ହାଇଦ୍ରାବାଦ: ଓଲିଉଡ ଅଭିନେତା ମନୋଜ ମିଶ୍ରଙ୍କ ପିଛା ଛାଡୁନି ବିବାଦ । ପୂର୍ବରୁ ବୃତ୍ତିଗତ କାରଣରୁ ଅଡୁଆରେ ଛନ୍ଦି ହୋଇଥିବା ବେଳେ ଏବେ ବ୍ୟକ୍ତିଗତ କାରଣରୁ ବିବାଦ ଘେରକୁ ଆସିଛନ୍ତି ମନୋଜ ମିଶ୍ର । ନିକଟରେ ଅଭିନେତା ମମତା ନନ୍ଦଙ୍କୁ ଦ୍ୱିତୀୟ ବିବାହ କରିଛନ୍ତି । ଯାହା ପରେ ସେ ପୁଣି ଚର୍ଚ୍ଚାକୁ ଆସିଛନ୍ତି । ସୋସିଆଲ ମିଡିଆରେ ଅନେକ ଆଲୋଚନା ହେଉଥିବା ବେଳେ ପ୍ରଥମ ପତ୍ନୀ ମାନା ମଧ୍ୟ ଫେସବୁକ ପେଜରେ ପୋଷ୍ଟ କରି ମନୋଜଙ୍କ ଉପରେ ବର୍ଷିଛନ୍ତି । ଏପରି ସମୟରେ ବର୍ତ୍ତମାନ ଅଭିନେତା ଝିଅ ଭବ୍ୟାଙ୍କ ପାଇଁ ଏକ ଭାବପ୍ରବଣ ଲେଖିଛନ୍ତି । ସେ କହିଛନ୍ତି, ''ଏବେ ତୋ ପାଇଁ ବହୁତ କଷ୍ଟ ସମୟ ଚାଲିଛି । ହେଲେ ମୁଁ କେମିତି କା ମଣିଷ ତୁ ଜାଣୁ । ତୁ ବଡ଼ ହେଲେ ସମସ୍ତଙ୍କୁ ଠିକ୍ ଜବାବ ଦେବୁ।''
ଦ୍ୱିତୀୟ ବିବାହ ପରେ ଝିଅ ପାଇଁ ପ୍ରଥମ ପୋଷ୍ଟ ଲେଖିଲେ ମନୋଜ
ମନୋଜ ମିଶ୍ର ସୋସିଆଲ ମିଡିଆ ଇନଷ୍ଟାଗ୍ରାମ ଆକାଉଣ୍ଟରେ ଝିଅ ସହ ନିଜର ଏକ ଫଟୋ ସେୟାର କରିଛନ୍ତି । ଏହି ଫଟୋ ସେୟାର କରି ଲେଖିଛନ୍ତି, ''ମୁଁ ଜାଣିଛି ବର୍ତ୍ତମାନ ସମୟ ତୋ ପାଇଁ ବହୁତ କଷ୍ଟକର ସମୟ । କିଛି ୟୁଟ୍ୟୁବର ତାଙ୍କ trp ଚକ୍କରରେ ତୋ ମାଆର interview ନେଉଛନ୍ତି । ମୁଁ ଜାଣିଛି ତୁ ଆଉ ଟିକେ ବଡ଼ ହେଲେ ଏମାନଙ୍କୁ ଠିକ ଜବାବ୍ ଦେବୁ । ବ୍ୟସ୍ତ ହେଏନି ଝିଅ । ମୁଁ ଜଣେ ଅଭିନେତା ବୋଲି ଏତେ ସବୁ ଚର୍ଚ୍ଚା ଚାଲିଛି । କିନ୍ତୁ ମୁଁ ଜାଣିଛି ତୁ ମୋତେ, ତୋ ମା ଠୁ ଅଧିକ ଭଲରେ ଜାଣିଛୁ, ମୁଁ କେମିତିକା ମଣିଷ । ବ୍ୟସ୍ତ ହେଏନି ଏଇ ସମୟ ବି ପଳେଇବ ।
