ଭୁବନେଶ୍ୱର: ଦୀର୍ଘ ବର୍ଷର ଅପେକ୍ଷାର ହେଲା ଅନ୍ତ । 20 ବର୍ଷର ବ୍ୟବଧାନ ପରେ ଆଜି ରିଲିଜ ହେଉଛି ଓଡିଆ ଫିଲ୍ମ 'ଆଇ ଲଭ ୟୁ'ର ସିକ୍ୱେଲ ବା 'ଆଇ ଲଭ ୟୁ-ଟୁ'। 2004ରେ ମୁକ୍ତିଲାଭ କରିଥିବା ଫିଲ୍ମ 'ଆଇ ଲଭ ୟୁ' ବେଶ ଲୋକପ୍ରିୟତା ହାସଲ କରିବା ସହ ସୁପରହିଟ୍ ପ୍ରମାଣିତ ହୋଇଥିଲା । ତେବେ ଆଜି ଗଣେଶ ପୂଜା ଅବସରରେ ଓଡ଼ିଶାର ଜଣାଶୁଣା ଫିଲ୍ମ ନିର୍ମାତା ଟୁଟୁ ନାୟକ 'ଆଇ ଲଭ ୟୁ-ଟୁ' ରିଲିଜ କରିବାକୁ ଯାଉଛନ୍ତି । ହେଲେ ଫିଲ୍ମ ରିଲିଜ ପୂର୍ବରୁ ସମାଲୋଚନାର ଶିକାର ହୋଇଛି । ଅଭିନେତା ମନୋଜ ମିଶ୍ର ଫିଲ୍ମକୁ ନେଇ ଟୁଟୁ ନାୟକଙ୍କ ଉପରେ ଖୁବ ବର୍ଷିଛନ୍ତି ଏବଂ ଫିଲ୍ମକୁ ହଲ ନ ମିଳିବା ନେଇ କଟାକ୍ଷ କରି 'ତୁମ କର୍ମର ଫଳ ପାଉଛ' ବୋଲି ସେ କହିଛନ୍ତି ।
ଟୁଟୁ ନାୟକଙ୍କ ଉପରେ ବର୍ଷିଲେ ମନୋଜ ମିଶ୍ର
ମନୋଜ ମିଶ୍ର ସୋସିଆଲ ମିଡିଆ ଫେସବୁକ ପେଜରେ ଲାଇଭରେ ଆସି 'ଆଇ ଲଭ ୟୁ-ଟୁ' ନେଇ ଟୁଟୁ ନାୟକଙ୍କ ଉପରେ ଖୁବ ବର୍ଷିଛନ୍ତି । ମନୋଜ ମିଶ୍ର କହିଛନ୍ତି, ''ଟୁଟୁ ନାୟକ ଆପଣଙ୍କୁ ସମ୍ମାନ ଦେବାକୁ ଆଉ ଇଚ୍ଛା ହେଉନି । ଟୁଟୁ ନାୟକ ମନେ ଅଛି ତ ଆପଣ ମୋତେ ଚିହ୍ନିପାରୁଛନ୍ତି ତ ମୁଁ ମନୋଜ ମିଶ୍ର । ଗତ ବର୍ଷ ତୁମେ ମୋତେ ଏହି ସମୟରେ ବ୍ୟାନ କରିଥିଲେ ଆଉ ଆଜି ଠିକ ଏହି ସମୟରେ ତୁମ ସିନେମା ରିଲିଜ ହେବାକୁ ଯାଉଛି । ଯାହା ଓଡ଼ିଆ ସିନେମା ପାଇଁ ଏକ ଐତିହାସିକ ଦିନ । କାରଣ ରିଲିଜ ହେବାକୁ ଯାଉଛି, ଯେଉଁ ସିନେମା ତାହା ୨୦ ବର୍ଷ ତଳେ ରିଲିଜ ହୋଇଥିବା ଫିଲ୍ମ ଆଇ ଲଭ ୟୁ'ର ସିକ୍ୱେଲ । ଆଉ ଏହି ଫିଲ୍ମ ଅନୁଭବଙ୍କ ପରି ସୁପରଷ୍ଟାରକୁ ଓଡ଼ିଆ ଇଣ୍ଡଷ୍ଟ୍ରିକୁ ଭେଟି ଦେଇଥିଲା । ସତରେ ସେ ସିନେମା ଆମ ଓଡ଼ିଆ ସିନେମା ପାଇଁ ଇତିହାସ ସୃଷ୍ଟି କରିଥିଲା ଭଲ ବିଜିନେସ ଦେଇଥିଲା ।
'ତୁମେ କ'ଣ ମନୁଷ୍ୟଙ୍କ ସୃଷ୍ଟି କର୍ତ୍ତା ?'
