ହାଇଦ୍ରାବାଦ: ମାଆ ହେବା ଦୁନିଆର ସମସ୍ତ ମହିଳାଙ୍କ ସ୍ୱପ୍ନ ଥାଏ । ନିଜେ ଗର୍ଭଧାରଣ କରିବା ଠାରୁ ଆରମ୍ଭ କରି ପିଲା ଜନ୍ମ କରିବା ଯାଏଁ ଏହି ଅନୁଭବ ଜଣେ ମାଆ ପାଇଁ ବେଶ ନିଆରା ହୋଇଥାଏ । ହେଲେ କିଛି ମହିଳା ରୋଗ କିମ୍ୱା ଶାରିରୀକ ସ୍ଥିତି ସମେତ କିଛି ସମସ୍ୟା କାରଣରୁ ଗର୍ଭବତୀ ହୋଇପାରନ୍ତି ନାହିଁ । ଏପରି ସମୟରେ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ଏତେ ଅଗ୍ରଗତି କରିଛି ଯେ ଯେଉଁମାନେ ପିତାମାତା ହୋଇପାରିବେ ନାହିଁ ସେମାନେ ଆଇଭିଏଫ୍ ଏବଂ ସେରୋଗେସି ମାଧ୍ୟମରେ ପିତାମାତା ହୋଇପାରିବେ । ଏହି ତାଲିକାରେ କିଛି ଭାରତୀୟ ସେଲିବ୍ରିଟି ରହିଛନ୍ତି । ଯେଉଁମାନେ ଏହି ଟେକ୍ନିକରେ ପିତାମାତା ହୋଇଛନ୍ତି । ଏଥିରେ କିଛି ଏପରି ତାରକା ମଧ୍ୟ ରହିଛନ୍ତି ଯେଉଁମାନେ ବିନା ବିବାହରେ ମଧ୍ୟ ପିତାମାତା ହୋଇଛନ୍ତି । ତେବେ ଆଜି ବିଶ୍ୱ ଆଇଭିଏଫ ଦିବସ ଅବସରରେ ଭାରତରେ କେଉଁ ସେଲିବ୍ରିଟି ପିତାମାତା ହେବା ପାଇଁ ଏହାର ସାହାରା ନେଇଛନ୍ତି । ଜାଣନ୍ତୁ,
ଏହି ଭାରତୀୟ ସେଲିବ୍ରିଟି ନେଇଛନ୍ତି IVFର ସାହାରା
ନୀତା ଅମ୍ୱାନୀ, ଇଶା ଅମ୍ୱାନୀଙ୍କ ଠାରୁ ଆରମ୍ଭ କରି ଗୌରୀ ଖାନ, ଶିଳ୍ପୀ ଶେଟ୍ଟୀ, ପ୍ରିୟଙ୍କା ଚୋପ୍ରା ଏବଂ ସନ୍ନି ଲିଓନି ଭଳି ତାରକା ଆଇଭିଏଫ(IVF) ଜରିଆରେ ମାଆ ହୋଇଛନ୍ତି । ଏଥିରେ କିଛି ଏପରି ତାରକା ମଧ୍ୟ ରହିଛନ୍ତି ଯେଉଁମାନେ ବିନା ବିବାହରେ ମଧ୍ୟ ପିତା ହୋଇଛନ୍ତି । କରଣ ଜୋହର, ତୁଷାର କପୁର ଭଳି ତାରକା ବିନା ବିବାହରେ ବାପା ହୋଇଛନ୍ତି ।
ନୀତା ଅମ୍ୱାନୀ- ଇଶା ଓ ଆକାଶ ଅମ୍ୱାନୀ
ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡ୍ ଚେୟାରମ୍ୟାନ ମୁକେଶ ଅମ୍ୱାନୀ ଓ ନୀତା ଅମ୍ୱାନୀ ଆଇଭିଏଫ (IVF) ଜରିଆରେ ପିତାମାତା ହୋଇଛନ୍ତି । ବିବାହର ୭ ବର୍ଷ ପର୍ଯ୍ୟନ୍ତ ମୁକେଶ ଓ ନୀତା ପିତାମାତା ହୋଇପାରିନଥିଲେ । ଉଭୟ ଆଇଭିଏଫ୍ ଚିକିତ୍ସା ମାଧ୍ୟମରେ ଯାଆଁଳା ଶିଶୁ ଇଶା ଏବଂ ଆକାଶଙ୍କୁ ଜନ୍ମ ଦେଇଥିଲେ ।
