ହାଇଦ୍ରାବାଦ: ଭବିଷ୍ୟତ ସୁରକ୍ଷିତ ରଖିବା ପାଇଁ ନିବେଶ ବା ଇନଭେଷ୍ଟମେଣ୍ଟ କରାଯାଏ । ଭିନ୍ନ ଭିନ୍ନ ପ୍ରକ୍ରିୟାରେ ଲୋକମାନେ ସେମାନଙ୍କର ଟଙ୍କା ଭବିଷ୍ୟତ ପାଇଁ ସେଭିଂ କରିଥାନ୍ତି । କିନ୍ତୁ ଏହି ନିବେଶକୁ ନେଇ ଅଧିକ ଜ୍ଞାନ ନଥିବାରୁ ଅନେକଙ୍କୁ ସମସ୍ୟା ଭୋଗିବାକୁ ପଡିଥାଏ । ତେବେ ଯଦି ଆପଣ ନିଜର ଭବିଷ୍ୟତକୁ ସୁରକ୍ଷିତ କରିବା ପାଇଁ ମ୍ୟୁଚୁଆଲ ଫଣ୍ଡରେ ନିବେଶ କରୁଛନ୍ତି ତେବେ ଏହି ସବୁ କାମ ଭୁଲରେ ବି କରନ୍ତୁ ନାହିଁ । ଯାହାଦ୍ବାରା ଆପଣ ବଡ ସମସ୍ୟାରେ ପଡିପାରନ୍ତି ।
କଣ ଆପଣ ମ୍ୟୁଚୁଆଲ ଫଣ୍ଡରେ ସିଷ୍ଟମେଟିକ ଇନଭେଷ୍ଟମେଣ୍ଟରେ ପ୍ଲାନରେ ନିବେଶ କରିଛନ୍ତି କି ? ଯଦି ଆପଣ ନିବେଶ କରିଛନ୍ତି କିମ୍ବା ନିବେଶ କରିବା କଥା ଭାବୁଥାନ୍ତି ତେବେ ଏହି ଖବର ଆପଣଙ୍କ ପାଇଁ ବେଶ ଜରୁରୀ । ଲାଭଦାୟକ ନିବେଶ ଓ ଲାଭ ପାଇବା ପାଇଁ କିଛି ଗୁରୁତ୍ୱପୂର୍ଣ୍ଣ ନିଷ୍ପତି ନେବା ନିହାତି ଆବଶ୍ୟକ । ତେବେ ନଜର ପକାନ୍ତୁ କିଛି ଗୁରୁତ୍ୱପୂର୍ଣ୍ଣ ତଥ୍ୟ ଉପରେ ।
ସିଷ୍ଟମେଟିକ ଇନଭେଷ୍ଟମେଣ୍ଟ ପ୍ଲାନ (SIP) ନିବେଶ କଣ ?
