ମୁମ୍ବାଇ: ଫ୍ୟାନ୍ସଙ୍କ ଅପେକ୍ଷାର ହେବ ଅନ୍ତ । ଆସନ୍ତାକାଲି(ବୁଧବାର) ରିଲିଜ ହେବ 'ବଡେ ମିୟାଁ ଛୋଟେ ମିୟାଁ' ଫିଲ୍ମର ଟିଜର । ଫିଲ୍ମ ଆସନ୍ତା ଏପ୍ରିଲ ମାସରେ ଇଦ ଉପଲକ୍ଷେ ଫିଲ୍ମ ରିଲିଜ ହେବାକୁ ଥିବାବେଳେ ନିର୍ମାତା ଫ୍ୟାନ୍ସଙ୍କ ଉତ୍ସାହକୁ ଦ୍ବିଗୁଣିତ କରିବା ପାଇଁ କାଲି ଫିଲ୍ମର ଟିଜର ରିଲିଜ କରିବାକୁ ଯାଉଛନ୍ତି । ଏନେଇ ପୂର୍ବରୁ ଟିଜିର ରିଲିଜ ଡେଟ ପ୍ରକାଶ ପାଇଥିବା ବେଳେ ବର୍ତ୍ତମାନ ନୂଆ ପୋଷ୍ଟର ସହ ଟିଜର ରିଲିଜ ସମୟ ମଧ୍ୟ ପ୍ରକାଶ ପାଇଛି । ଦୁଇ ବଲିଉଡ ଆକ୍ସନ୍ ହିରୋ ଅକ୍ଷୟ କୁମାର ଏବଂ ଟାଇଗର ଶ୍ରଫ ପ୍ରଥମ ଥର ପାଇଁ 'ବଡେ ମିୟାଁ ଛୋଟେ ମିୟାଁ' ଫିଲ୍ମରେ ଏକାଠି ନଜର ଆସିବେ ।
ବର୍ତ୍ତମାନ ଫିଲ୍ମ 'ବଡେ ମିୟାଁ ଛୋଟେ ମିୟାଁ'ର ଟିଜର ରିଲିଜ ହେବାକୁ ୨୪ ଘଣ୍ଟାରୁ କମ୍ ସମୟ ବାକି ଅଛି । ଫିଲ୍ମର ଟିଜର ଜାନୁଆରୀ ୨୪ ଅର୍ଥାତ ଆସନ୍ତାକାଲି ସକାଳ ୧୦ଟାରେ ରିଲିଜ ହେବାକୁ ଯାଉଛି । ଆକ୍ସନ ଫିଲ୍ମ 'ବଡେ ମିୟାଁ ଛୋଟେ ମିୟାଁ'ର ଟିଜର ସମୟ ସହିତ ରିଲିଜ ହୋଇଥିବା ଫିଲ୍ମର ନୂଆ ପୋଷ୍ଟର କୌତୁହଳ ଲାଗୁଛି । ବାମ ପାର୍ଶ୍ୱରେ ଟାଇଗର ଏବଂ ଡାହାଣରେ ଅକ୍ଷୟ କୁମାରଙ୍କୁ ବନ୍ଧୁକ ଧରିଥିବାର ଦେଖିବାକୁ ମିଳିଛି । ବାସୁ ଭାଗ୍ନାନୀ ଏବଂ ଜ୍ୟାକି ଭାଗ୍ନାନୀ ଦ୍ବାରା ପୂଜା ଏଣ୍ଟରଟେନମେଣ୍ଟ ବ୍ୟାନରରେ ନିର୍ମିତ ଏହି ଫିଲ୍ମ । ଅଲି ଅବ୍ବାସ ଜାଫର ନିର୍ଦ୍ଦେଶନା ଦେଇଛନ୍ତି ।
ଏହା ମଧ୍ୟ ପଢନ୍ତୁ-2024ଇଦରେ ରିଲିଜ ହେବ ବଡ଼େ ମିୟା ଛୋଟେ ମିୟାଁ ! ଏକାଠି ନଜର ଆସିବେ ଅକ୍ଷୟ-ଟାଇଗର
ରିପୋର୍ଟ ଅନୁସାରେ, ନିର୍ମାତାମାନେ ଏହି ଫିଲ୍ମକୁ ବ୍ଲକବଷ୍ଟର ସହ ଦର୍ଶକଙ୍କୁ ଭରପୁର ମନୋରଞ୍ଜନ ଖୋରାକ ଯୋଗାଇବା ଉଦ୍ଦେଶ୍ୟରେ ତିଆରି କରିବାକୁ ପ୍ରସ୍ତୁତି ଚଳାଇଛନ୍ତି । ତେବେ ଏହି ଫିଲ୍ମରେ ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା, ମାନୁଶି ଚିଲାର୍ ଏବଂ ଆଲାୟା ଏଫ୍ ପ୍ରମୁଖ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଏହି ଫିଲ୍ମ ହିନ୍ଦୀ, ତେଲୁଗୁ ଓ ତାମିଲ, କନ୍ନଡ ଏବଂ ମାଲାୟାଲମ ଭାଷାରେ ରିଲିଜ ହେବ ।