ଇଶା ଅମ୍ୱାନୀ- ଯାଆଁଳା ସନ୍ତାନ
ଇଶା ଅମ୍ୱାନୀ ମଧ୍ୟ ନିଜ ମାଆ ନୀତା ଅମ୍ୱାନୀଙ୍କ ପରି ଆଇଭିଏଫ (IVF) ଜରିଆରେ ଯାଆଁଳା ସନ୍ତାନର ପିତାମାତା ହୋଇଛନ୍ତି । ସେ ଆନନ୍ଦ ପିରାମାଲଙ୍କୁ ଡିସେମ୍ୱର ୧୨, ୨୦୧୮ରେ ବିବାହ କରିଥିବା ବେଳେ ନଭେମ୍ୱର ୨୦୨୨ରେ ଯାଆଁଳା ସନ୍ତାନର ମାଆ ହୋଇଥିଲେ । ସେ ଆଇବିଏଫ ଜରିଆରେ ଝିଅ ଆଦ୍ୟାଶକ୍ତି ଏବଂ ପୁଅ କ୍ରିଷ୍ଣାଙ୍କ ଯାଆଁଳା ସନ୍ତାନକୁ ଜନ୍ମ ଦେଇଛନ୍ତି ।
ଶାହାରୁଖ ଖାନ ଓ ଗୌରୀ ଖାନ- ଅବରାମ ଖାନ
ସୁପରଷ୍ଟାର ଶାହରୁଖ ଖାନ ଏବଂ ତାଙ୍କ ପତ୍ନୀ ଗୌରୀ ଖାନ ମଧ୍ୟ ଆଇଭିଏଫର ସାହାରା ନେଇଛନ୍ତି । ଆର୍ଯ୍ୟନ୍ ଖାନ୍ ଏବଂ ସୁହାନା ଖାନଙ୍କ ପରେ ଏହି ଦମ୍ପତି ତାଙ୍କ ତୃତୀୟ ସନ୍ତାନ ଚାହୁଁଥିଲେ । ତେବେ ଆଇବିଏଫ(IVF) ଜରିଆରେ ଗୌରୀ ଖାନ ଅବରାମ ଖାନ ତୃତୀୟ ସନ୍ତାନ ଭାବରେ ଜନ୍ମ ହୋଇଥିଲେ।
ଆମୀର ଖାନ ଓ କିରଣ ରାଓ- ଆଜାଦ ରାଓ ଖାନ
ଅଭିନେତା-ଚଳଚ୍ଚିତ୍ର ନିର୍ମାତା ଆମୀର ଖାନଙ୍କର ତାଙ୍କର ପ୍ରଥମ ପୂର୍ବତନ ପତ୍ନୀ ରୀନା ଦତ୍ତାଙ୍କ ଜୁନୈଦ ଖାନ ଏବଂ ଇରା ଖାନଙ୍କ ଦୁଇଟି ସନ୍ତାନ ଅଛନ୍ତି । ଯେତେବେଳେ ସେ ରୀନାଙ୍କୁ ଛାଡପତ୍ର ଦେଇଥିଲେ ଏବଂ ପରେ ଚଳଚ୍ଚିତ୍ର ନିର୍ମାତା କିରଣ ରାଓଙ୍କୁ ବିବାହ କରିଥିଲେ, ସେତେବେଳେ ଏହି ଦମ୍ପତି ଏକ ସନ୍ତାନ ଚାହୁଁଥିଲେ । କିନ୍ତୁ କିରଣ ମାଆ ହୋଇପାରୁନଥିଲେ । ଯାହା ପରେ ଉଭୟ ଆଇଭିଏଫ (IVF) ଜରିଆରେ ଆଜାଦ ରାଓ ଖାନଙ୍କ ପିତାମାତା ହୋଇଥିଲେ ।
କରଣ ଜୋହର- ଯାଆଁଳା ସନ୍ତାନ
ବଲିଉଡ ଫିଲ୍ମ ଇଣ୍ଡଷ୍ଟ୍ରିର ଲୋକପ୍ରିୟ ଫିଲ୍ମ ନିର୍ମାତା କରଣ ଜୋହର ଏପର୍ଯ୍ୟନ୍ତ ବିବାହିତ ନୁହଁନ୍ତି, କିନ୍ତୁ ସେ ଆଇଭିଏଫ (IVF) ମାଧ୍ୟମରେ ଦୁଇଟି ସନ୍ତାନର ପିତା ଅଟନ୍ତି । ସେ ଏକାକୀ ପିଲାଙ୍କ ଲାଳନପାଳନ କରିଆସିଛନ୍ତି । କରଣ ୨୦୧୭ ମସିହାରେ ଯାଆଁଳା ଶିଶୁ ୟଶ ଏବଂ ରୋହିଙ୍କ ପିତା ହୋଇଥିଲେ ।
