ହାଇଦ୍ରାବାଦ: 2024 ଲୋକସଭା ନିର୍ବାଚନ ପାଇଁ ବାଜିଛି ବିଗୁଲ୍ । ନିର୍ବାଚନ ଆୟୋଗ ଘୋଷଣା କରିଛନ୍ତି ତାରିଖ । ଆସନ୍ତୁ ନଜର ପକାଇବା 2014 ଏବଂ 2019 ଲୋକସଭା ନିର୍ବାଚନରେ କେଉଁ ଦଳକୁ ମିଳିଥିଲା କେତେ ସିଟ୍ ?
| 2014 ଲୋକସଭା ନିର୍ବାଚନ (543) |
2014ରେ ଲୋକସଭା ନିର୍ବାଚନ ନଅଟି ପର୍ଯ୍ୟାୟରେ ଅନୁଷ୍ଠିତ ହୋଇଥିଲା । ଏପ୍ରିଲ 7 ରୁ 12 ମଧ୍ୟରେ ମତଦାନ ହୋଇଥିଲା । ମାର୍ଚ୍ଚ 5 ରେ ନିର୍ବାଚନ ଆୟୋଗ ନିର୍ବାଚନ ତାରିଖ ଘୋଷଣା କରିଥିଲେ । ମେ 16ରେ ନିର୍ବାଚନୀ ଫଳାଫଳ ଆସିଥିଲା ।
2014 ଫଳାଫଳ: 543 ଲୋକସଭା ଆସନରେ ମୋଟ 8251 ଜଣ ପ୍ରାର୍ଥୀ ପ୍ରତିଦ୍ବନ୍ଦ୍ବିତା କରିଥିଲେ । 543ଟି ଲୋକସଭା ଆସନ ମଧ୍ୟରୁ ବିଜେପି ନେତୃତ୍ବାଧୀନ ଏନଡିଏକୁ ମିଲିଥିଲା ବିପୁଳ ବିଜୟ । କଂଗ୍ରେସ ନେତୃତ୍ବାଧୀନ UPA ସରକାରକୁ ମାତ୍ ଦେଇ ପ୍ରଚଣ୍ଡ ବହୁମତ ସହ କ୍ଷମତା ହାତେଇଥିଲା NDA । ବିଜେପି 282 ଆସନରେ ବିଜୟୀ ହୋଇଥିବା ବେଳେ ଏନଡିଏ ମୋଟ 336 ଆସନରେ ବାଜିମାତ କରିଥିଲା । ସେହିପରି କଂଗ୍ରେସ ନେତୃତ୍ୱାଧୀନ ୟୁପିଏକୁ ମାତ୍ର 59 ଟି ଆସନ ମିଳିଥିଲା । ଯେଉଁଥିରେ କଂଗ୍ରେସ 44ଟି ଆସନରେ ବିଜୟୀ ହୋଇଥିଲା । କଂଗ୍ରେସର ଲଗାତର 10 ବର୍ଷର ଶାସନ ପତନ ଘଟିଥିବା ବେଳେ, ଆରମ୍ଭ ହୋଇଥିଲା ବିଜେପି ଶାସନ । ପ୍ରଧାନମନ୍ତ୍ରୀ ହୋଇଥିଲେ ନରେନ୍ଦ୍ର ଦାମୋଦର ଦାସ ମୋଦି ।
| ଦଳ/ମେଣ୍ଟ | ସିଟ୍ |
ବିଜେପି NDA | 282 336 |
କଂଗ୍ରେସ UPA | 44 59 |
2019 ଲୋକସଭା ନିର୍ବାଚନ (543) |
ଏପ୍ରିଲ 2019ରେ ହୋଇଥିଲା ଲୋକସଭା ନିର୍ବାଚନ । ଏପ୍ରିଲ 11 ତାରିଖରୁ ମେ 19 ମଧ୍ୟରେ ସାତୋଟି ପର୍ଯ୍ୟାୟରେ ମତଦାନ ଅନୁଷ୍ଠିତ ହୋଇଥିଲା । ମାର୍ଚ୍ଚ 10ରେ ଲୋକସଭା ନିର୍ବାଚନ ଘୋଷଣା କରାଯାଇଥିଲା । ମେ 23ରେ ଭୋଟ ଗଣନା ହୋଇଥିଲା । ବିଜେପି ନେତୃତ୍ବାଧୀନ ଏନଡିଏ କ୍ରମାଗତ ଦ୍ବିତୀୟ ଥର ପାଇଁ ବାଜିମାତ କରିଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦ୍ବିତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ କରିଥିଲେ ।
