ହାଇଦ୍ରାବାଦ: ସଂଗୀତଜ୍ଞ ଏ ଆର୍ ରେହମାନ ଏବଂ ତାଙ୍କ ପତ୍ନୀ ସାଇରା ବାନୋ ନିକଟରେ ସେମାନଙ୍କର 29 ବର୍ଷର ସମ୍ପର୍କରେ ପୂର୍ଣ୍ଣଚ୍ଛେଦ ପକାଇଛନ୍ତି । ଏନେଇ ନିକଟରେ ସୋସିଆଲ ମିଡିଆରେ ଏକ ପୋଷ୍ଟ କରି ଛାଡପତ୍ର ଘୋଷଣା କରିଥିଲେ । ଯାହା ସମସ୍ତଙ୍କୁ ଚକିତ କରିଥିଲା । କିନ୍ତୁ ଫିଲ୍ମ ଇଣ୍ଡଷ୍ଟ୍ରିରେ ସେଲିବ୍ରିଟିଙ୍କ ବିବାହ ବିଚ୍ଛେଦ ଘଟଣା ନୂଆ କଥା ନୁହେଁ । ପ୍ରତିଦିନ କିଛି ଦମ୍ପତିଙ୍କ ଅଲଗା ହେବାର ଖବର ଆସେ । ଅନେକ ଥର ଆମେ ବିଶ୍ୱାସ କରିପାରୁ ନାହୁଁ ଯେ ଏହି ଦମ୍ପତି ମଧ୍ୟ ଅଲଗା ହୋଇପାରନ୍ତି ଏବଂ ଅନେକ ଥର ଆମେ ଆଶ୍ଚର୍ଯ୍ୟ ହୋଇଥାଉ କି ସାଧାରଣ ଲୋକଙ୍କ ଅପେକ୍ଷା ଫିଲ୍ମ ଇଣ୍ଡଷ୍ଟ୍ରିରେ ଅଧିକ ଛାଡପତ୍ର ହେବାର କାରଣ କ’ଣ ହୋଇପାରେ? ଏ.ଆର ରହମାନଙ୍କ ଓକିଲ ବନ୍ଦାନା ଶାହା ଏହାର କାରଣ ଦର୍ଶାଇଛନ୍ତି । ଏକ ସାକ୍ଷାତକାରରେ ସେ ସେଲିବ୍ରିଟିଙ୍କ ଛାଡପତ୍ର ପଛର ମୁଖ୍ୟ କାରଣ କ'ଣ ରହିଛି ତାହା ସେ ବର୍ଣ୍ଣନା କରିଛନ୍ତି ।
ସେଲିବ୍ରିଟିଙ୍କ କାହିଁକି ହୁଏ ଛାଡପତ୍ର ?
ସାକ୍ଷାତକାରରେ ଓକିଲ ବନ୍ଦାନା ଶାହାଙ୍କୁ ଫିଲ୍ମ ଇଣ୍ଡଷ୍ଟ୍ରିରେ ଛାଡପତ୍ର ବିଷୟରେ ପଚରାଯାଇଥିଲା। ଏହା ଉତ୍ତରରେ ବନ୍ଦାନା କହିଛନ୍ତି, 'ସର୍ବପ୍ରଥମେ, ଏଠାରେ ଜୀବନ ବହୁତ ଅଲଗା, ମୁଁ ଭାବୁନାହିଁ ଯେ ଅଧିକାଂଶ ଛାଡପତ୍ର ପଛର କାରଣ ହେଉଛି ଧୋକା ହୋଇଥାଏ । ଅଧିକାଂଶ ବୈବାହିକ ସମ୍ପର୍କ ଭାଙ୍ଗିବାର ପ୍ରଥମ କାରଣ ହେଉଛି ବିରକ୍ତିକର ବିଷୟ, ଜଣକୁ ଛାଡି ଅନ୍ୟ ଜଣଙ୍କ ପସନ୍ଦ କରିବା ଏକ ପ୍ରମୁଖ କାରଣ ହୋଇଥାଏ । ଦ୍ୱିତୀୟତଃ ସାଧାରଣ ଲୋକଙ୍କ ଅପେକ୍ଷା ବଲିଉଡ ଲୋକଙ୍କ ଯୌନ(sex) ଆଶା ଅଧିକ ଥାଏ । ତୃତୀୟରେ ଦମ୍ପତିଙ୍କ ମଧ୍ୟରେ, ଏକ ତୃତୀୟ ବ୍ୟକ୍ତିଙ୍କୁ ଅଧିକ ପ୍ରାଥମିକତା ଦେବା ଏବଂ ଏହି ତୃତୀୟ ବ୍ୟକ୍ତି ହେଉଛନ୍ତି ପରିବାରର କେହି ହୋଇଥାନ୍ତି । ଏହି ତୃତୀୟ ବ୍ୟକ୍ତି ମାଆ, ଭାଇ କିମ୍ବା ପିତା ହୋଇପାରନ୍ତି । ସାଉଥ ଇଣ୍ଡଷ୍ଟ୍ରିରେ ଏପରି ଏକ ମାମଲା ଅଛି ଯେଉଁଥିରେ ପୁଅର ବାପା ବହୁତ ଧନୀ, ଯେତେବେଳେ ପୁଅ ତାଙ୍କ ପତ୍ନୀଙ୍କ ଆଗରେ ସିଂହ କିନ୍ତୁ ବାପାଙ୍କ ସାମ୍ନାରେ ବହୁତ କିଛି କହିବାକୁ ଅସମର୍ଥ । ତେଣୁ ଝିଅ ଏଥିରେ ଖୁସି ନୁହଁନ୍ତି । ତେଣୁ ସମ୍ପର୍କ ଭାଙ୍ଗିବା ଏହା ମଧ୍ୟ ଏକ ପ୍ରମୁଖ କାରଣ ।
ଏହା ମଧ୍ୟ ପଢନ୍ତୁ: ଛାଡ଼ପତ୍ର ପରେ ଚର୍ଚ୍ଚାରେ AR ରେହମାନ-ମୋହିନୀ, ସଂପର୍କ ନେଇ ଖୁଲାସା କଲେ ଓକିଲ
ଏହି ବଲିଉଡ ସେଲିବ୍ରିଟିଙ୍କ ହୋଇଛି ଛାଡପତ୍ର
ବିବାହର 29 ବର୍ଷ ପରେ ଏ ଆର୍ ରହମାନ ଏବଂ ସାଇରା ବାନୋ ଛାଡପତ୍ର ଘୋଷଣା କରିଥିଲେ। କିନ୍ତୁ ଏହା ପ୍ରଥମ ଘଟଣା ନୁହେଁ ଯେ ଏତେ ବର୍ଷ ପରେ ବଲିଉଡ କିମ୍ବା ମନୋରଞ୍ଜନ ଜଗତର ଏକ ଦମ୍ପତି ଏପରି ନିଷ୍ପତ୍ତି ନେଇଛନ୍ତି, ବରଂ ଏହା ଅନେକ ଥର ଘଟିଛି। ବିବାହର 13 ବର୍ଷ ପରେ ହ୍ରିତିକ ରୋଶନ ଏବଂ ସୁଜୈନ ଖାନ ଅଲଗା ହୋଇଥିଲେ। ସେହିପରି 19 ବର୍ଷ ବିବାହ ପରେ 2017ରେ ଅରବାଜ ଖାନ ଏବଂ ମଲାଇକା ଆରୋରା ଛାଡପତ୍ର ନେଇଥିଲେ । ଏମାନଙ୍କ ବ୍ୟତୀତ ସୈଫ ଅଲି ଖାନ-ଅମୃତା ସିଂ, ଆମୀର ଖାନ-ରୀନା ଦତ୍ତା, କରିସ୍ମା କପୁର-ସଞ୍ଜୟ କପୁର, ଫରହାନ ଅଖତର-ଅଦୁନା, କରଣ ସିଂ ଗ୍ରୋଭର- ଜେନିଫର ୱିଙ୍ଗେଟ, ଅନୁରାଗ କଶ୍ୟପ-କଲକି କୋଚଲିନ, ସୋହିଲ ଖାନ- ସୀମା ସାଧଦେବ, ଇମ୍ରାନ ଖାନ-ଅବନ୍ତିକା ମଲିକ ଭଳି ସେଲିବ୍ରିଟି ମଧ୍ୟ ଛାଡପତ୍ର ଘୋଷଣା କରି ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି । ଏତଦ୍ ବ୍ୟତୀତ, ବର୍ତ୍ତମାନର ସବୁଠାରୁ ଚର୍ଚ୍ଚାର ବିଷୟ ପାଲଟିଛି ଐଶ୍ୱର୍ଯ୍ୟା ରାୟ ଏବଂ ଅଭିଷେକ ବଚ୍ଚନଙ୍କ ବିବାହ ବିଚ୍ଛେଦ । ହେଲେ ଉଭୟ ପକ୍ଷରୁ କୌଣସି ସରକାରୀ ବିବୃତ୍ତି ଆସିନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