ତୁଷାର କପୁର- ପୁତ୍ର ସନ୍ତାନ
ଏହି ତାଲିକାରେ ବଲିଉଡ ଅଭିନେତା ତୁଷାର କପୁରଙ୍କ ନାମ ମଧ୍ୟ ଅଛି । ତୁଷାର ମଧ୍ୟ ଅବିବାହିତ । କିନ୍ତୁ ସେ ଏବେ ଜଣେ ଶିଶୁଙ୍କ ପିତା ଅଟନ୍ତି । 'ଗୋଲମାଲ' ଅଭିନେତା ୨୦୧୬ରେ ତାଙ୍କ ପୁଅ ଲକ୍ଷ୍ୟଙ୍କ ପିତା ହୋଇଥିଲେ । ଲକ୍ଷ୍ୟ ମଧ୍ୟ ଆଇଭିଏଫ ସରୋଗେସି ସାହାଯ୍ୟରେ ଜନ୍ମ ହୋଇଛନ୍ତି । ତୁଷାରଙ୍କ ପୁଅ ବର୍ତ୍ତମାନ ୭ ବର୍ଷର ଥିବାବେଳେ ଅଭିନେତା ଏକାକୀ ପିତା ସହ ଜଣେ ମାଆ ଭାବେ ତା'ର ସବୁ ଦାୟିତ୍ୱ ତୁଲାଉଛନ୍ତି ।
ଏକତା କପୁର- ପୁତ୍ର ସନ୍ତାନ
ଭାଇ ତୁଷାର କପୁରଙ୍କ ପରି ଭଉଣୀ ତଥା ଟେଲିଭିଜନ ନିର୍ମାତା କୁଇନ ଏକତା କପୁର ମଧ୍ୟ ଆଇଭିଏଫ (IVF) ମାଧ୍ୟମରେ ଜଣେ ଶିଶୁଙ୍କ ମାଆ ଅଟନ୍ତି । ଏକତା କପୁର ମଧ୍ୟ ଅବିବାହିତ । ସେ ଆଇବିଏଫ(IVF) ଜରିଆରେ ଏକ ପୁତ୍ର ସନ୍ତାନର ମାଆ ଅଟନ୍ତି ।
ପ୍ରିୟଙ୍କା ଚୋପ୍ରା ଏବଂ ନିକ ଜୋନାସ୍- ମାଲତୀ ମେରି
୨୦୧୮ରେ ଗ୍ଲୋବାଲ ଷ୍ଟାର ପ୍ରିୟଙ୍କା ଚୋପ୍ରା ଓ ନିକ ଜୋନାସଙ୍କ ସହ ବିବାହ କରିଥିଲେ । ପ୍ରିୟଙ୍କା ଏବଂ ନିକ୍ ୨୦୨୨ ମସିହାରେ ଆଇଭିଏଫ ସରୋଗେସି ମାଧ୍ୟମରେ ଏକ କନ୍ୟା ସନ୍ତାନକୁ ଜନ୍ମ ଦେଇଥିଲେ । ଯାହାଙ୍କ ନାମ ମାଳତୀ ମେରୀ । ନିକ୍ ଏବଂ ପ୍ରିୟଙ୍କା ଏହାକୁ ନେଇ ସୋସିଆଲ ମିଡିଆ ମାଧ୍ୟମରେ ସୂଚନା ଦେଇଥିଲେ । ଜନ୍ମ ହେବାର 3 ମାସ ପରେ ଲାଡଲିଙ୍କ ନାଁ ଘୋଷଣା କରିଥିଲେ ପ୍ରିୟଙ୍କା ଏବଂ ଏକ ବର୍ଷ ପରେ ମାଲତୀଙ୍କ ଚେହେରା ସାର୍ବଜନୀନ କରିଥିଲେ।
ସନ୍ନି ଲିଓନି- ଯାଆଁଳା ସନ୍ତାନ
ବଲିଉଡର ଅନ୍ୟତମ ସେଲିବ୍ରିଟି ସନ୍ନି ଲିଓନି ମଧ୍ୟ ଆଇଭିଏଫ ସରୋଗେସିର ସାହାରା ନେଇଛନ୍ତି । ସେ ୨୦୧୭ରେ ନିସା ନାମକ ଝିଅଙ୍କୁ ଆଡପ୍ଟ କରିଥିଲେ ଏବଂ ସେମାନଙ୍କର ପୁଅ ଆଶୋର ଏବଂ ନୁହଙ୍କୁ ୨୦୧୮ରେ ଆଇବିଏଫ ସରୋଗେସି ମାଧ୍ୟମରେ ଜନ୍ମ ହୋଇଥିଲେ ।
