ହାଇଦ୍ରାବାଦ: ନିକଟରେ ହୃଦଘାତରେ ଶିକାର ହୋଇ ସୁସ୍ଥ ହେବା ପରେ ପୁଣି କାମକୁ ଫେରିଛନ୍ତି ବଲିଉଡ ଲୋକପ୍ରିୟ ଶ୍ରେୟସ ତଲପଡେ । ବର୍ତ୍ତମାନ ଚଳିତ ବର୍ଷ ବ୍ୟାକ ଟୁ ବ୍ୟାକ ଫିଲ୍ମରେ ନଜର ଆସିବେ ଅଭିନେତା । ଏହି ପରିପ୍ରେକ୍ଷୀରେ ବର୍ତ୍ତମାନ ତାଙ୍କ ଅଭିନୀତ ଫିଲ୍ମ 'କର୍ତ୍ତମ ଭୁଗତମ' ପରଦାରେ ରିଲିଜ ହେବାକୁ ଯାଉଛି । ତେବେ ବର୍ତ୍ତମାନ ନିର୍ମାତା ଫିଲ୍ମର ଟିଜର ରିଲିଜ କରିଛନ୍ତି । ଏଥିସହ ଫିଲ୍ମର ରିଲିଜ ତାରିଖ ମଧ୍ୟ ପ୍ରକାଶ ହୋଇଛି । ଚଳିତ ମେ ମାସରେ ପରଦାକୁ ଆସିବ ଫିଲ୍ମ ।
ଏହି ଚଳଚ୍ଚିତ୍ରରେ କର୍ମ ଓ ଭାଗ୍ୟକୁ ନେଇ ସୁନ୍ଦର କାହାଣୀ ପ୍ରଦର୍ଶିତ ହୋଇଛି । ଏଥିରେ ଜ୍ୟୋତିଷ ଶାସ୍ତ୍ରର ରହସ୍ୟ ସହ ମନୋବିଜ୍ଞାନ ମୁହାଁମୁହିଁ ହେଉଥିବା ଦେଖିବାକୁ ମିଳିବ । ୫୬ ସେକେଣ୍ଡର ଏହି ଟିଜରରେ ବିଜୟ ରାଜ କର୍ମ ଏବଂ ଏହାର ଫଳାଫଳ ବିଷୟରେ କହୁଛନ୍ତି । ଯାହା ଘଟିବାକୁ ଥିବ ତାହା ଘଟିବ ବୋଲି ସେ କହିଛନ୍ତି । ଜନ୍ମ ଏବଂ ମୃତ୍ୟୁ ସବୁ ଲେଖା ହୋଇଛି । ଯାହା କରିଛ ତାହା ହେଉଛି କର୍ମ । ଯିଏ କରୁଛି ତାହା ଧର୍ମ ଅଟେ ଏବଂ ଯାହା ଘଟିବ ତାହା ହେଉଛି 'କର୍ତ୍ତମ ଭୁଗତମ' । ଏଥିରେ ତାରକାମାନଙ୍କ ଝଲକ ଦେଖିବାକୁ ମିଳିଛି ।
- " class="align-text-top noRightClick twitterSection" data="">
'କାଲ୍' ଏବଂ 'ଲକ୍' ଭଳି ଚଳଚ୍ଚିତ୍ର ନିର୍ମାଣ କରିଥିବା ସୋହମ୍ ପି ଶାହା ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି । ଶ୍ରେୟସଙ୍କ ବ୍ୟତୀତ ଏହି ଫିଲ୍ମରେ ବିଜୟ ରାଜ, ମଧୁ ଏବଂ ଅକ୍ଷୟ ପରଦାସନୀଙ୍କ ଭଳି ଦକ୍ଷ ଅଭିନେତା ମଧ୍ୟ ଏହି ଫିଲ୍ମରେ ନଜର ଆସିବେ । ନିର୍ମାତାମାନେ ଦାବି କରିଛନ୍ତି ଯେ 'କର୍ତ୍ତମ ଭୁଗତମ' ହେଉଛି ଏକ ମନସ୍ତାତ୍ତ୍ୱିକ ଥ୍ରୀଲର ଯାହା ଦର୍ଶକଙ୍କୁ ଆରମ୍ଭରୁ ଶେଷ ପର୍ଯ୍ୟନ୍ତ ମନୋରଞ୍ଜନ କରିବ ।
ଏହା ମଧ୍ୟ ପଢନ୍ତୁ: ପୁଣି ନିଜ ଅଭିନୟ ଯାଦୁରେ ଦର୍ଶକଙ୍କୁ ହସାଇବେ ତୁଷାର-ଶ୍ରେୟସ, 'କପକପି'ର ମୋଶନ ପୋଷ୍ଟର ଆଉଟ୍
ଏହି ଫିଲ୍ମ ମେ ୧୭ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି । ଏହି ଚଳଚ୍ଚିତ୍ରର ନିର୍ମାତା ଅଟନ୍ତି ଗାନ୍ଧର ଫିଲ୍ମ ଆଣ୍ଡ ଷ୍ଟୁଡିଓ ପ୍ରାଇଭେଟ । ତେବେ ଏହି ଚଳଚ୍ଚିତ୍ର ଭାରତରେ ହିନ୍ଦୀ, ତାମିଲ, ତେଲୁଗୁ, କନ୍ନଡ ଏବଂ ମାଲାୟାଲମ୍ ଭାଷାରେ ମୁକ୍ତିଲାଭ କରିବ । ତେବେ ଟିଜରକୁ ଫ୍ୟାନ୍ସ ବେଶ ପସନ୍ଦ କରିଛନ୍ତି ଏବଂ ଏପରି ନିଆରା କାହାଣୀର ଫିଲ୍ମ କୁ ଦେଖିବାକୁ ଫ୍ୟାନ୍ସ ବେଶ ଉତ୍ସାହିତ ରହିଥିବା ବେଳେ ଶ୍ରେୟସ୍ ମଧ୍ୟ ଏହି ଫିଲ୍ମକୁ ନେଇ ଉତ୍ସାହିତ ରହିଛନ୍ତି ।
