ହାଇଦ୍ରାବାଦ: ଆଜି ସାଉଥ ମେଗାଷ୍ଟାର ଚିରଞ୍ଜୀବୀ 69ତମ ଜନ୍ମଦିନ ପାଳନ କରୁଛନ୍ତି । ଏହି ସମୟରେ ଅଭିନେତା ଚିରଞ୍ଜୀବୀ ତିରୁମାଲା ଭେଙ୍କଟେଶ୍ୱର ସ୍ୱାମୀଙ୍କ ମନ୍ଦିର ଦର୍ଶନ କରିଛନ୍ତି । ଚିରଞ୍ଜୀବୀ ତାଙ୍କ ପତ୍ନୀ ସୁରେଖା କୋନିଡେଲାଙ୍କ ସହ ପାରମ୍ପରିକ ଲୁକରେ ପ୍ରଭୁ ବାଲାଜୀଙ୍କଠାରୁ ଆଶୀର୍ବାଦ ନେଇଛନ୍ତି । ଯାହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେଉଛି । ସେପଟେ ଅଭିନେତାଙ୍କ ଜନ୍ମଦିନରେ ପୁଣି ରିଲିଜ ହେଉଛି ମେଗାଷ୍ଟାରଙ୍କ ସୁପରହିଟ୍ ଫିଲ୍ମ 'ଇନ୍ଦ୍ରା- ଦ ଟାଇଗର' । ଯାହା 22 ବର୍ଷ ହେବାକୁ ଥିବା ବେଳେ ସିନେପ୍ରେମୀଙ୍କ ପାଇଁ ଏହା ଭଲ ଉପହାର ଅଟେ।
#WATCH | Andhra Pradesh: Actor Konidela Chiranjeevi offered prayers at Venkateswara Swamy Temple in Tirumala, on his 69th birthday. pic.twitter.com/umhjQlNcl2
— ANI (@ANI) August 22, 2024
22 ବର୍ଷ ପରେ ପୁଣି ରିଲିଜ ହେଉଛି 'ଇନ୍ଦ୍ରା'
2002ରେ ରିଲିଜ ହୋଇଥିବା ବ୍ଲକବଷ୍ଟର ଆକ୍ସନ୍ ଥ୍ରୀଲର ଚଳଚ୍ଚିତ୍ର 'ଇନ୍ଦ୍ରା' ଆଜି 22 ଅଗଷ୍ଟ, ଅଭିନେତା ଚିରଞ୍ଜୀବୀଙ୍କ ଜନ୍ମଦିନ ଅବସରରେ ପୁନଃରିଲିଜ ହେଉଛି । ଚିରଞ୍ଜୀବୀ ଫିଲ୍ମ ଇନ୍ଦ୍ରାରୁ ଶ୍ରେଷ୍ଠ ତେଲୁଗୁ ଅଭିନେତା ଭାବରେ ଫିଲ୍ମଫେୟାର ଏବଂ ନନ୍ଦୀ ପୁରସ୍କାର ମଧ୍ୟ ପାଇଥିବା ବେଳେ ଆଜି 22 ବର୍ଷ ପରେ ବିଶ୍ୱରେ ଏହି ଫିଲ୍ମ ପୁଣି ରିଲିଜ ହେଉଛି । ନିକଟରେ ନିର୍ମାତା ବୈଜୟନ୍ତୀ ମୁଭ୍ସି 'ଇନ୍ଦ୍ରା' ଫିଲ୍ମର ପୁନଃ ରିଲିଜ ବିଷୟରେ ସୂଚନା ଦେଇଛନ୍ତି । ନିର୍ମାତାମାନେ ନିଜ ପୋଷ୍ଟରେ ଲେଖିଥିଲେ, ବୈଜୟନ୍ତୀ ମୁଭ୍ସିର 50 ବର୍ଷ ପୂରଣ ଅବସରରେ ଏବଂ ମେଗାଷ୍ଟାର ଚିରଞ୍ଜୀବୀଙ୍କ ଜନ୍ମଦିନକୁ ସ୍ୱତନ୍ତ୍ର କରିବା ପାଇଁ ଫିଲ୍ମଟି ପୁନଃ ମୁକ୍ତିଲାଭ କରୁଛି ।
22 glorious years of MEGA BLOCKBUSTER #Indra, a film that etched its mark on cinema and our hearts forever ❤️
— Vyjayanthi Movies (@VyjayanthiFilms) July 24, 2024
In celebration of 50 GOLDEN YEARS OF VYJAYANTHI MOVIES, let’s relive the magic with a 𝐆𝐫𝐚𝐧𝐝 𝐑𝐞-𝐑𝐞𝐥𝐞𝐚𝐬𝐞 𝐨𝐧 𝐀𝐔𝐆𝐔𝐒𝐓 𝟐𝟐, in honour of Megastar… pic.twitter.com/jF3eSXrUX7