ଶିଳ୍ପା ଶେଟ୍ଟୀ ଏବଂ ରାଜ କୁନ୍ଦ୍ରା
୨୦୦୯ ମସିହାରେ ରାଜ କୁନ୍ଦ୍ରାଙ୍କୁ ବିବାହ କରିଥିଲେ ଶିଳ୍ପା ଶେଟ୍ଟୀ । ତାଙ୍କର ପ୍ରଥମ ସନ୍ତାନ ୨୦୧୨ ମସିହାରେ ଭିଆନ୍ ରାଜ କୁନ୍ଦ୍ରାଙ୍କୁ ଜନ୍ମ ଦେଇଥିଲେ । ପରେ ସେ ନିଜ ଶାରିରୀକ ଅସୁସ୍ଥତା ହେତୁ ମାଆ ହୋଇପାରିନଥିଲେ । ଫଳରେ ସେ IVF ସରୋଗେସି ମାଧ୍ୟମରେ ଝିଅ ସମିଶାଙ୍କ ୨୦୨୦ରେ ମାଆ ହୋଇଥିଲେ ।
ପ୍ରୀତି ଜିଣ୍ଟା- ଯାଆଁଳା ଶିଶୁ
ବଲିଉଡ ଅଭିନେତ୍ରୀ ତଥା ଆଇପିଏଲ୍ ପଞ୍ଜାବ କ୍ରିକେଟ୍ ଦଳର ସହ-ମାଲିକାଣୀ ପ୍ରୀତି ଜିଣ୍ଟା ୨୦୧୬ ମସିହାରେ ଜିନ୍ ଗୁଡେନୋଫ୍ଙଙ୍କୁ ବିବାହ କରିଥିଲେ । ବହୁ ବର୍ଷ ଧରି ପ୍ରଜନନ ଚିକିତ୍ସା ଗ୍ରହଣ କରିବା ପରେ ମଧ୍ୟ ଗର୍ଭଧାରଣ କରିବାରେ ସକ୍ଷମ ହୋଇନଥିଲେ । ଆଇଭିଏଫ୍ ସରୋଗେସି ପାଇଁ ନିଷ୍ପତ୍ତି ନେଇ ଯାଆଁଳା ଶିଶୁ ଏକ ପୁଅ ଏବଂ ଝିଅ ଜୟ ଓ ଜିଆ ଜିଣ୍ଟା ଗୁଡେନୋଫଙ୍କ ପିତାମାତା ହୋଇଥିଲେ ।
ଫରାହ ଖାନ- ତିନି ସନ୍ତାନ
ଚଳଚ୍ଚିତ୍ର ନିର୍ମାତା-କୋରିଓଗ୍ରାଫର ଫରାହ ଖାନ ଏବଂ ସମ୍ପାଦକ-ଚଳଚ୍ଚିତ୍ର ନିର୍ମାତା ସିରିଶ କୁନ୍ଦର ୨୦୦୮ରେ ଆଇଭିଏଫ (IVF) ମାଧ୍ୟମରେ ୩ଟି ସନ୍ତାନର ପିତାମାତା ହୋଇଥିଲେ । ସେ ଜାର, ଆନ୍ୟା ଏବଂ ଦିବ୍ୟା ।
ଏହା ମଧ୍ୟ ପଢନ୍ତୁ: ନିଃସନ୍ତାନ ଦମ୍ପତିଙ୍କ ପାଇଁ ଆଶାର କିରଣ IVF
ସୋହିଲ ଖାନ ଓ ସୀମା- ୟୋହାନ ଖାନ
ସଲମାନ ଖାନଙ୍କ ଭାଇ ସୋହିଲ ଖାନ ଦ୍ୱିତୀୟ ସନ୍ତାନ ପାଇବାକୁ ଚାହୁଁଥିଲେ । ପ୍ରଥମ ସନ୍ତାନର ୧୦ ବର୍ଷ ପରେ ତାଙ୍କ ପତ୍ନୀ ସୀମା ଏବଂ ସେ ଆଇବିଏଫ(IVF)ର ସାହାରା ନେଇଥିଲେ । ପ୍ରଥମ ପୁଅ ନିର୍ବାଣ ଖାନଙ୍କ ପରେ ତାଙ୍କର ୟୋହାନ ଖାନଙ୍କୁ ଆଇଭିଏଫ ଜରିଆରେ ଜନ୍ମଗ୍ରହଣ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
