ହାଇଦ୍ରାବାଦ: ବଲିଉଡ ଅଭିନେତ୍ରୀ ଦୀପିକା ପାଦୁକୋନ ଏବଂ ଅଭିନେତା ରଣଭୀର ସିଂଙ୍କ ଘରକୁ ଖୁବଶୀଘ୍ର ନୂଆ ଅତିଥି ଆସିବାକୁ ଯାଉଛନ୍ତି । ଆଜିକାଲି ଅଭିନେତ୍ରୀ ନିଜ ଗର୍ଭଧାରଣ ସମୟକୁ ଉପଭୋଗ କରୁଥିବା ବେଳେ ମଙ୍ଗଳବାର ଦିନ ତାଙ୍କ ଶାଶୁ, ଶ୍ୱଶୁର ଓ ନଣନ୍ଦଙ୍କ ସହ ରାତ୍ରୀ ଭୋଜନ କରିବାକୁ ଯାଇଥିଲେ । ଏହି ସମୟ ମଧ୍ୟରେ ଅଭିନେତ୍ରୀଙ୍କୁ ତାଙ୍କ ସ୍ୱାମୀ ରଣଭୀର ସିଂଙ୍କ ସହ ନୁହେଁ ବରଂ ଜଣେ ବିଶେଷ ବ୍ୟକ୍ତିଙ୍କ ସହ ଦେଖିବାକୁ ମିଳିଥିଲା ଯିଏ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି । ତାଙ୍କର ଏହି ଭିଡିଓ ସୋସିଆଲ ମିଡିଆରେ ଲୋକଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଛି ।
ଏହି ବ୍ୟକ୍ତିଙ୍କ ସହ ନଜର ଆସିଲେ ଦୀପିକା
ଭାଇରାଲ୍ ଭିଡିଓରେ ଅଭିନେତ୍ରୀଙ୍କ ସହ ଦେଖାଯାଇଥିବା ବ୍ୟକ୍ତି ପ୍ୟାରିସ୍ ଅଲିମ୍ପିକ୍ସ 2024 ତାରକା ବ୍ୟାଡମିଣ୍ଟନ୍ ଖେଳାଳି ଲକ୍ଷ୍ୟ ସେନ । ଦୀପିକା ସାଶୁ, ଶ୍ୱଶୁରଙ୍କ ସହ ଡିନର ଡେଟ ସମୟରେ ଲକ୍ଷ୍ୟ ସେନ ମଧ୍ୟ ତାଙ୍କ ସହ ନଜର ଆସିଥିଲେ । ଏହି ସମୟରେ ଦୀପିକା ପାପରାଜିଙ୍କ ଆଗରେ ବେବି ବମ୍ପ ଲୁକରେ ଲକ୍ଷ୍ୟଙ୍କ ସହ ପୋଜ ଦେଇ ତାଙ୍କୁ ଆଲିଙ୍ଗନ କରିଥିଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ଏବେ ଚର୍ଚ୍ଚା ଜୋର ଧରିଛି ।
ରଣଭୀର ସିଂ ଖେଳାଳିଙ୍କୁ ଉତ୍ସାହିତ କରିଥିଲେ
ସୂଚନା ଥାଉ କି, ଯେତେବେଳେ ଲକ୍ଷ୍ୟ ସେନ୍ ପ୍ୟାରିସ୍ ଅଲିମ୍ପିକ୍ସ 2024 ର ବ୍ରୋଞ୍ଜ ପଦକ ପାଇଁ ମ୍ୟାଚରୁ ବାହାରେ ହୋଇଥିଲେ, ରଣଭୀର ସିଂ ତାଙ୍କୁ ସମର୍ଥନ କରିଥିଲେ । ସେ ଲକ୍ଷ୍ୟଙ୍କ ପ୍ରଦର୍ଶନକୁ ପ୍ରଶଂସା କରି ଉତ୍ସାହିତ କରିଥିଲେ । ରଣଭୀର ସିଂ ଲକ୍ଷ୍ୟଙ୍କ ଫଟୋ ପୋଷ୍ଟ କରି ଲେଖିଥିଲେ, 'ପୁଣି ଥରେ ଲଢ । ତୁମେ ମାତ୍ର 22 ବର୍ଷ ବୟସ ଏବଂ ଏହା କେବଳ ଆରମ୍ଭ । ହାର ମାନନି ।''
ଏହା ମଧ୍ୟ ପଢନ୍ତୁ: ଦୀପିକାଙ୍କ ପୁଅ ହେବ ନା ଝିଅ, ଜ୍ୟୋତିଷ କଲେ ଏମିତି ଭବିଷ୍ୟବାଣୀ
ସେପ୍ଟେମ୍ୱରରେ ଦୀପଭୀରଙ୍କ ଘରକୁ ଆସିବେ ନୂଆ ଅତିଥି
ଫେବୃଆରୀ 2024 ରେ ଦୀପିକା ପାଦୁକୋନ ନିଜର ଗର୍ଭବତୀ ଘୋଷଣା କରିଥିଲେ । ତେବେ ଚଳିତ ସେପ୍ଟେମ୍ୱରରେ ଦୀପିକା ସନ୍ତାନ ପ୍ରସବ କରିବେ । କହିରଖୁଛୁ କି, ବିବାହର ୬ ବର୍ଷ ପରେ ପିତାମାତା ହେବାକୁ ଯାଉଛନ୍ତି ଅଭିନେତ୍ରୀ ଦୀପିକା ପାଦୁକୋନ ଏବଂ ଅଭିନେତା ରଣଭୀର ସିଂ । ରଣଭୀର ଏବଂ ଦୀପିକା ମଧ୍ୟରେ ପ୍ରେମସମ୍ପର୍କ ୨୦୧୨ରେ ଆରମ୍ଭ ହୋଇଥିଲା । ଦୀର୍ଘ ବର୍ଷର ଡେଟିଂ ପରେ ଏହି ଦମ୍ପତି ୨୦୧୮ରେ ବିବାହ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
