ହାଇଦ୍ରାବାଦ: ବଲିଉଡ ଅଭିନେତ୍ରୀ କ୍ୟାଟ୍ରିନା କୈଫଙ୍କୁ ଶେଷ ଥର ପାଇଁ 'ମେରୀ ଖ୍ରୀଷ୍ଟମାସ'ରେ ଦେଖିବାକୁ ମିଳିଥିଲା । ଏହି ଚଳଚ୍ଚିତ୍ର ଚଳିତ ବର୍ଷ ଜାନୁଆରୀ 12 ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା । ତେବେ ବକ୍ସ ଅଫିସରେ ଏହା ଭଲ ପ୍ରଦର୍ଶନ କରିନଥିଲା । କିନ୍ତୁ କ୍ୟାଟ୍ରିନା କୈଫଙ୍କ ଅଭିନୟକୁ ବହୁତ ପ୍ରଶଂସା କରାଯାଇଥିଲା। ଏହା ପରେ ତାଙ୍କର ଆଗାମୀ ଫିଲ୍ମ ନେଇ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଥିବା ବେଳେ ବର୍ତ୍ତମାନ ସମସ୍ତଙ୍କ ପାଇଁ ଖୁସି ଖବର ମିଳିଛି । କ୍ୟାଟ୍ରିନା ଆକ୍ଟିଂ ନୁହଁ ବରଂ ନିର୍ଦ୍ଦେଶନାକୁ ଫେରିଛନ୍ତି । ଅଭିନେତ୍ରୀ ଏବେ ନିର୍ଦ୍ଦେଶନାରେ ଡେବ୍ୟୁ କରିବାକୁ ଯାଉଛନ୍ତି ।
ନିର୍ଦ୍ଦେଶକ ସାଜିଲେ କ୍ୟାଟ୍ରିନା
କ୍ୟାଟ୍ରିନା କୈଫଙ୍କ ଆଗାମୀ ପ୍ରକଳ୍ପର ଏକ ଟିଜର ସୋସିଆଲ ମିଡିଆରେ ଭାଇରାଲ ହେଉଛି। ଭାଇରାଲ୍ ଟିଜରରେ ଶକ୍ତିଶାଳୀ VFX ବ୍ୟବହୃତ ହୋଇଛି । ଯାହା ଦେଖି ଫ୍ୟାନ୍ସ ତାଜୁବ ହୋଇଛନ୍ତି । ଭାଇରାଲ୍ ଭିଡିଓ ଏକ ବରଫ ସ୍ଥାନରୁ ଆରମ୍ଭ ହୋଇଛି, ଯେଉଁଠାରେ କ୍ୟାଟ୍ରିନା ଏକ ଦ୍ରୁତ ଏୟାର ବାଇକ୍ ଚଳାଉଥିବାର ନଜର ଆସିଛନ୍ତି । ଏହି ସମୟରେ କିଛି ଡ୍ରୋନର ଝଲକ ଦେଖିବାକୁ ମିଳିଛି, ଯାହା ଅଭିନେତ୍ରୀଙ୍କ ଉପରକୁ ଫାୟାରିଂ କରୁଥିବାର ଦେଖିବାକୁ ମିଳିଛି । ଭିଡିଓ ଶେଷରେ ଏହା 'କ୍ୟାଟ୍ରିନା କୈଫଙ୍କ ନିର୍ଦ୍ଦେଶିତ' ଲେଖାଯାଇଛି। ବର୍ତ୍ତମାନ ଇଟିଭି ଭରତ ଏହି ଭାଇରାଲ ଭିଡିଓକୁ ନିଶ୍ଚିତ କରୁନାହିଁ । କିନ୍ତୁ ଏହା ଦେଖି ଫ୍ୟାନ୍ସଙ୍କ ଉତ୍ସାହର ବଢିଯାଇଛି ।
Katrina for Xiaomi coming soon#katrinakaif #XiaomiIndia pic.twitter.com/A6nY6xjkwM
— myqueenkay (@myqueenkay1) November 27, 2024
