ହାଇଦ୍ରାବାଦ: କୋଲକାତା ମହିଳା ଡାକ୍ତର ଦୁଷ୍କର୍ମ ଏବଂ ହତ୍ୟା ମାମଲା ନେଇ ସମଗ୍ର ଦେଶକୁ ସ୍ତବ୍ଧ କରିଛି । ଅଗଷ୍ଟ 9 ହୋଇଥିବା ଏହି ଘଟଣାକୁ ବର୍ତ୍ତମାନ ଦୁଇ ସପ୍ତାହ ବିତିଥିଲେ ହେଁ ପ୍ରତିବାଦ କମିବାର ନନେଉନି । ସାରା ଦେଶରେ ଘଟଣାକୁ ବିରୋଧ କରିବା ସହ ନାରୀଙ୍କ ସୁରକ୍ଷା ନେଇ ଆନ୍ଦୋଳନ ଜୋର ଧରିଛି । ଲୋକେ ରାଜରାସ୍ତାକୁ ଓହ୍ଲାଇ ବିକ୍ଷୋଭ ପ୍ରଦର୍ଶନ କରୁଛନ୍ତି । ଏନେଇ ବଲିଉଡରୁ ଓଲିଉଡ ଫିଲ୍ମ ଇଣ୍ଡଷ୍ଟ୍ରିର ତମାମ ସେଲିବ୍ରିଟିମାନେ ମଧ୍ୟ ସ୍ୱର ଉଠାଇଛନ୍ତି । ଏହି ତାଲିକାରେ ବଙ୍ଗାଳୀ ଚଳଚ୍ଚିତ୍ର ଅଭିନେତ୍ରୀ ମିମି ଚକ୍ରବର୍ତ୍ତୀ ମଧ୍ୟ ସାମିଲ ଥିବା ବେଳେ କିନ୍ତୁ ଏହା ତାଙ୍କୁ ମହଙ୍ଗା ପଡିଛି । ଅଭିନେତ୍ରୀଙ୍କୁ ଓଲଟା ଦୁଷ୍କର୍ମ ଧମକ ମିଳିଛି । ମିମି ଚକ୍ରବର୍ତ୍ତୀ କୋଲକାତା ମାମଲାରେ ପୋଷ୍ଟ କରିବା ପରେ ଏହି ଧମକ ମିଳିଥିବା ସେ ସୋସିଆଲ ମିଡିଆ ଜରିଆରେ ସୂଚନା ଦେଇଛନ୍ତି ।
AND WE ARE DEMANDING JUSTICE FOR WOMEN RIGHT????
— Mimi chakraborty (@mimichakraborty) August 20, 2024
These are just few of them.
Where rape threats has been normalised by venomous men masking themselves in the crowd saying they stand by women.What upbringing nd education permits this????@DCCyberKP pic.twitter.com/lsU1dUOuIs
ମିମିଙ୍କୁ ଦୁଷ୍କର୍ମ ଧମକ
ଏହି ପରିପ୍ରେକ୍ଷୀରେ ଅଭିନେତ୍ରୀ ମିମି ସୋସିଆଲ ମିଡିଆ ଏକ୍ସରେ ଧମକପୂର୍ଣ୍ଣ ପୋଷ୍ଟର ସ୍କ୍ରିନସର୍ଟ ସହ ଏକ ପୋଷ୍ଟ ସେୟାର କରିଛନ୍ତି । ମିମି ତାଙ୍କ ପୋଷ୍ଟରେ କହିଛନ୍ତି ଯେ କୋଲକାତା ଦୁଷ୍କର୍ମ ଏବଂ ହତ୍ୟା ମାମଲାରେ ପୋଷ୍ଟ କରିବା ପରେ ତାଙ୍କୁ ଓଲଟି ଦୁଷ୍କର୍ମ ଧମକ ଏବଂ ଅଶ୍ଳୀଳ ବାର୍ତ୍ତା ମିଳୁଛି । ମିମି ତାଙ୍କ ପୋଷ୍ଟରେ କୋଲକାତା ପୋଲିସର ସାଇବର ସେଲ୍କୁ ଟ୍ୟାଗ୍ କରି ଲେଖିଛନ୍ତି, ''ଆମେ ମହିଳାମାନଙ୍କ ପାଇଁ ଦାବି କରୁଛୁ । ମହିଳାଙ୍କ ସହ ଭିଡରେ ଠିଆ ହୋଇଥିବା ଏବଂ ମାସ୍କ ପଛରେ ଲୁଚି ରହିଥିବା ଏପରି କିଛି ପୁରୁଷ ରହିଛନ୍ତି ଯେଉଁମାନେ ଏପରି ଦୁଷ୍କର୍ମ ଧମକ ଦେଉଛନ୍ତି । କେଉଁ ଶିକ୍ଷା ଏହା ଅନୁମତି ଦିଏ?''