2019 ଫଳାଫଳ: 2014 ତୁଳନାରେ 2019 ଲୋକସଭା ନିିର୍ବାଚନରେ ବିଜେପି ଅଧିକ ସିଟରେ ବିଜୟୀ ହୋଇଥିଲା । 2019ରେ ବିଜେପି 303 ସିଟ୍ ହାତେଇଥିବା ବେଳେ ବିଜେପି ନେତୃତ୍ବାଧୀନ ଏନଡିଏ 353 ଟି ସିଟରେ ବିଜୟୀ ହୋଇଥିଲା । କଂଗ୍ରେସ ମାତ୍ର 52ଟି ଆସନ ଜିତି ପୁଣି ଥରେ ସରକାର ଗଠନ କରିବାରେ ବିଫଳ ହୋଇଥିଲା । ୟୁପିଏ ମୋଟ 91 ଟି ସିଟ୍ ଜିତିଥିବାବେଳେ ଅନ୍ୟ ଦଳ 98 ସିଟ୍ ଜିତିଥିଲେ ।
ଏହା ମଧ୍ୟ ପଢନ୍ତୁ-ନିର୍ବାଚନ ଆଚରଣ ବିଧି କଣ ? କଣ ରହିଛି ନିୟମ ଓ ସର୍ତ୍ତ
| ଦଳ/ମେଣ୍ଟ | ସିଟ୍ |
ବିଜେପି NDA | 303 353 |
କଂଗ୍ରେସ UPA | 52 91 |
କେଉଁ ରାଜ୍ୟରେ କେତେ ଲୋକସଭା ସିଟ୍ ?
ରାଜ୍ୟ ମଧ୍ୟରୁ ଉତ୍ତରପ୍ରଦେଶରେ ସର୍ବାଧିକ ଲୋକସଭା ସିଟ ସଂଖ୍ୟା 80 ରହିଛି ।
| ରାଜ୍ୟ | ସିଟ୍ |
| ଆନ୍ଧ୍ରପ୍ରଦେଶ | 25 |
| ଅରୁଣାଚଳ ପ୍ରଦେଶ | 2 |
| ଆସାମ | 14 |
| ବିହାର | 40 |
| ଛତିଶଗଡ଼ | 11 |
| ଗୋଆ | 2 |
| ଗୁଜୁରାଟ | 26 |
| ହରିୟାଣା | 10 |
| ହିମାଚଳ ପ୍ରଦେଶ | 4 |
| ତେଲେଙ୍ଗାନା | 17 |
| ଝାଡଖଣ୍ଡ | 14 |
| କର୍ଣ୍ଣାଟକ | 28 |
| କରେଳ | 20 |
| ମଧ୍ୟପ୍ରଦେଶ | 29 |
| ମହାରାଷ୍ଟ୍ର | 48 |
| ମଣିପୁର | 2 |
| ମେଘାଳୟ | 2 |
| ମିଜୋରାମ | 1 |
| ନାଗାଲାଣ୍ଡ | 1 |
| ଓଡ଼ିଶା | 21 |
| ପଞ୍ଜାବ | 13 |
| ରାଜସ୍ଥାନ | 25 |
| ସିକ୍କିମ | 1 |
| ତାମିଲନାଡୁ | 39 |
| ତ୍ରିପୁରା | 2 |
| ଉତ୍ତରାଖଣ୍ଡ | 5 |
| ଉତ୍ତରପ୍ରଦେଶ | 80 |
| ପଶ୍ଚିମବଙ୍ଗ | 42 |
କେନ୍ଦ୍ରଶାସିତ ଅଞ୍ଚଳରେ କେତେ ସିଟ୍ ?
| କେନ୍ଦ୍ରଶାସିତ ଅଞ୍ଚଳ | ସିଟ୍ |
| ଆଣ୍ଡାମାନ-ନିକୋବର | 1 |
| ଚଣ୍ଡିଗଡ | 1 |
| ଦାଦ୍ରା ଓ ନଗର ବାହେଳି | 1 |
| ଦିଲ୍ଲୀ | 7 |
| ଡାମନ ଓ ଡ୍ଯୁ | 1 |
| ପୁଡୁଚେରୀ | 1 |
| ଲାକ୍ଷାଦ୍ବୀପ | 1 |
| ଜମ୍ମୁ, କାଶ୍ମୀର, ଲଦାଖ | 6 |
ବ୍ୟୁରୋ ରିପୋର୍ଟ, ଇଟିଭି ଭାରତ