କଟାକ୍ଷ ଓ ତାତ୍ସଲ୍ୟ କରି ମନୋଜ ମିଶ୍ର କହିଛନ୍ତି, ''ତୁମେ ସବୁବେଳେ କାହିଁକି ଏଭଳି କହୁଛ ଯେ ମୁ ଇଣ୍ଡଷ୍ଟ୍ରିକୁ ଷ୍ଟାର, ସୁପରଷ୍ଟାର ଦେଇଦେଲି, ବହୁ ହିରୋଙ୍କର ପୁନଃ ଜନ୍ମ କରିଦେଲି । ତୁମେ କଣ ବ୍ରହ୍ମାଙ୍କ ପରି କହୁଛ ମୁଁ ମନୁଷ୍ୟଙ୍କ ସୃଷ୍ଟି କର୍ତ୍ତା । ଯେଉଁଠି ବଲିଉଡର ବେଶ ଜଣାଶୁଣା ପ୍ରଯୋଜକ ୟଶ ଚୋପ୍ରା ତାଙ୍କ ପୁଅ ଉଦିତ ଚୋପ୍ରାଙ୍କୁ ହିରୋ ବା ଷ୍ଟାର କରାଇପାରିଲେଣି ସେଇଠି ତୁମେ ଆସି ସମସ୍ତଙ୍କୁ ଷ୍ଟାର କରିଦେଲ । ଯଦି ଅନୁଭବ ବାବୁସାନ ସିଦ୍ଧାନ୍ତ ମହାପାତ୍ର ଓ ଅରିନ୍ଦମ ଙ୍କ ଭିତରେ ନିଜର ପ୍ରତିଭା ନଥାନ୍ତା ତୁମେ ଷ୍ଟାର କରେଇଦେଇଥାନ୍ତ । କିଛି ବି କହିଦେଉଛ ନା ମତେ
ଖାଲି ବ୍ୟାନ କରିଛ ଆଉ କାହାକୁ କରିବନି ।
'କର୍ମା ରିଟର୍ଣ୍ଣ୍ସ': ମନୋଜ ମିଶ୍ର
"ସତରେ ତୁମ ସିନେମା ଇତିହାସ ସୃଷ୍ଟି କରିବ, କାରଣ ଟ୍ରେଲର ବହୁତ ଖରାପ ହେଇଛି, ସେ ଯାହା ବି ହେଉ ଶୁକ୍ରବାର ତୁମ ସିନେମା ରିଲିଜ ହେବ ମୁ ନିଶ୍ଚୟ ଦେଖିବାକୁ ନ ଦେଖି କିଛି କହିବିନି । ଦେଖିସାରିବା ପରେ ମତ ରଖିବି, ହେଇପାରେ ସିନେମା ଭଲ ହେଇଥିବ । ଆଉ ଯଦି ଭଲ ହୋଇନଥିବ, ତାହାଲେ ବି ଆସି କହିବି । ଦେଖିବା ଫିଲ୍ମ ରିଲିଜ ପରେ କେତେ ବଡ ଷ୍ଟାର ଓଡ଼ିଆ ଫିଲ୍ମକୁ ଙ୍କୁ ତୁମେ ଦେବ, ନୂଆ ହିରୋ ଜନ୍ମ ଦେବ । ଏହାସହ କଟାକ୍ଷ କରି କହିଛନ୍ତି ତୁମକୁ କଣ ହଲ ମିଳୁନି ତୁମ ବାପାଙ୍କ ଲିଗାସୀ ଅଟେ ବଡ ତା ପରେ ବି ମିଳୁନି ଦୁଃଖ , ଆଶ୍ଚର୍ଯ୍ୟ କଥା । ବାସ୍ତବିକ କର୍ମା ରିଟର୍ଣ୍ଣ୍ସ ଯାହା ସମସ୍ତେ କୁହନ୍ତି । ମନେ ଅଛି ତ ତୁମ ପାଇଁ ମାଇଣ୍ଡ ଗେମକୁ ନେଇ ଆଜି ବି ମୋ ହୃଦୟ କାନ୍ଦୁଛି । ମୋ ସିନେମା ବକବସ ଥିଲା ବୋଲି କହିଥିଲ । ତେଣୁ ମୁ ନିଶ୍ଚୟ ସିନେମା ଦେଖିବି ଏବଂ ପରେ ହିଁ କଥା ହେବା ।''
ଏହା ମଧ୍ୟ ପଢନ୍ତୁ: ଓଲିଉଡ କଳି: ଫିଟିଲାନି ସମାଧାନର ବାଟ, OFDC ବୈଠକକୁ ଆସିଲେନି ମନୋଜ ମିଶ୍ର