![Mutual Fund SIP](https://etvbharatimages.akamaized.net/etvbharat/prod-images/02-08-2024/22109202_hjjjj.jpg)
ସିଷ୍ଟମେଟିକ ଇନଭେଷ୍ଟମେଣ୍ଟ ପ୍ଲାନ( SIP) ହେଉଛି ମ୍ୟୁଚୁଆଲ୍ ଫଣ୍ଡରେ ବିନିଯୋଗ କରିବାର ଏକ ପଦ୍ଧତି ଯେଉଁଠାରେ ଜଣେ ନିବେଶକ ଏକ ମ୍ୟୁଚୁଆଲ୍ ଫଣ୍ଡ ସ୍କିମ୍ ବାଛନ୍ତି ଏବଂ ନିର୍ଦ୍ଦିଷ୍ଟ ବ୍ୟବଧାନରେ ତାଙ୍କ ପସନ୍ଦର ନିର୍ଦ୍ଦିଷ୍ଟ ପରିମାଣ ବିନିଯୋଗ କରନ୍ତି । ଭାରତୀୟ ମ୍ୟୁଚୁଆଲ ଫଣ୍ଡ ସଂଘ (AMFI)ର କହିବା ଅନୁଯାୟୀ, ଏସଆଇପି ହେଉଛି ନିୟମିତ ସମୟ ବ୍ୟବଧାନରେ ସାଧାରଣତଃ ମାସିକ ଆଧାରରେ ନିବେଶ କରାଯାଉଥିବା ଏକ ମ୍ୟୁଚୁଆଲ ଫଣ୍ଡ । ଏହା ଅଧିକରୁ ଅଧିକ ଲୋକପ୍ରିୟ ହେବାରେ ଲାଗିଛି ।
![Mutual Fund SIP](https://etvbharatimages.akamaized.net/etvbharat/prod-images/02-08-2024/22109202_jjjjjjjj.jpg)
କିଭଳି କାମ କରିଥାଏ ଏହି ସିଷ୍ଟମେଟିକ ଇନଭେଷ୍ଟମେଣ୍ଟ ପ୍ଲାନ (SIP):
ପ୍ରଥମେ ମ୍ୟୁଚୁଆଲ ଫଣ୍ଡ ସ୍କିମ ବାଛନ୍ତୁ: କେଉଁ ପ୍ରକାର ଫଣ୍ଡରେ ଆପଣ ନିବେଶ କରିବାକୁ ଚାହୁଁଛନ୍ତି ପ୍ରଥମେ ତାହା ନିଜେ ସୁନିଶ୍ଚିତ କରନ୍ତୁ । ନିଜ ରିସ୍କରେ ଆପଣଙ୍କୁ ସ୍କିମ ବାଛିବାକୁ ପଡିବ । ମାସିକ ଆପଣ କେତେ ଟଙ୍କା ନିବେଶ କରିପାରିବେ ଭାବିଚିନ୍ତି ନିଷ୍ପତ୍ତି ନିଅନ୍ତୁ ।
ଏସଆଇପି ରାଶି ଓ ଫ୍ରିକ୍ବେନ୍ସି ବାଛନ୍ତୁ: ମାସିକ ନିବେଶ ରାଶି ଓ ଫ୍ରିକ୍ୱେନ୍ସି ବାଛନ୍ତୁ ।
ଅଟୋମେଟିକ ପେମେଣ୍ଟକୁ ଆକ୍ଟିଭ ରଖନ୍ତୁ: SIP ରାଶି ନିବେଶ କରିବା ପାଇଁ ଚୟନ ତାରିଖରେ ଅଟୋମେଟିକ (ସ୍ୱୟଂଚାଳିତ) ପେମେଣ୍ଟ କରିବାକୁ ବ୍ୟାଙ୍କକୁ ଅନୁମତି ଦିଅନ୍ତୁ । ଯାହାଫଳରେ ଆପଣଙ୍କ ମନେ ନଥିଲେ ମଧ୍ୟ ନିର୍ଦ୍ଧାରିତ ସମୟରେ SIP ଫଣ୍ଡରେ ଟଙ୍କା ନିବେଶ ହୋଇଯିବ ।
ଏହାମଧ୍ୟ ପଢନ୍ତୁ... ସଞ୍ଚୟ ନା ନିବେଶ ? କ'ଣ କଲେ ପାଇବେ ଧନୀ ହେବାର ସୌଭାଗ୍ୟ ଜାଣନ୍ତୁ - Saving Vs Investing
