ହାଇଦ୍ରାବାଦ: ଦେଶପ୍ରେମ ଉପରେ ଆଧାରିତ ଚଳଚ୍ଚିତ୍ର 'ଏ ୱତନ ମେରେ ୱତନ'ରେ ନଜର ଆସିବେ ଅଭିନେତ୍ରୀ ସାରା ଅଲି ଖାନ । ନିକଟରେ ଫିଲ୍ମ ରିଲିଜ ତାରିଖ ଘୋଷଣା ହୋଇଥିବା ବର୍ତ୍ତମାନ ଫିଲ୍ମର ଟ୍ରେଲର ରିଲିଜ ହୋଇଛି । ମାର୍ଚ୍ଚ ୨୧, ୨୦୨୪ରେ ରିଲିଜ ହେବ ଫିଲ୍ମ । ତେବେ ଏହି ଫିଲ୍ମ ଓଟିଟିରେ ରିଲିଜ ହେବ ।
'ଏ ୱତନ ମେରେ ୱତନ' ର 2.53 ମିନିଟର ଟ୍ରେଲର ଆରମ୍ଭରୁ ହିଁ ଦମଦାର ନଜର ଆସିଛି । ପ୍ରଥମ ସିନରେ ହିଁ ସ୍ୱାଧୀନତା ପାଇଁ ନିଜ ଜୀବନକୁ ଉତ୍ସର୍ଗ କରିବାକୁ ପ୍ରସ୍ତୁତ ଥିବା ସ୍ୱାଧୀନତା ସଂଗ୍ରାମୀଙ୍କର ଘଣ୍ଟା ଉପରେ ନଜର ରହିଛି । ଯେଉଁଥିରେ ୮.୩୦ ବାଜିବାକୁ ଥିବା ବେଳେ ଅନ୍ୟପଟେ ଉଷା ମେହେତାଙ୍କ ଭୂମିକାରେ ଥିବା ସାରା ଅଲି ଖାନ ରେଡିଓ ତିଆରି କରୁଛନ୍ତି । ଉଷା ମେହେଟ୍ଟା ଭୂମିକାରେ ସାରା ଅଲି ଖାନ ତାଙ୍କ ଚେହେରା ଏବଂ ଅଭିନୟ ଦ୍ୱାରା ପ୍ରଶଂସକଙ୍କ ହୃଦୟ ଜିତିଛନ୍ତି ।
- " class="align-text-top noRightClick twitterSection" data="">
ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି କନ୍ନନ ଆୟର । ଏହି ଚଳଚ୍ଚିତ୍ରର କାହାଣୀ ଦରବ ଫାରୁକି ଏବଂ ଆୟର ମିଳିତ ଭାବରେ ଲେଖିଛନ୍ତି । ଏହି ସିନେମାରେ ସାରା ଅଲି ଖାନଙ୍କ ସହ ଅଭୟ ଭର୍ମା, ସଚିନ ଖେଡେକର, ସ୍ପର୍ଶ ଶ୍ରୀବାସ୍ତବ, ଆଲେକ୍ସ ନେଲ ଏବଂ ଆନନ୍ଦ ତିୱାରୀ ପ୍ରମୁଖ ଭୂମିକାରେ ଅଭିନୟ କରିବେ ଏବଂ ଇମ୍ରାନ ହାଶମୀ ଏହି ଫିଲ୍ମରେ ଏକ କ୍ୟାମିଓ ରୋଲରେ ନଜର ଆସିବେ । କରଣ ଜୋହରଙ୍କ ଧର୍ମା ପ୍ରଡକ୍ସନ ବ୍ୟାନରରେ ନିର୍ମିତ ଏହି ଚଳଚ୍ଚିତ୍ରକୁ କରଣ ଜୋହର, ସୋମନ ମିଶ୍ର ଏବଂ ଅପୂର୍ବ ମେହେତା ପ୍ରସ୍ତୁତ କରିଛନ୍ତି ।
ଏହା ମଧ୍ୟ ପଢନ୍ତୁ- OTTରେ ରିଲିଜ ହେବ ସାରାଙ୍କ ଫିଲ୍ମ 'ଏ ୱତନ ମେରେ ୱତନ', ଏହି ଦିନ ହେବ ଷ୍ଟ୍ରିମିଂ
ଏହା ବ୍ୟତୀତ ସାରା 'ମେଟ୍ରୋ ଇନ୍ ଦିନୋ' ଏବଂ 'ମର୍ଡର ମୁବାରକ'ରେ ମଧ୍ୟ ନଜର ଆସିବେ । 'ମେଟ୍ରୋ ଇନ୍ ଦିନୋ' ଚଳଚ୍ଚିତ୍ରଟି ମାର୍ଚ୍ଚ ୨୪ରେ ରିଲିଜ୍ ହେବ । ଏହି ଫିଲ୍ମରେ ଆଦିତ୍ୟ ରୟ କପୁରଙ୍କ ସହ ଅନ୍ ସ୍କ୍ରିନ୍ ରୋମାନ୍ସ କରିବେ ସାରା । ଏହି ଚଳଚ୍ଚିତ୍ରର ନିର୍ମାତା ହେଉଛନ୍ତି ଭୂଷଣ କୁମାର, ଅନୁରାଗ ବାସୁ, କୃଷ୍ଣ କୁମାର । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଅନୁରାଗ ବାସୁ । ସେହିପରି ମର୍ଡର ମୁବାରକର ନିର୍ଦ୍ଦେଶନା ଦେଇଛନ୍ତି ନିର୍ଦ୍ଦେଶକ ହୋମି ଅଦଜାନିଆ । ଏହା ଏକ କମେଡି ମର୍ଡର ମିଷ୍ଟ୍ରି ଫିଲ୍ମ ହୋଇଥିବା ବେଳେ ସାରା ଅଲିଙ୍କ ବ୍ୟତୀତ କରିସ୍ମା କପୁର, ବିଜୟ ଭର୍ମା, ଡିମ୍ପଲ୍ କାପାଡିଆ, ସଞ୍ଜୟ କପୁର, ଟିସ୍କା ଚୋପ୍ରା ଏବଂ ପଙ୍କଜ ତ୍ରିପାଠୀ ମୁଖ୍ୟ ଭୂମିକାରେ ଅଭିନୟ କରିଛନ୍ତି ।