ମନୋଜ ମିଶ୍ର-ଟୁଟୁ ନାୟକ ବିବାଦ ବହୁତ ପୁରୁଣା
ଗତ ବର୍ଷ ରିଲିଜ ହୋଇଥିବା ମନୋଜ ମିଶ୍ରଙ୍କ ଫିଲ୍ମ 'ମାଇଣ୍ଡ ଗେମ'କୁ ନେଇ କଟାକ୍ଷ କରିଥିଲେ ଟୁଟୁ । ଏହା ପରେ ଅରନ୍ଦିମ ରୟଙ୍କ ଓଡ଼ିଆ ଫିଲ୍ମ 'ରାମ' ସମ୍ବଲପୁରରେ ନ ଚଳାଇଦେବା ନେଇ ମନୋଜ ମିଶ୍ର ଷଡଯନ୍ତ୍ର କରିଥିବା ଅଭିଯୋଗ ହୋଇଥିଲା । ଯାହା ପରେ ମନୋଜ ମିଶ୍ରଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା ଓଡ଼ିଆ ଫିଲ୍ମ ଆସୋସିଏସନ ତାଙ୍କୁ ଦୁଇ ବର୍ଷ କୌଣସି ଫିଲ୍ମରେ ଅଭିନୟ ପାଇଁ ନିଆଯିବନି ବା ବ୍ୟାନ କରାଯିବ ବୋଲି ନିଷ୍ପତ୍ତି ନେଇଥିଲା । ଏଥିରେ ମଧ୍ୟ ଟୁଟୁ ନାୟକ ମନୋଜ ମିଶ୍ରଙ୍କୁ ଟାର୍ଗେଟ କରି ବର୍ଷିଥିଲେ । ଯାହା ପରେ ଓଲିଉଡରେ ଆରୋପ ପ୍ରତ୍ୟାରୋପ ଲାଗି ରହିଛି ।
ଏହା ମଧ୍ୟ ପଢନ୍ତୁ: ପୁଣି ହାତକୁ ଦି'ହାତ ହେଲେ ମନୋଜ ମିଶ୍ର, ଅଭିନେତ୍ରୀ ମମତା ନନ୍ଦଙ୍କୁ କଲେ ସାତ ଜନ୍ମର ସାଥୀ
'ଆଇ ଲଭ ୟୁ-ଟୁ' ଫିଲ୍ମ ବିଷୟରେ କହିବାକୁ ଗଲେ,
2004ରେ ମୁକ୍ତିଲାଭ କରିଥିବା ଫିଲ୍ମ 'ଆଇ ଲଭ ୟୁ' ର ସିକ୍ୱେଲ ହେଉଛି 'ଆଇ ଲଭ ୟୁ-ଟୁ' । 'ଆଇ ଲଭ ୟୁ' ଫିଲ୍ମରୁ ଅଭିନେତା ଅନୁଭବ ମହାନ୍ତି ଓଲିଉଡରେ ପାଦ ଦେଇଥିଲେ । ଏହା ପରେ ଫିଲ୍ମ ହିଟ୍ ହେବା ସାଙ୍ଗକୁ ସେ ବି ଆଜି ଓଲିଉଡର ସୁପରଷ୍ଟାର ଅଟନ୍ତି । ତେବେ ଦୀର୍ଘ 20 ବର୍ଷ ପରେ ଫିଲ୍ମର ପାର୍ଟ 2 ଆସୁଛି । ଯାହାକୁ ଦେକିବାକୁ ଫ୍ୟାନ୍ସ ଉତ୍ସାହିତ ରହିଛନ୍ତି । ହେଲେ ଏହି ଫିଲ୍ମରେ ଅନୁଭବ ନୁହଁ ବରଂ ନୂଆ କଳାକାରଙ୍କୁ ଦେଖିବାକୁ ମିଳିବ । ଏହି ଫିଲ୍ମ ନବାଗତ ନାୟକ ଆଦିତ୍ୟ ଓ ନାୟିକା ଅପ୍ସରା ରାଣୀ ନଜର ଆସିବେ । ନିର୍ଦ୍ଦେଶକ ସୁଧାଂଶୁ ସାହୁ ଏହାର ନିର୍ଦ୍ଦେଶନା ଦେଇଥିବା ବେଳେ ଟୁଟୁ ନାୟକଙ୍କ ନିବେଦିତ ତଥା ବସନ୍ତ ନାୟକ ଏଣ୍ଟର୍ଟେନମେଣ୍ଟ ବ୍ୟାନରରେ ଫିଲ୍ମ ନିର୍ମିତ ହୋଇଛି ।
ଇଟିଭି ଭାରତ, ଭୁବନେଶ୍ୱର