ସର୍ବାଧିକ ଆୟ କରିଥିବା ଫିଲ୍ମ ଅଟେ 'ଇନ୍ଦ୍ରା'
2002 ମସିହାରେ ରିଲିଜ କରିଥିବା ଏହି ଫିଲ୍ମ ବକ୍ସ ଅଫିସରେ 55 କୋଟି ଟଙ୍କାର ବ୍ୟବସାୟ କରିଥିଲା । ଏହିପରି ଏହା ଟଲିଉଡର ସବୁଠାରୁ ଅଧିକଆୟ କରିଥିବା ଚଳଚ୍ଚିତ୍ର ବୋଲି ପ୍ରମାଣିତ ହୋଇଥିଲା । ଏହି ଚଳଚ୍ଚିତ୍ରରେ ଆରତୀ ଅଗ୍ରୱାଲ, ସୋନାଲି ବେନ୍ଦ୍ରେ, ପ୍ରକାଶ ରାଜ ଏବଂ ମୁକେଶ ଋଷି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଏହି ଚଳଚ୍ଚିତ୍ରରେ ମଣି ଶର୍ମାଙ୍କ ସଙ୍ଗୀତ ଥିଲା। ଫିଲ୍ମ ଇନ୍ଦ୍ରା ତାମିଲରେ ଇନ୍ଦ୍ରିୟନ ଏବଂ ହିନ୍ଦୀରେ 'ଇନ୍ଦ୍ରା-ଦ ଟାଇଗର' ନାମରେ ନାମିତ ହୋଇଥିଲା । ହିନ୍ଦୀ ବେଲ୍ଟର ଦର୍ଶକଙ୍କ ମଧ୍ୟରେ ଏବେ ମଧ୍ୟ ବହୁତ କ୍ରେଜ ଅଛି । ଚିରଞ୍ଜୀବୀ ଏହି ଫିଲ୍ମରେ ଟ୍ୟାକ୍ସି ଡ୍ରାଇଭର ଭୂମିକାରେ ଅଭିନୟ କରିଥିଲେ ।
ଏହା ମଧ୍ୟ ପଢନ୍ତୁ: ପଦ୍ମ ବିଭୂଷଣ ସମ୍ମାନ ପାଇ ଖୁସିବ୍ୟକ୍ତ କଲେ ଚିରଞ୍ଜୀବୀ, ରାମ-ଅଲ୍ଲୁ କହିଲେ ଏମିତି କଥା
#WATCH | Delhi: President Droupadi Murmu confers Padma Vibhushan to Konidela Chiranjeevi in the field of Art. pic.twitter.com/dh1ehQJz8m
— ANI (@ANI) May 9, 2024
150ରୁ ଅଧିକ ଦମଦାର ଚଳଚ୍ଚିତ୍ର କରିଛନ୍ତି ଚିରଞ୍ଜୀବୀ
ସୂଚନା ଥାଉ କି, ଚିରଞ୍ଜୀବୀ ହିନ୍ଦୀ ଭାଷା ସମେତ ତେଲୁଗୁ, ତାମିଲ, କନ୍ନଡ ଏବଂ ହିନ୍ଦୀ ଭାଷାରେ ଅନେକ ଚଳଚ୍ଚିତ୍ର କରିଛନ୍ତି । ୧୯୭୮ ମସିହାରେ 'ପୁନାଧିରଲୁ' ସହ ତାଙ୍କ ଚଳଚ୍ଚିତ୍ର ଜୀବନ ଆରମ୍ଭ କରିଥିବା ମେଗାଷ୍ଟାର 150ରୁ ଅଧିକ ଦମଦାର ଚଳଚ୍ଚିତ୍ରରେ କାମ କରିଛନ୍ତି । ନିଜର ଚମତ୍କାର ଅଭିନୟରେ ଦର୍ଶକଙ୍କ ମନରେ ରାଜ କରିଆସିଛନ୍ତି 69 ବର୍ଷୀୟ ସାଉଥ ଭାରତୀୟ ମେଗାଷ୍ଟାର ଚିରଞ୍ଜୀବୀ । ଏହି ଅଭିନେତା ସମ୍ମାନଜନକ ରଘୁପତି ଭେଙ୍କୟା ପୁରସ୍କାର, ତିନୋଟି ନନ୍ଦୀ ପୁରସ୍କାର ଏବଂ ନଅଟି ଫିଲ୍ମଫେୟାର ପୁରସ୍କାର ମଧ୍ୟ ପାଇଛନ୍ତି । ଚିରଞ୍ଜୀବୀ ୨୦୦୬ରେ ପଦ୍ମ ଭୂଷଣ ପ୍ରଦାନ କରାଯାଇଥିଲା । ବର୍ତ୍ତମାନ ତାଙ୍କୁ ପୁଣି ପଦ୍ମ ବିଭୂଷଣ ପୁରସ୍କାରରେ ସମ୍ମାନିତ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