ନିବେଶ କରାଯାଇଥିବା ଟଙ୍କାର ଉପଯୋଗ ମ୍ୟୁଚୁଆଲ ଫଣ୍ଡ ସ୍କିମ ୟୁନିଟକୁ କିଣିବା ପାଇଁ କରାଯାଇଥାଏ । ସେହି ସ୍ପେଶାଲ ଦିନରେ ଫଣ୍ଡର ନେଟ୍ ଆସେଟ୍ ଭ୍ୟାଲୁ (NAV) ଆପଣଙ୍କୁ କେତେ ୟୁନିଟ ମିଳିବ ତାହା ନିର୍ଦ୍ଧାରଣ କରିଥାଏ ।
![Mutual Fund SIP](https://etvbharatimages.akamaized.net/etvbharat/prod-images/02-08-2024/22109202_ccc.jpg)
କମ୍ପାଉଣ୍ଡିଙ୍ଗ ପାଓ୍ବାର: ଅଧିକ ରିଟର୍ଣ୍ଣ ଆସିବା ପାଇଁ କମ୍ପାଉଣ୍ଡିଙ୍ଗ ପାଓ୍ବାର ବ୍ୟବହାର କରାଯାଏ । କମ୍ପାଉଣ୍ଡିଙ୍ଗ ପାଓ୍ବାର ବ୍ୟବହାର କରି ଅଧିକ ରିଟର୍ଣ୍ଣ ଆସିବା ପାଇଁ ରିଟର୍ଣ୍ଣକୁ ପୁଣି ଥରେ ନିବେଶ କରିପାରିବେ ।
ଭୁଲରେ କରନ୍ତୁ ନାହିଁ ଏହିସବୁ କାମ:
![Mutual Fund SIP](https://etvbharatimages.akamaized.net/etvbharat/prod-images/02-08-2024/22109202_jjj.jpg)
SIPରେ ନିବେଶ କରୁଥିଲେ ଆପଣଙ୍କୁ ଏହିସବୁ ଉପରେ ଧ୍ୟାନ ଦେବାକୁ ପଡିବ । ଯାହାଦ୍ୱାରା ଆପଣ ଭବିଷ୍ୟତରେ ବଡ କ୍ଷତିରୁ ବର୍ତ୍ତି ପାରିବେ ।
ନିଜ ଆର୍ଥିକ ସ୍ଥିତିକୁ ଅଣଦେଖା କରିବା: SIP ବାଛିବା ବେଳେ ସର୍ବପ୍ରଥମେ ଆପଣ ନିଜର ଆର୍ଥିକ ସ୍ଥିତିକୁ ଦେଖନ୍ତୁ । ତେତେ ଟଙ୍କା ଆପଣ ଇନଭେଷ୍ଟ କରିପାରିବେ ସେ ବାବଦରେ ଭଲ ଭାବରେ ଚିନ୍ତା କରିବା ପରେ ଇନଭେଷ୍ଟ କରନ୍ତୁ ।
![Mutual Fund SIP](https://etvbharatimages.akamaized.net/etvbharat/prod-images/02-08-2024/22109202_bbb.jpg)
ସର୍ଟ ଟର୍ମରେ ଇନଭେଷ୍ଟ: ଜଲଦି ରିଟର୍ଣ୍ଣ(ଲାଭ) ପାଇବା ପାଇଁ ଶୀଘ୍ର ଶୀଘ୍ରରେ ନିଷ୍ପତ୍ତି ନିଅନ୍ତୁ ନାହିଁ । ଲୋଭନୀୟ ଅଫର ଦେଖି ବିଲକୁଲ ଆକର୍ଷିତ ହୁଅନ୍ତୁ ନାହିଁ । ଫଣ୍ଡର ନିୟମକୁ ଭଲ ଭାବରେ ପଢି ସେଗୁଡିକ ଭାବିଚିନ୍ତି ନିଷ୍ପତ୍ତି ନିଅନ୍ତୁ । ତେବେ କେତେ ଟଙ୍କା ଇନଭେଷ୍ଟ କରିବେ ଓ କେତେ ଟଙ୍କା ଲାଭ ପାଇବେ ସେ ବିଷୟରେ ଭଲ ଭାବରେ ଦେଖିନିଅନ୍ତୁ ।
ବ୍ୟୁରୋ ରିପୋର୍ଟ, ଇଟିଭି ଭାରତ