ମିମିଙ୍କୁ ସମର୍ଥନ କଲେ ଫ୍ୟାନ୍ସ
ମିମିଙ୍କ ଏହି ପୋଷ୍ଟ ପରେ ଫ୍ୟାନ୍ସ ତାଙ୍କୁ ସମର୍ଥନ କରିଛନ୍ତି ଏବଂ ତାହ୍କର ପୋଷ୍ଟରେ ନିଜର ପ୍ରତିକ୍ରିୟା ଦେଉଛନ୍ତି । ଜଣେ ଲେଖିଛନ୍ତି, ଜଣେ ମହିଳା ସାଂସଦ ମଧ୍ୟ ଦୁଷ୍କର୍ମ ଧମକ ପାଉଛନ୍ତି, ଏହା ଚିନ୍ତାର ବିଷୟ । ଆଉ ଜଣେ ଲେଖିଛନ୍ତି, ବର୍ତ୍ତମାନ ଆମ ମା, ଭଉଣୀ ଏବଂ ଝିଅମାନେ ଦେଶରେ ଆଉ ସୁରକ୍ଷିତ ନୁହଁନ୍ତି । ଅନ୍ୟ ଜଣେ ଲେଖିଛନ୍ତି, ପୁରୁଷମାନଙ୍କର ମାନସିକତା ନଷ୍ଟ ହେଲାଣି ।
ଏହା ମଧ୍ୟ ପଢନ୍ତୁ: କୋଲକାତା ଡାକ୍ତର ଦୁଷ୍କର୍ମ-ହତ୍ୟା ମାମଲା: ସ୍ୱର ଉଠାଇଲେ ବଲିଉଡରୁ ଓଲିଉଡ ଅଭିନେତ୍ରୀ, କହିଲେ-'ଆମେ କେଉଁ ସ୍ୱାଧୀନତା ପାଇଛୁ ?'
ମିମି ଚକ୍ରବର୍ତ୍ତୀଙ୍କ ବିଷୟରେ କହିବାକୁ ଗଲେ,
ସୂଚନା ଥାଉ କି, ମିମି ଚକ୍ରବର୍ତ୍ତୀ 2014 ରୁ 2019 ପର୍ଯ୍ୟନ୍ତ ଟିଏମସି ପାର୍ଟିରୁ ସାଂସଦ ରହିଆସିଛନ୍ତି । ସେ ପଶ୍ଚିମବଙ୍ଗର ଯାଦବପୁର ଲୋକସଭା ଆସନରୁ ସାଂସଦ ହୋଇଥିଲେ । ମିମି ସୋସିଆଲ ମିଡିଆରେ ବହୁତ ସକ୍ରିୟ ଏବଂ ଅନେକ ସମୟରେ ତାଙ୍କ ପୋଷ୍ଟ ସହିତ ଲାଇମଲାଇଟରେ ରହିଥା’ନ୍ତି । ଅଗଷ୍ଟ 14 ରେ, ମିମି କୋଲକାତା ମାମଲା ବିରୋଧରେ ପ୍ରତିବାଦରେ ଅଂଶଗ୍ରହଣ କରିଥିଲେ, ଯାହା ପରେ ତାଙ୍କୁ ଧମକ ଦିଆଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
