ଶାହାରୁଖ ଖାନଙ୍କୁ ହତ୍ୟା ଧମକ, ସଲମାନଙ୍କ ପରେ ଏବେ ଟାର୍ଗେଟରେ କିଙ୍ଗ ଖାନ

ଶାହାରୁଖ ଖାନଙ୍କୁ ମିଳିଲା ହତ୍ୟା ଧମକ । ସଲମାନ ଖାନଙ୍କ ପରେ ଏବେ ଟାର୍ଗେଟରେ କିଙ୍ଗ ଖାନ । ଅଧିକ ପଢନ୍ତୁ,

ହାଇଦ୍ରାବାଦ: ବଲିଉଡର ସୁପରଷ୍ଟାର ଶାହାରୁଖ ଖାନଙ୍କୁ ହତ୍ୟା ଧମକ । ସଲମାନ ଖାନଙ୍କ ପରେ ବର୍ତ୍ତମାନ ବଲିଉଡର କିଙ୍ଗ ଖାନ ଅର୍ଥାତ୍ ଶାହାରୁଖ ଖାନଙ୍କୁ ହତ୍ୟା ଧମକ ମିଳିଛି । ଯାହାକୁ ନେଇ ବର୍ତ୍ତମାନ ବାନ୍ଦ୍ରା ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ମୁମ୍ବାଇ ପୋଲିସର ସୂଚନାନୁସାରେ, ଶାହାରୁଖ ଖାନଙ୍କୁ ହତ୍ୟା ଧମକ ଦେଇଥିବା ବ୍ୟକ୍ତି ଜଣକ ଛତିଶଗଡର ରାୟପୁରର ବୋଲି ଜଣାପଡିଛି । ଆଇପିସି ଧାରା 308(4), 351(3)(4) ଅନୁଯାୟୀ ମାମଲା ରୁଜୁ କରି ପୋଲିସ ତଦନ୍ତ ଆରମ୍ଭ କରିଛି ।

Shah Rukh Khan threat case | As per Mumbai Police, the threat call was placed at Bandra Police Station itself, Rs 50 Lakhs was demanded and a life threat to the actor was made if the payment was not done. https://t.co/FPk4vCvgan

— ANI (@ANI) November 7, 2024

ରାୟପୁରରୁ ମିଳିଛି ଶାହାରୁଖଙ୍କୁ ଧମକ

ସୂଚନାନୁସାରେ, ଛତିଶଗଡର ରାୟପୁରରୁ ଏହି ଧମକ ଶାହାରୁଖ ଖାନଙ୍କୁ ମିଳିଥିବା କୁହାଯାଉଛି । ରାୟପୁରର ଫୈଜାନ୍ ନାମକ ଜଣେ ବ୍ୟକ୍ତି ଏହି ଧମକ ଦେଇଥିବା କୁହାଯାଉଛି । ଏଥିସହ ବ୍ୟକ୍ତି ଜଣକ 50 ଲକ୍ଷ ଟଙ୍କା ମଧ୍ୟ ଦାବି କରିଛି । ତେବେ କିଙ୍ଗ ଖାନଙ୍କୁ ହତ୍ୟା ଧମକ ମିଳିବା ପରେ ତୁରନ୍ତ ମୁମ୍ବାଇର ବାନ୍ଦ୍ରା ପୋଲିସ ମାମଲା ରୁଜୁ କରିଥିଲା । ମୁମ୍ବାଇ ପୋଲିସ ଟିମ ସଙ୍ଗେସଙ୍ଗେ ଛତିଶଗଡ଼ ପହଞ୍ଚିଛି ଏବଂ ଘଟଣାର ତଦନ୍ତ ଜୋର୍ କରିଛି ।

ଶାହାରୁଖ ଖାନଙ୍କୁ ପୂର୍ବରୁ ବି ମିଳିଥିଲା ଧମକ

କହିରଖୁଛୁ କି, 2023 ମସିହାରେ 'ପଠାନ' ଏବଂ 'ଜବାନ'ର ବିରାଟ ସଫଳତା ପରେ ଶାହାରୁଖ ଖାନଙ୍କୁ ହତ୍ୟା ଧମକ ଦିଆଯାଇଥିଲା, ଯାହା ପରେ ସୁରକ୍ଷା ବୃଦ୍ଧି କରାଯାଇଥିଲା । ଆଜିକାଲି ଶାହାରୁଖ ଖାନ ତାଙ୍କ ନୂଆ ଚଳଚ୍ଚିତ୍ର ପାଇଁ ଡବିଂ ଷ୍ଟୁଡିଓରେ ବାରମ୍ବାର ନଜର ଆସୁଛନ୍ତି । ନିକଟରେ ଶାହାରୁଖ ଖାନ ତାଙ୍କ ପ୍ରଶଂସକଙ୍କ ମଧ୍ୟରେ 59 ତମ ଜନ୍ମଦିନ ପାଳନ କରିଥିଲେ। ଜନ୍ମଦିନର 5 ଦିନ ପରେ ଶାହାରୁଖ ଖାନଙ୍କୁ ହତ୍ୟା ଧମକ ଦିଆଯାଇଛି ।

ଏହା ମଧ୍ୟ ପଢନ୍ତୁ: '5 କୋଟି ଦିଅ କିମ୍ୱା ମନ୍ଦିରରେ କ୍ଷମା ମାଗ ନହେଲେ...' ସଲମାନ ଖାନଙ୍କୁ ପୁଣି ମିଳିଲା ହତ୍ୟା ଧମକ

ସଲମାନଙ୍କ ପରେ ଏବେ ଟାର୍ଗେଟରେ ଶାହାରୁଖ

ସଲମାନ ଖାନ ବର୍ତ୍ତମାନ ଲରେନ୍ସ ବିଷ୍ଣୌଇର ଟାର୍ଗେଟରେ ରହିଛନ୍ତି । ସଲମାନ ଖାନ ଦୀର୍ଘ ଦିନ ହେବ ଗୋଟିଏ ପରେ ଗୋଟିଏ ହତ୍ୟା ଧମକ ପାଉଛନ୍ତି । ନିକଟରେ ବାବା ସିଦ୍ଦିକିଙ୍କ ହତ୍ୟା ପରେ ସଲମାନଙ୍କୁ 3 ଥର ହତ୍ୟା ଧମକ ମିଳିସାରିଲାଣି । ଅଭିଯୁକ୍ତ ଧମକ ଦେବା ସହ 5 କୋଟି ଏବଂ 2 କୋଟି ମଧ୍ୟ ଦାବି କରିଥିଲେ । ଯାହା ପରେ ସଲମାନଙ୍କ ସୁରକ୍ଷା ମଧ୍ୟ ବୃଦ୍ଧି କରାଯାଇଛି । ତେବେ ବର୍ତ୍ତମାନ ସଲମାନ ଖାନଙ୍କ କୋ-ଷ୍ଟାର ତଥା ବନ୍ଧୁ ଶାହାରୁଖ ଖାନଙ୍କୁ ମଧ୍ୟ ହତ୍ୟା ଧମକ ମିଳିଛି । ଏହି ଖବର ସାମ୍ନାକୁ ଆସିବା ପରେ ଶାହାରୁଖ ଖାନଙ୍କ ଫ୍ୟାନ୍ସଙ୍କ ମଧ୍ୟରେ ଆଲୋଡ଼ନ ସୃଷ୍ଟି କରିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