I am always there for you , I love you bhabya.. ଏହାର ଅର୍ଥ ମୁଁ ସବୁବେଲେ ତୋ ସହ ଅଛି । ମୁଁ ତୋତେ ବହୁତ ଭଲ ପାଏ ଭବ୍ୟା ।''
ଏହା ମଧ୍ୟ ପଢନ୍ତୁ: ପୁଣି ହାତକୁ ଦି'ହାତ ହେଲେ ମନୋଜ ମିଶ୍ର, ଅଭିନେତ୍ରୀ ମମତା ନନ୍ଦଙ୍କୁ କଲେ ସାତ ଜନ୍ମର ସାଥୀ
ଭବ୍ୟା ମନୋଜଙ୍କ ପ୍ରଥମ ସ୍ତ୍ରୀଙ୍କ ଝିଅ
କହିରଖୁଛୁ କି, ଅଭିନେତା ମନୋଜ ମିଶ୍ର ପ୍ରଥମେ ମାନା ମିଶ୍ରଙ୍କୁ ବିବାହ କରିଥିଲେ । ପରେ ପାରିବାରିକ ବିବାଦ କାରଣରୁ ଉଭୟଙ୍କ ଛାଡ଼ପତ୍ର ହୋଇଥିଲା । ମାନା ଏବଂ ମନୋଜଙ୍କ ଝିଅ ଭବ୍ୟା ରହିଛନ୍ତି । ତେବେ ମନୋଜଙ୍କ ଦ୍ୱିତୀୟ ବିବାହ ଖବର ଜାଣିବା ପରେ ମାନା ମଧ୍ୟ ଅନେକ ପୋଷ୍ଟ କରି ମନୋଜଙ୍କ ବିଭିନ୍ନ ଅଭିଯୋଗ ଆଣି ଖୁବ ବର୍ଷିଛନ୍ତି । ଯାହା ପରେ ଝିଅ ପାଇଁ ଏଭଳି ପୋଷ୍ଟ କରିଛନ୍ତି ମନୋଜ ।
ଏହା ମଧ୍ୟ ପଢନ୍ତୁ: ଶାଶୁଙ୍କୁ ଖୁଆଇଦେଲେ ମମତା, ମନୋଜ କହିଲେ 'ମା' ଖୁସି ତ ଭଗବାନ ଖୁସି'
ମମତା ନନ୍ଦଙ୍କୁ ଦ୍ୱିତୀୟ ବିବାହ କରିଛନ୍ତି ମନୋଜ
ପ୍ରଥମ ପତ୍ନୀ ମାନାଙ୍କ ଠାରୁ ଛାଡପତ୍ର ପରେ ମନୋଜ ମିଶ୍ର ଅଭିନେତ୍ରୀ ମମତା ନନ୍ଦଙ୍କ ପ୍ରେମରେ ପଡିଥିଲେ । ଦୀର୍ଘ ଦିନର ଡେଟିଂ ପରେ ଉଭୟ ବିବାହ କରିବାକୁ ନିଷ୍ପତ୍ତି ନେଇଥିଲେ । ଏହି ଦମ୍ପତି କୋର୍ଟ ମ୍ୟାରେଜ କରିଛନ୍ତି । ଉଭୟ କୋର୍ଟ ମ୍ୟାରେଜ କରିଥିବା ବେଳେ ସୋସିଆଲ ମିଡିଆରେ ବିବାହକୁ ସୁନିଶ୍ଚିତ କରିଥିଲେ । ମମତା ନନ୍ଦ ମଧ୍ୟ ଜଣେ ଅଭିନେତ୍ରୀ ଥିବା ବେଳେ 'ସମାପଜୁର ରଘୁ' ର ଫିଲ୍ମରେ ମନୋଜ ମିଶ୍ରଙ୍କ ସହ ମମତାଙ୍କୁ ଏକାଠି ଦେଖିବାକୁ ମିଳିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
