ହାଇଦ୍ରାବାଦ: ସାଉଥ ସିନେପ୍ରେମୀଙ୍କୁ ଭେଟି । ତେଲୁଗୁ ଭର୍ସନରେ ଖୁବଶୀଘ୍ର ଆସିବାକୁ ଯାଉଛି ଆଗାମୀ ଡିସ୍ନି ଚଳଚ୍ଚିତ୍ର 'ମୁଫାସା: ଦ ଲାୟନ କିଙ୍ଗ' । ଇଂରାଜୀ ଏବଂ ହିନ୍ଦୀ ଟ୍ରେଲର ରିଲିଜ୍ ହେବା ପରେ ଏବେ ତେଲୁଗୁ ସଂସ୍କରଣର ଟ୍ରେଲର ରିଲିଜ ହେବାକୁ ଯାଉଛି । ତେବେ ହିନ୍ଦୀ ଭର୍ସନ ପାଇଁ ଶାହାରୁଖ ଖାନ ଏହି ଫିଲ୍ମ ସହ ଯୋଡି ହୋଇଥିବା ବେଳେ ଏବେ ସାଉଥ ସୁପରଷ୍ଟାର ମହେଶ ବାବୁ ଏଥିରେ ଯୋଗ ଦେଇଛନ୍ତି । ତେଲୁଗୁ ସଂସ୍କରଣରେ ମୁଫାସା ଭଏସ ପାଇଁ ମହେଶ ବାବୁଙ୍କୁ ମନୋନୀତ କରାଯାଇଛି । ଡିଜନି ଇଣ୍ଡିଆ ଏହି ଖବରକୁ ନିଶ୍ଚିତ କରିଛି । ଏଥିସହ ଟ୍ରେଲର ରିଲିଜ ତାରିଖ ମଧ୍ୟ ଘୋଷଣା କରିଛନ୍ତି ନିର୍ମାତା ।
Bringing the supreme king of the jungle to life. Excited to present Superstar @urstrulyMahesh as the voice of Mufasa in Telugu.
— Walt Disney Studios India (@DisneyStudiosIN) August 21, 2024
Watch Telugu trailer releasing on Monday#MufasaTheLionKing pic.twitter.com/5BHRE12Eg3
ଏହି ଦିନ ଆସିବ ତେଲୁଗୁ ଭର୍ସନ 'ମୁଫାସା'ଟ୍ରେଲର
'ଦ ଲାୟନ' ପ୍ରିକ୍ୱେଲ ଅଟେ 'ମୁଫାସା: ଦ ଲାୟନ କିଙ୍ଗ' । ବୁଧବାର ଦିନ ୱାଲ୍ଡ ଡିଜନି ଷ୍ଟୁଡିଓ ଇଣ୍ଡିଆ ଏହାର ଅଫିସିଆଲ୍ ଏକ୍ସ ହ୍ୟାଣ୍ଡେଲରେ 'ମୁଫାସା: ଦ ଲାୟନ କିଙ୍ଗ'ର ତେଲୁଗୁ ସଂସ୍କରଣ ବିଷୟରେ ସୂଚନା ଦେଇଛନ୍ତି । ନିର୍ମାତାମାନେ ତେଲୁଗୁ ସଂସ୍କରଣରେ ମୁଫାସାଙ୍କ ପୋଷ୍ଟର ସହ ମହେଶ ବାବୁଙ୍କ ଏକ ପୋଷ୍ଟ ସେୟାର କରିଛନ୍ତି । ପୋଷ୍ଟର ସେୟାର କରି ନିର୍ମାତାମାନେ କ୍ୟାପସନରେ ଲେଖିଛନ୍ତି, 'ଜଙ୍ଗଲ ଜୀବନର ସର୍ବୋଚ୍ଚ ରାଜାଙ୍କୁ ଜୀବନ୍ତ କର । ସୁପରଷ୍ଟାର ମହେଶଙ୍କୁ ତେଲୁଗୁରେ ମୁଫାସାଙ୍କ ସ୍ୱର ଭାବରେ ଉପସ୍ଥାପନ କରି ଆମେ ଉତ୍ସାହିତ । ସୋମବାର(ଅଗଷ୍ଟ 26) ମୁକ୍ତିଲାଭ କରୁଥିବା 'ମୁଫାସା: ସିଂହ କିଙ୍ଗ'ର ତେଲୁଗୁ ଟ୍ରେଲରକୁ ଦେଖନ୍ତୁ ।