Katrina in action avatar for her upcoming Xiaomi Ad#katrinakaif #Behno pic.twitter.com/xaALXDgUmo
— KATRINA11DIVA (@Katrina11D) November 27, 2024
ଫ୍ୟାନ୍ସ ଫିଦା
କ୍ୟାଟ୍ରିନା କୈଫ ନିର୍ଦ୍ଦେଶନାରେ ଫେରିବା ଖବର ସମସ୍ତଙ୍କୁ ଆଶ୍ଚର୍ଯ୍ୟ ହୋଇଥିବା ବେଳେ ଅନେକ ଏହାକୁ ପସନ୍ଦ କରିଛନ୍ତି ଏବଂ କିଛି ସୋସିଆଲ୍ ମିଡିଆ ୟୁଜର୍ସ ଏହି ଭିଡିଓକୁ ଜିଓମିର ବିଜ୍ଞାପନ ବୋଲି କହୁଛନ୍ତି । ଜଣେ X (ପୂର୍ବରୁ ଟ୍ୱିଟର) ଯୁଜର୍ସ ଏହି ଭିଡିଓ ସେୟାର କରି ଲେଖିଛନ୍ତି, କ୍ୟାଟ୍ରିନା ତାଙ୍କ ଆଗାମୀ ଜିଓମି ବିଜ୍ଞାପନରେ ଆକ୍ସନ୍ ଅବତାରରେ । ଅନ୍ୟ ଜଣେ ଲେଖିଛନ୍ତି, 'ମୁଁ ଏଥିପାଇଁ ବହୁତ ଉତ୍ସାହିତ ଅଛି। ଜିଓମି ପାଇଁ କ୍ୟାଟ୍ରିନା ଶୀଘ୍ର ଆସୁଛନ୍ତି ।
ଏହା ମଧ୍ୟ ପଢନ୍ତୁ: ମାଆ ହେବେ କି କ୍ୟାଟ୍ରିନା ? ବିକି କୌଶଲ କହିଲେ, ମୁଁ ଖୁସି.....
I am excited for this 💃💃
— TEE_BOSSbackup 🤍 (@TEE_BOSS2) November 27, 2024
Katrina for Xiaomi coming soon#katrinakaif #XiaomiIndia https://t.co/maLsUOxxE4
ତେବେ ଏହି ଭାଇରାଲ୍ ଭିଡିଓର ସମ୍ପୂର୍ଣ୍ଣ ଝଲକ କେବେ ପ୍ରକାଶ ପାଇବ ଏବଂ ଏହାର ନାମ କ’ଣ ତାହା ଏପର୍ଯ୍ୟନ୍ତ କେହି ଆଗକୁ ଆସିନାହାଁନ୍ତି। ଏଥି ସହିତ କ୍ୟାଟ୍ରିନା କୈଫଙ୍କ ପକ୍ଷରୁ କୌଣସି ସରକାରୀ ବିବୃତ୍ତି ମଧ୍ୟ ଆସିନାହିଁ। କହିରଖୁଛୁ କି, ଅଭିନେତ୍ରୀ ଦୀର୍ଘ ଦିନ ଧରି ତାଙ୍କ ଆଗାମୀ ପ୍ରୋଜେକ୍ଟ ବିଷୟରେ କୌଣସି ସୂଚନା ଦେଇନାହାଁନ୍ତି । ଏବେ ଏହା ଦେଖିବାକୁ ପଡ଼ିବ ଯେ, ତାଙ୍କ ଅଭିନୟ ସହ ସମସ୍ତଙ୍କ ହୃଦୟ ଜିତିଥିବା କ୍ୟାଟ୍ରିନା ତାଙ୍କ ନିର୍ଦ୍ଦେଶକ ଡେବ୍ୟୁ ପ୍ରୋଜେକ୍ଟ ସହ କେତେ ଉତ୍ସାହ ସୃଷ୍ଟି କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
