ନ ହୋଇ ଆସିଥିଲେ । ଆଜି ସେହି ଇତିହାସ ପୁଣି ହୋଦରିବାକୁ ଯାଉଛି । ଏହି ସମୟରେ ଜନ ସିନା ଏଣ୍ଟ୍ରି କରନ୍ତି । ବିନା ପୋଷାକରେ ନଜର ଆସନ୍ତି ଜନ ସିନା ।
ବିନା ପୋଷାକରେ ମଞ୍ଚରେ ଜନ୍ ସିନାଙ୍କୁ ଦେଖି ସମସ୍ତେ ହସିବାକୁ ଲାଗନ୍ତି । ଏହା ପରେ ଜନ ସିନା ପୋଷାକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି ଏବଂ ଶ୍ରେଷ୍ଠ ପୋଷାକ ଡିଜାଇନ ପାଇଁ ପୁରସ୍କାର ପ୍ରଦାନ କରନ୍ତି । ତେବେ ଜନ ସିନାଙ୍କ ଏହି ନ୍ୟୁଡ ଲୁକ ଫଟୋ ଏବଂ ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେଉଛି । ଲୋକେ ଏହାକୁ ଖୁବ ପସନ୍ଦ କରିଛନ୍ତି ।
ଏହା ମଧ୍ୟ ପଢନ୍ତୁ: ଓସ୍କାର ୨୦୨୪: 'ଓପେନହାଇମର-ପୋର୍ ଥିଙ୍ଗସ'ର ଜଲୱା, ଦେଖନ୍ତୁ ବିଜେତାଙ୍କ ସମ୍ପୂର୍ଣ୍ଣ ତାଲିକା
କହିରଖୁଛୁ କି, ଶ୍ରେଷ୍ଠ ପୋଷାକ ଡିଜାଇନ୍ ପାଇଁ 'ପୋର ଥିଙ୍ଗସ' ଓସ୍କାର ଜିତିଛି । ଏଥିସହ ହେଆର ଷ୍ଟାଇଲ ଏବଂ ମେକଅପ୍, ପ୍ରଡକ୍ସନ୍ ଡିଜାଇନ୍ ଏବଂ ପୋଷାକ ପାଇଁ କ୍ରମାଗତ ଦୁଇଟି ବିଜୟ ସହ ଏହି ଚଳଚ୍ଚିତ୍ରଟି ୪ଟି ଓସ୍କାର ପୁରସ୍କାର ନିଜ ନାଁରେ କରିଛି । ସେହିପରି ଖ୍ରୀଷ୍ଟୋଫର ନୋଲାନଙ୍କ ନିର୍ଦ୍ଦେଶିତ ଫିଲ୍ମ 'ଓପେନହାଇମର' ମୋଟ ୭ଟି ଆୱାର୍ଡ ନିଜ ନାଁରେ କରିଛି ।
