ହାଇଦ୍ରାବାଦ: 'ଗୋଲମାଲ' ଫ୍ରାଞ୍ଚାଇଜରେ ଦର୍ଶକଙ୍କୁ ଏକାଠି ହସାଇଥିବା ଅଭିନେତା ଶ୍ରେୟସ ତାଲପେଡ ଏବଂ ତୁଷାର କପୁରଙ୍କ ଯୋଡିକୁ ଲୋକେ ପରଦାରେ ଦେଖିବାକୁ ଅପେକ୍ଷା କରିଥିଲେ । ବର୍ତ୍ତାମନ ଫ୍ୟାନ୍ସଙ୍କ ଅପେକ୍ଷାର ଅନ୍ତ ହୋଇଛି । ପୁଣି ଏକ ଫିଲ୍ମରେ ଏକାଠି ଦେଖିବାକୁ ମିଳିବ। ଆଜି ତାଙ୍କର ନୂଆ ସିନେମା 'କପକପି' ଘୋଷଣା କରାଯାଇଛି । ମୋଶନ ପୋଷ୍ଟର ସହ ଫିଲ୍ମର ଅନେକ ଖୁଲାସା କରିଛନ୍ତି ନିର୍ମାତା ।
'କ୍ୟା କୁଲ୍ ହେ ହମ୍' ଏବଂ 'ଅପନା ସପନା ମନି ମନି' ଭଳି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିବା ନିର୍ଦ୍ଦେଶକ ସଂଗୀତ ସିବନ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ । ସୌରଭ ଆନନ୍ଦ ଏବଂ କୁମାର ପ୍ରିୟଦର୍ଶୀ ଫିଲ୍ମର ସ୍କ୍ରିପ୍ଟ ଲେଖିଥିବା ବେଳେ ଜୟଶ ପଟେଲଙ୍କ ବ୍ରାଭୋ ଏଣ୍ଟରଟେନମେଣ୍ଟ ବ୍ୟାନରରେ 'କପକାପି' ନିର୍ମିତ ହୋଇଛି । ଶ୍ରେୟସ ତାଲପେଡ ସୋସିଆଲ ମିଡିଆ ହ୍ୟାଣ୍ଡେଲ ଇନଷ୍ଟାଗ୍ରାମରେ ଏହାର ମୋଶନ ପୋଷ୍ଟର ସେୟାର କରିଛନ୍ତି ।
ମୋଶନ ପୋଷ୍ଟର ସେୟାର କରି ଶ୍ରେୟସ କ୍ୟାପସନରେ ଲେଖିଛନ୍ତି ଯେ, କପକପି ଭୟାବହତା ଏବଂ କମେଡିର ମିଶ୍ରଣ ଯାହା ଆପଣ ପୂର୍ବରୁ କେବେ ଦେଖି ନଥିବେ । ଏହା ସହିତ ସେ ଆତ୍ମା ଜୀ ଦର୍ଶନ ଦୋଙ୍କ ହ୍ୟାସଟ୍ୟାଗ୍ ମଧ୍ୟ ଦେଇଛନ୍ତି । ତେବେ ଏହାର ରିଲିଜ୍ ତାରିଖ ଏପର୍ଯ୍ୟନ୍ତ ଘୋଷଣା ହୋଇନାହିଁ । କିନ୍ତୁ ଏହା ଦେଖିବା ପରେ ପ୍ରଶଂସକମାନେ ବହୁତ ଉତ୍ସାହିତ ହୋଇସାରିଛନ୍ତି ଏବଂ ଫିଲ୍ମକୁ ଅପେକ୍ଷା କରିରହିଛନ୍ତି ।
ଏହା ମଧ୍ୟ ପଢନ୍ତୁ: 'କ୍ଲିନିକାଲି ମୁଁ ମରିଯାଇଥିଲି', ହାର୍ଟ ଆଟାକରୁ ସୁସ୍ଥ ପରେ ଅନୁଭୂତି ବଖାଣିଲେ ଶ୍ରେୟସ
'କପକପି' ଷ୍ଟାର କାଷ୍ଟ
ଏହି ଚଳଚ୍ଚିତ୍ରରେ ଶ୍ରେୟସ ତାଲପଡେ ଏବଂ ତୁଷାର କପୁର, ସୋନିଆ ରାଠୀ, ସିଦ୍ଧି ଇଦରାନୀ, ଜୟ ଠକ୍କର, ବରୁଣ ପାଣ୍ଡେ, ଧିରେନ୍ଦ୍ର ତିୱାରୀ, ଦିନକର ଶର୍ମା ଏବଂ ଅଭିଷେକ କୁମାର ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । 'କପକପି' ବ୍ୟତୀତ ଶ୍ରେୟସଙ୍କୁ ଖୁବଶୀଘ୍ର 'ଲଭ୍ ୟୁ ଶଙ୍କର'ରେ ଦେଖିବାକୁ ମିଳିବ । ଯାହା ଚଳିତ ବର୍ଷ ଏପ୍ରିଲରେ ମୁକ୍ତିଲାଭ କରିବାକୁ ଯାଉଛି । ଏଥି ସହିତ ତାଙ୍କର 'ଗୋଲମାଲ ୫'ଏବଂ ଏମରଜେନ୍ସିରେ ବି ସେ ନଜର ଆସିବେ । ତୁଷାର କପୁରଙ୍କ ସମ୍ପର୍କରେ କହିବାକୁ ଗଲେ ସେ ଖୁବଶୀଘ୍ର LSD 2 ରେ ନଜର ଆସିବେ । ତେବେ ଏପର୍ଯ୍ୟନ୍ତ ଏହାକୁ ଆନୁଷ୍ଠାନିକ ଭାବେ ଘୋଷଣା କରାଯାଇ ନାହିଁ ।
ଏହା ମଧ୍ୟ ପଢନ୍ତୁ: ଖୁବଶୀଘ୍ର ପରଦାକୁ ଆସୁଛି 'ଗୋଲମାଲ ୫', କନଫର୍ମ କଲେ ରୋହିତ ଶେଟ୍ଟୀ
