ହାଇଦ୍ରାବାଦ: ବଲିଉଡ ଅଭିନେତ୍ରୀ ଜାହ୍ନବୀ କପୁର ସାଉଥ ସୁପରଷ୍ଟାର ଜୁନିଅର ଏନଟିଆରଙ୍କ ଷ୍ଟାରର ଫିଲ୍ମ 'ଦେବରା'ରୁ ଟଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ଏହାପରେ ସେ ଆରଆରଆର ଷ୍ଟାର ରାମ ଚରଣଙ୍କ ଷ୍ଟାରର ଫିଲ୍ମ RC16ରେ ନଜର ଆସିବେ । ତେବେ ଗୋଆରେ 'ଦେବରା' ପାର୍ଟ ୧ର ସୁଟିଂ ଜାରି ରହିଛି । ଏହାରି ମଧ୍ୟରେ ବର୍ତ୍ତମାନ ଜାହ୍ନବୀ କପୁର ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଦେବରା ସହ ଜଡିତ ଏକ ପୋଷ୍ଟ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି । ଆସନ୍ତୁ ଜାଣିବା ଜାହ୍ନବୀ ତାଙ୍କ ସୁଟିଂ ସାରିଲେଣି ନା ନାହିଁ।
ନିକଟରେ ଗୋଆରେ କୋର୍ଟଲା ଶିବାଙ୍କ ନିର୍ଦ୍ଦେଶନାରେ ନିର୍ମିତ ଫିଲ୍ମ ଦେବରା ପାର୍ଟ 1ର ସୁଟିଂ ସେଟ୍ କରାଯାଇଛି । ଏଠାରୁ ଜୁନିଅର ଏନଟିଆର ଏବଂ ଫିଲ୍ମର ନିର୍ଦ୍ଦେଶକଙ୍କ ଫଟୋ ମଧ୍ୟ ଭାଇରାଲ ହୋଇଥିଲା । ବର୍ତ୍ତମାନ ଜାହ୍ନବୀ କପୁର ତାଙ୍କର ଏହି ସୋସିଆଲ ମିଡିଆ ପୋଷ୍ଟରେ କହିଛନ୍ତି ଯେ, ସେ ତାଙ୍କ ସୁଟିଂ ଶେଷ କରିଛନ୍ତି । ଅଭିନେତ୍ରୀ ଗୋଆର ଏକ ସୁନ୍ଦର ଦୃଶ୍ୟର ଫଟୋ ସେୟାର କରି ଲେଖିଛନ୍ତି, "ପୁନର୍ବାର ଆସିବାକୁ ଅପେକ୍ଷା ହୋଇ ପାରୁନାହିଁ । #Thangam again # Devara ।" ତେବେ ଏହି ଚଳଚ୍ଚିତ୍ରରେ ଜାହ୍ନବୀ କପୁର ଜଣେ ଗାଁ ମହିଳାଙ୍କ ଭୂମିକାରେ ନଜର ଆସିବେ, ଯାହାର ନାମ ଥାଙ୍ଗମ୍ ରହିଛି ।
ଏହା ମଧ୍ୟ ପଢନ୍ତୁ-ଗୋଆରେ ଆରମ୍ଭ 'ଦେବରା' ସୁଟିଂ, ଏହି ଲୁକରେ ନଜର ଆସିଲେ ଏନଟିଆର
ଫିଲ୍ମରୁ ଜାହ୍ନବୀ କପୁରଙ୍କ ଲୁକରୁ ଜଣାପଡୁଛି ଯେ, ତାଙ୍କୁ ଜଣେ ଗାଁ ମହିଳା ଭୂମିକାରେ ଦେଖିବାକୁ ମିଳିବ । ଏଥି ସହିତ ମାର୍ଚ୍ଚ 6ରେ ଜାହ୍ନବୀ କପୁରଙ୍କ ଜନ୍ମଦିନରେ ଫିଲ୍ମରୁ ଅଭିନେତ୍ରୀଙ୍କ ପୋଷ୍ଟର ମଧ୍ୟ ରିଲିଜ ହୋଇଥିଲା । ଜାହ୍ନବୀ କପୁରଙ୍କ ସହ ବଲିଉଡ ତାରକା ସୈଫ ଅଲି ଖାନ ମଧ୍ୟ ଏହି ଫିଲ୍ମରେ ନଜର ଆସିବେ । ପୂର୍ବରୁ ଏହି ଫିଲ୍ମର ନାଁ NTR 30 ଥିଲା । ପରେ ଏହାର ନାଁ ଘୋଷଣା କରିଥିଲେ ନିର୍ମାତା । ଫିଲ୍ମର ନାଁ ପରବର୍ତ୍ତୀ ସମୟରେ ଦେବରା ଘୋଷଣା କରିଥିଲେ । ଦୁଇଟି କିସ୍ତିରେ ଫିଲ୍ମ ପରଦାକୁ ଆସିବ । ତେବେ 'ଦେବରା' ପ୍ରଥମ ଭାଗ ଅକ୍ଟୋବର ୧୦ ତାରିଖରେ ମୁକ୍ତିଲାଭ କରିବ । ଏହି ଫିଲ୍ମ ସହ ଉଭୟ ସୈଫ ଏବଂ ଜାହ୍ନବୀ ଟଲିଉଡରେ ଡେବ୍ୟୁ କରିବା ସହ ପ୍ରଥମ ଥର ପାଇଁ ଜୁନିଅର ଏନଟିଆରଙ୍କ ସହିତ ସ୍କ୍ରିନ୍ ସେୟାର କରିବେ ।
