ହାଇଦ୍ରାବାଦ: ବଲିଉଡ ଅଭିନେତା ଟାଇଗର ଶ୍ରଫ ପୁଣି 'ବାଗି 4' ସହ କମବ୍ୟାକ କରୁଛନ୍ତି । ଏହି ଫିଲ୍ମ ନେଇ ନିକଟରେ ଅଭିନେତାଙ୍କ ପୋଷ୍ଟର ସେୟାର କରି ନିର୍ମାତା ତାଙ୍କ ଲୁକ ସେୟାର କରିଥିଲେ । ଏଥିସହ ଏହି ଫିଲ୍ମର ଖଳନାୟକ ଭୂମିକାରୁ ମଧ୍ୟ ପରଦା ଉଠାଇଥିଲେ । ଫିଲ୍ମରେ ସଞ୍ଜୟ ଦତ୍ତ ଭିଲେନ ଭୂମିକାରେ ନଜର ଆସିବେ । ଏପରି ସମୟରେ ବର୍ତ୍ତମାନ ଫିଲ୍ମର ହିରୋଇନ କିଏ ହେବେ ତାକୁ ନେଇ ଚର୍ଚ୍ଚା ଜୋର ଧରିଥିଲା । ବର୍ତ୍ତମାନ ନିର୍ମାତା ଅଭିନେତ୍ରୀଙ୍କ ନାଁ ନିଶ୍ଚିନ୍ତ କରିଛନ୍ତି । ସୋସିଆଲ ମିଡିଆରେ ସେ ଏନେଇ ସୂଚନା ଦେଇଛନ୍ତି । ତେବେ ଜାଣନ୍ତୁ ସେ କିଏ ?
'ବାଗୀ 4' ରେ ନଜର ଆସିବେ ଏହି ମିସ ୟୁନିଭର୍ସ
ମିସ୍ ୟୁନିଭର୍ସ ହରନାଜ କୌର ସାନ୍ଧୁ 'ବାଗୀ 4' ରେ ନଜର ଆସିବେ । ଏହି ଫିଲ୍ମ ସହ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି। ବାଗୀ 4 ନିର୍ମାତା ଆଜି, 12 ଡିସେମ୍ବରରେ ଏହା ନିଶ୍ଚିତ କରିଛନ୍ତି । ଗୁରୁବାର ଦିନ ନାଦିଆଡୱାଲା ଗ୍ରାଣ୍ଡସନ ହରନାଜ କୌର ସାନ୍ଧୁଙ୍କ ଏକ ଫଟୋ ତାଙ୍କ ଅଫିସିଆଲ ନଷ୍ଟାଗ୍ରାମରେ ପୋଷ୍ଟ କରିଛନ୍ତି ଏବଂ ନିଶ୍ଚିତ କରିଛନ୍ତି ଯେ ସେ ତାଙ୍କ 'ବାଗୀ 4' ଟିମରେ ଯୋଗ ଦେଉଛନ୍ତି। ସେ ଏହି ପୋଷ୍ଟର କ୍ୟାପସନରେ ଲେଖିଛନ୍ତି, 'ମିସ୍ ୟୁନିଭର୍ସଠାରୁ ରିବେଲ ୟୁନିଭର୍ସ ପର୍ଯ୍ୟନ୍ତ । 'ବାଗୀ 4' ରେ ଆମର ନୂତନ NGtalent, ବିଦ୍ରୋହୀ ଲେଡି ହରନାଜ ସାନ୍ଧୁଙ୍କୁ ପରିଚିତ କରାଇଛୁ ।''
ବଲିଉଡରେ କରିବେ ଡେବ୍ୟୁ
କହିରଖୁଛୁ କି, ହରନାଜ ସାନ୍ଧୁ ମଧ୍ୟ ପୂର୍ବରୁ ଅଭିନୟ କରିଛନ୍ତି । ସେ ପଞ୍ଜାବର ୩ଟି ଫିଲ୍ମରେ ଅଭିନୟ କରିଛନ୍ତି । ମିସ୍ ୟୁନିଭର୍ସ ପୂର୍ବରୁ ପଞ୍ଜାବୀ ଭାଷା ଚଳଚ୍ଚିତ୍ର 'ବାଇ ଜୀ କୁଟାନେଜ୍' (2022) ଏବଂ 'ୟାରାଁ ଦିଆଁ ପୌନ ବାରାଁ' (2023) ରେ ଅଭିନୟ କରିଥିଲେ । ଏବେ ସେ 'ବାଗୀ 4' ସହ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି।
