ହାଇଦ୍ରାବାଦ: ବଲିଉଡର ଲୋକପ୍ରିୟ ଦମ୍ପତିଙ୍କ ମଧ୍ୟରେ ଆଲିଆ ଭଟ୍ଟ ଏବଂ ରଣବୀର କପୁରଙ୍କ ଯୋଡ଼ି ଅନ୍ୟତମ । ଉଭୟ 14 ଏପ୍ରିଲ 2022ରେ ବିବାହ କରିଥିବା ବେଳେ ରଣବୀର, ଆଲିଆ ଆଜି ସେମାନଙ୍କର ଦ୍ୱିତୀୟ ବିବାହ ବାର୍ଷିକୀ ପାଳନ କରୁଛନ୍ତି । ଏହି ଅବସରରେ ବର୍ତ୍ତମାନ ଅଭିନେତ୍ରୀ ନୀତୁ କପୁର ପୁଅ ଏବଂ ବୋହୂଙ୍କୁ ବିବାହ ବାର୍ଷିକୀ ଶୁଭକାମନା ଜଣାଇଛନ୍ତି ।
ନୀତୁ କପୁର ନିଜ ଇନଷ୍ଟାଗ୍ରାମ ଷ୍ଟୋରୀରେ ଏହି ଦମ୍ପତିଙ୍କର ଏକ ଫଟୋ ସେୟାର କରି ଉଭୟଙ୍କୁ ଶୁଭକାମନା ଜଣାଇଛନ୍ତି । ଏହି ଫଟୋରେ ରଣବୀର କପୁର ଏବଂ ଆଲିଆ ଭଟ୍ଟ ପୂଜା କରୁଥିବା ନଜର ଆସିଛନ୍ତି । ଉଭୟ ବେଶ ଖୁସି ଥିବା ଦେଖିବାକୁ ମିଳିଛି । ଏହା ସେୟାର କରି ସେ କ୍ୟାପସନରେ ଲେଖା ଅଛି- 'ଆଶୀର୍ବାଦ' । କହିରଖୁଛୁ କି, ଏହି ଫଟୋଟି ଷ୍ଟାର ଦମ୍ପତିଙ୍କ ବିବାହ ସମାରୋହର ଅଟେ ।
ସୂଚନା ଥାଉ କି, ଏପ୍ରିଲ୍ 14, 2022ରେ ଆଲିଆ ଏବଂ ରଣବୀର କପୁର ଗ୍ରାଣ୍ଡ ୱେଡିଂ କରିଥିଲେ । ଏହି ଦମ୍ପତିଙ୍କ ବିବାହ କାର୍ଯ୍ୟ ତିନି ଦିନ ଧରି ଚାଲିଥିଲା । ପରିବାର, ସାଙ୍ଗସାଥୀ ଏବଂ ସମ୍ପର୍କୀୟଙ୍କ ଉପସ୍ଥିତିରେ ଏହି ଦମ୍ପତି ବିବାହ କରିଥିଲେ । ବିବାହର ଅଢେଇ ମାସ ପରେ ଜୁନ୍ ମାସରେ ସୋସିଆଲ ମିଡିଆରେ ସେମାନଙ୍କ ପ୍ରଶଂସକଙ୍କ ସହ ପିତାମାତା ହେବାର ଖୁସି ଖବର ସେୟାର କରିଥିଲେ । ପରେ ବିବାହର ୭ ମାସ ପରେ, ଆଲିଆ ନଭେମ୍ବର ୬ରେ ଝିଅ ରାହା କପୁରଙ୍କୁ ଜନ୍ମ ଦେଇଥିଲେ । ରାହାଙ୍କ ପ୍ରଥମ ଜନ୍ମଦିନ ପରେ ତାଙ୍କ ଚେହେରା ସମସ୍ତଙ୍କୁ ଦେଖାଇଥିଲେ ଦମ୍ପତି ।
ଏହା ମଧ୍ୟ ପଢନ୍ତୁ: ଦ୍ବିତୀୟ ବିବାହ ବାର୍ଷିକ ପାଳିବେ ରାଲିଆ, କିପରି ଥିଲା ଷ୍ଟାର କପଲଙ୍କ ଲଭ ଷ୍ଟୋରୀ
ରଣବୀରଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, ଗତବର୍ଷ ରଣବୀର ସନ୍ଦୀପ ରେଡ୍ଡୀ ଭଙ୍ଗାଙ୍କ ନିର୍ଦ୍ଦେଶିତ ଚଳଚ୍ଚିତ୍ର 'ଆନିମଲ'ରେ ତାଙ୍କର ଚମତ୍କାର ଅଭିନୟ ସହିତ ପ୍ରଶଂସକ ଏବଂ ଦର୍ଶକଙ୍କ ହୃଦୟ ଜିତିଥିଲେ । ସେ ବର୍ତ୍ତମାନ ନିତୀଶ ତିୱାରୀଙ୍କ 'ରାମାୟଣ'ରେ ରାମ ଭୂମିକା ପାଇଁ ପ୍ରସ୍ତୁତ ହେଉଛନ୍ତି, ଯାହାର ସୁଟିଂ ଖୁବଶୀଘ୍ର ଆରମ୍ଭ ହେବ । ସେହିପରି ଆଲିଆ ଭଟ୍ଟଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, ଆଲିଆଙ୍କ ଆଗାମୀ ଚଳଚ୍ଚିତ୍ର ମଧ୍ୟରେ ତାଙ୍କ ପ୍ରଡକ୍ସନ୍ ହାଉସରେ ନିର୍ମିତ ଫିଲ୍ମ ଜିଗ୍ରା ଅଛି । ଯାହା ସେପ୍ଟେମ୍ବର ୨୭ରେ ମୁକ୍ତିଲାଭ କରିବ । ସେହି ସମୟରେ ଆଲିଆଙ୍କୁ ସ୍ୱାମୀ ରଣବୀର କପୁରଙ୍କ ସହ ସଞ୍ଜୟ ଲୀଲା ଭନସାଲୀଙ୍କ ଫିଲ୍ମ ଲଭ୍ ଆଣ୍ଡ୍ ୱାରରେ ଦେଖିବାକୁ ମିଳିବ । ଏହା ବ୍ୟତୀତ ଆଲିଆଙ୍କ ହାତରେ ୟଶ ରାଜ ସ୍ପାଏ ୟୁନିଭର୍ସର ଏକ ଫିଲ୍ମ ମଧ୍ୟ ରହିଛି ।
