ହାଇଦ୍ରାବାଦ: ଖୁବଶୀଘ୍ର ପିତାମାତା ହେବାକୁ ଯାଉଛନ୍ତି ବଲିଉଡ ଅଭିନେତ୍ରୀ ଆଥିଆ ଶେଟ୍ଟୀ ଏବଂ କ୍ରିକେଟର କେ.ଏଲ୍ ରାହୁଲ । ନଭେମ୍ବର 8 ରେ ପ୍ରଥମ ଗର୍ଭଧାରଣ ଘୋଷଣା କରି ସେମାନଙ୍କ ଫ୍ୟାନ୍ସଙ୍କୁ ଖୁସି ଖବର ଦେଇଛନ୍ତି । ସେ ଏହି ଖୁସି ଖବର ସୋସିଆଲ ମିଡିଆରେ ଏକ ହୃଦୟସ୍ପର୍ଶୀ ପୋଷ୍ଟ ମାଧ୍ୟମରେ ସେୟାର କରିଛନ୍ତି । ଜାନୁଆରୀ 2023 ରେ ବିବାହ କରିଥିବା ଏହି ଦମ୍ପତି ଏବେ ସେମାନଙ୍କର ପ୍ରଥମ ସନ୍ତାନର ପ୍ରସବ ତାରିଖ ମଧ୍ୟ ପ୍ରକାଶ କରିଛନ୍ତି । ଏହି ଖୁସି ଖବର ଦେବା ପରେ ଚାରିଆଡୁ ଛୁଟୁଛି ଶୁଭେଚ୍ଛାର ସୁଅ ।
ଆଥିଆ-ରାହୁଲଙ୍କ ପ୍ରଥମ ଶିଶୁ କେବେ ଜନ୍ମ ହେବ?
ଆଥିଆ ଏବଂ ରାହୁଲ ସୋସିଆଲ ମିଡିଆରେ ଏକ ସୁନ୍ଦର କପଲେଟ୍ ପୋଷ୍ଟ ସେୟାର କରି ଲେଖିଛନ୍ତି, 'ଆମର ସୁନ୍ଦର ଖୁସି ଶୀଘ୍ର ଆସିବ । 2025 ଏହାର ଅର୍ଥ ଆଥିଆ ଏବଂ ରାହୁଲ 2025 ରେ ପିତାମାତା ହେବାକୁ ଯାଉଛନ୍ତି । ଯଦିଓ ପ୍ରସବର କୌଣସି ସଠିକ ତାରିଖ ପ୍ରକାଶ କରାଯାଇ ନାହିଁ, ଏହି ଘୋଷଣା ତାଙ୍କ ଫ୍ୟାନ୍ସଙ୍କ ମଧ୍ୟରେ ଖୁସିର ଲହରୀ ସୃଷ୍ଟି କରିଛି । ଆଥିଆଙ୍କ ଭାଇ ଅହାନ ଶେଟ୍ଟୀ ପ୍ରତିକ୍ରିୟାରେ ହାର୍ଟ ଇମୋଜି ଦେଇଛନ୍ତି । ସେହିପରି ଫ୍ୟାନ୍ସ ସମେତ ସେଲିବ୍ରିଟି ଏହି ଦମ୍ପତିଙ୍କୁ ଶୁଭକାମନା ଜଣାଇଛନ୍ତି ।
ଏହା ମଧ୍ୟ ପଢନ୍ତୁ: ପଡିଲା ହାତଗଣ୍ଠି, ନୂଆ ଇନିଂସ ଆରମ୍ଭ କଲେ ରାହୁଲ
ଦୁଇ ବର୍ଷ ପରେ ପିତାମାତା ହେବେ ଆଥିଆ-ରାହୁଲ
ପ୍ରାୟ ତିନି ବର୍ଷ ଧରି ପରସ୍ପରକୁ ଡେଟିଂ କରିବା ପରେ ଏହି ଦମ୍ପତି 23 ଜାନୁୟାରୀ 2023 ରେ ବିବାହ କରିଥିଲେ । ଆଥିଆଙ୍କ ବାପା ସୁନୀଲ ଶେଟ୍ଟୀଙ୍କ ଖଣ୍ଡାଲା ଫାର୍ମହାଉସରେ ପାରମ୍ପରିକ ରୀତିନୀତିରେ ଉଭୟଙ୍କ ବିବାହ ହୋଇଥିଲା । ଏହି ବିବାହ ସମାରୋହରେ କେବଳ କିଛି ପରିବାର ସଦସ୍ୟ ଏବଂ ଘନିଷ୍ଠ ବନ୍ଧୁ ଉପସ୍ଥିତ ଥିଲେ । ବର୍ତ୍ତମାନ ବିବାହର ପ୍ରାୟ ଦୁଇ ବର୍ଷ ପରେ ଦମ୍ପତିଙ୍କ ଘରକୁ କୁନି ଅତିଥି ଆସିବାକୁ ଯାଉଛନ୍ତି ।
ଏହା ମଧ୍ୟ ପଢନ୍ତୁ: ଏହି ବିଳାସପୂର୍ଣ୍ଣ ଫାର୍ମହାଉସରେ ହେବ ବିବାହ ଉତ୍ସବ, ଦେଖନ୍ତୁ ଭିଡ଼ିଓ
ଏହି ଚଳଚ୍ଚିତ୍ରଗୁଡ଼ିକରେ କାମ କରିଛନ୍ତି ଆଥିଆ
ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ଆଥିଆଙ୍କୁ ଶେଷ ଥର ପାଇଁ 2019 ରେ ମୁକ୍ତିଲାଭ କରିଥିବା ଚଳଚ୍ଚିତ୍ର 'ମୋତିଚୁର ଚକନାଚୁର'ରେ ଦେଖିବାକୁ ମିଳିଥିଲା । ଏହି ଚଳଚ୍ଚିତ୍ରରେ ତାଙ୍କ ସହ ନୱାଜୁଦ୍ଦିନ ସିଦ୍ଦିକି ନଜର ଆସିଥିଲେ । ଏହା ବ୍ୟତୀତ ସେ ଅର୍ଜୁନ କପୁରଙ୍କ ସହ 'ମୁବାରଖାଁ'ରେ ଏବଂ 'ହିରୋ'ରେ ସୋରାଜ ପଞ୍ଚୋଲିଙ୍କ ସହ କାମ କରିଛନ୍ତି। ଆଥିଆ ଏପର୍ଯ୍ୟନ୍ତ ତାଙ୍କର କୌଣସି ନୂତନ ପ୍ରକଳ୍ପ ଘୋଷଣା କରିନାହାଁନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