ଏହା ମଧ୍ୟ ପଢନ୍ତୁ: 'ବାଗି 4' ସହ ପୁଣି ପରଦାକୁ ଫେରୁଛନ୍ତି ଟାଇଗର ଶ୍ରଫ, ସାମ୍ନାକୁ ଆସିଲା ରିଲିଜ ଡେଟ୍
2021 ମିସ୍ ମିସ୍ ୟୁନିଭର୍ସ ତାଜ୍ ପିନ୍ଧିଥିଲେ
ହରନାଜ କୌର ସାନ୍ଧୁ 2021 ମିସ୍ ମିସ୍ ୟୁନିଭର୍ସ ତାଜ୍ ପିନ୍ଧିଥିଲେ । ୮୦ ଜଣ ସୁନ୍ଦରୀଙ୍କୁ ପଛରେ ପକାଇ ବ୍ରହ୍ମାଣ୍ଡ ସୁନ୍ଦରୀ ବିଜୟ ମୁକୁଟ ପିନ୍ଧିଥିଲେ ପଞ୍ଜାବର ହରନାଜ ସାନ୍ଧୁ (Harnaaz Sandhu) । ଇସ୍ରାଏଲରେ ଅନୁଷ୍ଠିତ ୭୦ତମ ମିସ ୟୁନିଭର୍ସ ପ୍ରତିଯୋଗିତାରେ ସଫଳ ହୋଇଥିଲେ ହରନାଜ । ଚଣ୍ଡୀଗଡର ସିଖ୍ ପରିବାରରେ ୨୧ ବର୍ଷୀୟ ହରନାଜଙ୍କ ଜନ୍ମ । ପବ୍ଲିକ ଆଡମିନଷ୍ଟ୍ରେସନରେ ମାଷ୍ଟର ଡିଗ୍ରୀ ହାସଲ କରିଛନ୍ତି । ୧୭ ବର୍ଷ ବୟସରୁ ଏହି ଯାତ୍ରା ଆରମ୍ଭ କରିଥିଲେ ହରନାଜ ।
ଏହା ମଧ୍ୟ ପଢନ୍ତୁ: 21 ବର୍ଷ ପରେ ଭାରତକୁ ମିସ୍ ୟୁନିଭର୍ସ ତାଜ, ହରନାଜ ବ୍ରହ୍ମାଣ୍ଡ ସୁନ୍ଦରୀ
'ବାଗି 4' କେବେ ରିଲିଜ ହେବ ?
'ବାଗି 4'ର ନିର୍ଦ୍ଦେଶନା ଦେବେ ନିର୍ଦ୍ଦେଶକ ଏ.ହର୍ଷ, ଯିଏ 'ବଜରଙ୍ଗୀ' ଏବଂ 'ବେଦ' ଭଳି ଚଳଚ୍ଚିତ୍ର ନିର୍ମାଣ ପାଇଁ ଜଣାଶୁଣା । ନିର୍ମାତା ସାଜିଦ ନାଦିଆଡୱାଲାଙ୍କ 'ବାଗୀ 4' ଆସନ୍ତା ବର୍ଷ 5 ସେପ୍ଟେମ୍ବର 2025 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । 2016 ରେ 'ବାଗି' ଫ୍ରାଞ୍ଚାଇଜ୍ ଆରମ୍ଭ ହୋଇଥିଲା । ଟାଇଗର ଶ୍ରଫଙ୍କ 'ବାଗି' ଫ୍ରାଞ୍ଚାଇଜ୍ 2016 ମସିହାରେ ଆରମ୍ଭ ହୋଇଥିଲା । ଶ୍ରଦ୍ଧା କପୁର ମଧ୍ୟ ଏହି ଚଳଚ୍ଚିତ୍ରର ଏକ ଅଂଶ ଥିଲେ । ଏହା ପରେ ଫିଲ୍ମ 'ବାଗି 2' ର୍ଲିଜ ହୋଇଥିଲା । 2020 ମସିହାରେ ମୁକ୍ତିଲାଭ କରିଥିବା 'ବାଗୀ 3'ରେ ଶ୍ରଦ୍ଧା କପୁର ଟାଇଗରଙ୍କ ସହ ଯୋଡି ରହିଥିଲେ । ରୀତିଶ ଦେଶମୁଖ ମଧ୍ୟ ଏହି ଚଳଚ୍ଚିତ୍ରର ଏକ ଅଂଶ ଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
