ହାଇଦ୍ରବାଦ: କେରଳ ଓ୍ବାୟନାଡରେ ସବୁକିଛି ଛାରଖାର କରିଦେଇଛି ସର୍ବଗ୍ରାସୀ ଭୂସ୍ଖଳନ । ଭୂସ୍ଖଳନକୁ 5 ଦିନ ପୁରିଥିବାବେଳେ ଆଜିବି ମାଟି କାଦୁଅ ତଳୁ ଜୀବନ ସତ୍ତା ଖୋଜା ଚାଲିଛି । ଏପଟେ ଭୟଙ୍କର ବିଭୀଷିକା ପରେ ଏପରି ଏନେକ ଲୋମଟାଙ୍କୁରା ଘଟଣା ସାମ୍ନାକୁ ଆସୁଛି ଯାହା ଜନମାନସଙ୍କୁ ସ୍ତବ୍ଧ କରିଦେଉଛି । ପ୍ରକୃତିର କରାଳ ରୂପ ଆଗରେ ମଣିଷ ଯେ କେତେ ଛାର ତାର ଭୟାନକ ଚିତ୍ର ଦେଖିଲା ପରେ ମାଟି ତଳେ ହଜିଯାଇଥିବା ପରିବାର ଲୋକଙ୍କ କଥା ଭାବିଲା ବେଳକୁ ଦେହ ଯେପରି ଶୀତେଇ ଯାଉଛି ।
ହେଲେ ଭାବିଛନ୍ତି କି ମାଟି କାଦୁଅର ମୃତ୍ୟୁଧାରୀ ଲହଡିରେ ଭାସିଯାଇଥିଲା ବାପା ମା’ଙ୍କ ପିଲା ମାନେ କିପରି ଅଛନ୍ତି । କିପରି ଅଛନ୍ତି କୁନି କୁନି ଅନାଥ, ଅସହାୟ ମା’ ଛେଉଣ୍ଡ ପିଲା । ଆଉ ସେମାନେ ଖାଉଛନ୍ତି କଣ ? ପିଉଛନ୍ତି କଣ ତାଙ୍କ କଥା ବୁଝୁଛି କିଏ ? ହେଲେ ବର୍ତ୍ତମାନ ଏପରି ଜଣେ ମହିଳା ଚର୍ଚ୍ଚାକୁ ଆସିଛନ୍ତି ଯିଏ ଭୂସ୍ଖଳନ ସମୟରେ ଆଗକୁ ଆସି ପିଲାଙ୍କୁ ସ୍ତନ୍ୟପାନ କରାଉଛନ୍ତି ।
#PrayersForWayanad #WaynadLandslide #WayanadDisaster #Waynad
— ಮಂಜುಳಾ ಶೋಭಾ_ಮೈಸೂರು (@ManjuShobha1981) August 1, 2024
Some real scenes are heartfelt
A little baby being rescued at #Waynad couldn't stop crying since morning... watching news channel since morning pic.twitter.com/b2iIv5tzNp
କେରଳ ଇଦୁକି ଅଞ୍ଚଳର ପତ୍ନୀ ଭାବନା ଏବଂ ସ୍ବାମୀ ସାଜିନ୍ ପରାକର । ଦୁଇ ସନ୍ତନଙ୍କ ପିତା ମାତା ଦୁହେଁ । ଦୁଇ ଜଣ ବର୍ତ୍ତମାନ ଅନାଥ ଶିଶୁଙ୍କ ସବୁକିଛି ପାଲଟିଛନ୍ତି । ତେବେ ଘଟଣା ଏପରି ଥିଲା କି, ଭୂସ୍ଖଳନ ଘଟିବା ପର ଦିନ ତାଙ୍କ ସ୍ବାମୀ ଫେସବୁକରେ ପୋଷ୍ଟ କରିଥିଲେ କି, ଯଦି କୌଣସି ପିଲା ମା’ କ୍ଷୀର ଆବଶ୍ୟକ କରୁଛି ମୋତେ ଜଣାନ୍ତୁ, ମୋ ସ୍ତ୍ରୀ ପ୍ରସ୍ତୁତ । ଏପଟେ ଭାବନା କହିଛନ୍ତି କି, ଯେତେବେଳେ ମୁଁ ଏହି ଭୂସ୍ଖଳନ ସମ୍ପର୍କରେ ଶୁଣିଲି, ମୁଁ କୁନି କୁନି କ୍ଷୀର ଖିଆ ପିଲାଙ୍କ କଥା ଭାବି ଚନ୍ତିତ ହୋଇପଡିଥିଲି । ବାପା ମା’ଙ୍କୁ ହରାଇ ପିଲାମାନେ କିପରି ଥିବେ ଚିନ୍ତା କରିପାରୁନଥିଲି ।
அன்பின் மொழி 🫂
— Abuthahir Alungal 🇮🇳 (@ThahirDmk) August 2, 2024
#KeralaLandslides#WayanadLandslides pic.twitter.com/x4yXHqxi8Q
#KeralaLandslides@IAF_MCC, Southern Air Command & #IndianArmy relief columns sprung into action to aid search & rescue operations in #WayanadLandslide affected areas under adverse climatic conditions evacuating stranded persons.@SpokespersonMoD @adgpi @IaSouthern pic.twitter.com/r5NtnOkcxW
— PRO Defence, Manipur, Nagaland & South Arunachal (@prodefkohima) July 30, 2024
ଭାବନା କହିଛନ୍ତି, "ମୁଁ ଦୁଇ କୁନି ଛୁଆଙ୍କ ମା । ମୁଁ ଜାଣିଛି ଗୋଟେ ପିଲା ମା’କୁ ଛାଡି କିଭଳି କଷ୍ଟରେ ବଞ୍ଚିଥାଏ । ସେଥିପାଇଁ ମୁଁ ସ୍ତନ୍ୟ ପାନ କରାଇବାକୁ ଆଗେଇ ଆସିଲି । ମୁଁ ଯେତେବେଳେ ଏନେଇ ସ୍ବାମୀଙ୍କ ସହ କଥା ହେଲି ମୋତେ ସ୍ବାମୀ ସମର୍ଥନ କରିଥିଲେ ।"
#WayanadLandslide
— Southern Command INDIAN ARMY (@IaSouthern) July 30, 2024
Rescue operations are in full swing as all services of the Armed Forces engage in extensive efforts along with Civil administration and Disaster Relief Forces to assist those affected. Over 700 individuals have been safely evacuated through a combination of… pic.twitter.com/MwaJa3okbZ
ପତି ପତ୍ନୀଙ୍କ ନିକଟକୁ ଫେସବୁକ ପୋଷ୍ଟ ଦେଖି ଅନେକ ଫୋନ କଲ ଆସିଥିଲା । ଦୁହେଁ ବାହାରି ଯାଇଥିଲେ ଓ୍ବାୟନାଡ । ତେବେ ସେଠାରେ କିଛି ଦିନ ରହି ପିଲାଙ୍କୁ ସ୍ତନ୍ୟ ପାନ କରାଇବାକୁ ନିଷ୍ପତ୍ତି ନେଇଛନ୍ତି ଦୁହେଁ । ଏପଟେ ପତି ପତ୍ନୀଙ୍କ ଏହି ନିଷ୍ପତ୍ତିକୁ ଚାରିଆଡେ ପ୍ରଶଂସା କରାଯାଉଛି ।