ହିନ୍ଦୀ ସଂସ୍କରଣରେ ଭଏସ ଦେବେ ଶାହାରୁଖ ଏବଂ ତାଙ୍କ 2 ପୁଅ
ସୂଚନା ଥାଉ କି, ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ବୈରୀ ଜେନକିନସ୍ । ନିକଟରେ 'ମୁଫାସା: ଦ କିଙ୍ଗ ଲାୟନ'ର ହିନ୍ଦୀ ଭର୍ସନ ଟ୍ରେଲର ରିଲିଜ ହୋଇଥିଲା । ଯେଉଁଥିରେ ବଲିଉଡର ସୁପରଷ୍ଟାର ଶାହରୁଖ ଖାନ ଫିଲ୍ମର ହିନ୍ଦୀ ସଂସ୍କରଣ ପାଇଁ ମୁଫାସାଙ୍କ ସ୍ୱର ପ୍ରଦାନ କରୁଥିବାବେଳେ ଆର୍ଯ୍ୟନ ଖାନ ସିମ୍ବା ଏବଂ ଅବରାମ ଖାନ ଯୁବ ମୁଫାସାଙ୍କ ସ୍ୱର ପ୍ରଦାନ କରିଥିବା ଜଣାପଡିଛି । କହିରଖୁଛୁ କି, ଶାହରୁଖ ଖାନ ଏବଂ ଆର୍ଯ୍ୟନ ଖାନ ୨୦୧୯ର 'ଲାୟନ କିଙ୍ଗ' ପାଇଁ ହିନ୍ଦୀ ଭର୍ସନ ପାଇଁ ଭଏସ ଦେଇଥିଲେ । ଯାହାକୁ ଲୋକେ ବେଶ ପସନ୍ଦ କରିଥିଲେ । ତେବେ ପୁଣି ଶାହାରୁଖଙ୍କ ଭଏସରେ ଫିଲ୍ମ 'ମୁଫାସା: ଦ କିଙ୍ଗ ଲାୟନ' ଦେଖିବାକୁ ଫ୍ୟାନ୍ସ ଉତ୍ସାହିତ ରହିଛନ୍ତି ।
ଏହା ମଧ୍ୟ ପଢନ୍ତୁ: 'ମୁଫାସା ଦ ଲାୟନ' କିଙ୍ଗ ଟ୍ରେଲର ଆଉଟ, ପୁଣି ଫେରିବେ କି ଶାହାରୁଖ ଖାନ ?
ଏହି ଭାଷାରେ ଏହି ଦିନ ରିଲିଜ ହେବ ଫିଲ୍ମ
ବାଣିଜ୍ୟ ବିଶ୍ଳେଷକ ତରଣ ଆଦର୍ଶ 'ମୁଫାସା: ସିଂହ କିଙ୍ଗ'ର ତେଲୁଗୁ ସଂସ୍କରଣର ଟ୍ରେଲର ବିଷୟରେ ସୂଚନା ଦେଇଛନ୍ତି। ତରଣଙ୍କ ଅନୁଯାୟୀ, 'ମୁଫାସା: ସିଂହ କିଙ୍ଗ'ର ତେଲୁଗୁ ଟ୍ରେଲର 26 ଅଗଷ୍ଟ 2024 ଦିନ 11.07 ରେ ଲଞ୍ଚ ହେବ । ଚଳିତ ବର୍ଷ ଖ୍ରୀଷ୍ଟମାସ ଅବସରରେ ଇଂରାଜୀ, ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ଏହି ଚଳଚ୍ଚିତ୍ରଟି 20 ଡିସେମ୍ବର 2024 ରେ ପ୍ରେକ୍ଷାଳୟରେ ମୁକ୍ତିଲାଭ କରୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
