ହାଇଦ୍ରାବାଦ: ମହାକାଶ କାର୍ଯ୍ୟକ୍ରମ(space program ) ମହାକାଶ କ୍ଷେତ୍ରରେ ସ୍ୱଦେଶୀ ଦକ୍ଷତା ନିର୍ମାଣ କରିଛି । ଭବିଷ୍ୟତରେ କଣ କରିବାକୁ ହେବ ତାହା ଆମ ପାଖରେ ନିଜସ୍ୱ କାର୍ଯ୍ୟକ୍ରମ ଏବଂ ଉପାୟ ରହିଛି ବୋଲି କହିଛନ୍ତି ମହାକାଶ ଗବେଷଣା ସଂସ୍ଥା(ଇସ୍ରୋ) ପ୍ରମୁଖ ଏସ ସୋମନାଥ । ହାଇଦ୍ରାବାଦକ କଲାମ ଇନଷ୍ଟିଚ୍ୟୁଟ ଅଫ ୟୁଥ ଏକ୍ସଲେନ୍ସ ପରିଦର୍ଶନ ସମୟରେ ଏଭଳି କହିଛନ୍ତି ସୋମନାଥ । ଇସ୍ରୋର କାର୍ଯ୍ୟଦକ୍ଷତା, ସ୍ପେସ ପ୍ରୋଗ୍ରାମକୁ ପ୍ରଶଂସା କରିଛନ୍ତି ସୋମନାଥ ।
ସୋମନାଥ କହିଛନ୍ତି, "ସ୍ପେସ୍ ପ୍ରୋଗ୍ରାମ୍ ଆମର ରକେଟ୍, ଉପଗ୍ରହ ଏବଂ ନାଗରିକ ତଥା ରଣନୀତିକ କ୍ଷେତ୍ରରେ ଦେଶକୁ ସେବା କରିବା ପାଇଁ ଆମର ଅନୁପ୍ରୟୋଗ ପ୍ରୋଗ୍ରାମ ନିର୍ମାଣ କରି ମହାକାଶ କ୍ଷେତ୍ରରେ ସ୍ୱଦେଶୀ କ୍ଷମତା ନିର୍ମାଣ କରିଛି । ଆମେ ଏହାକୁ ସମ୍ପୁର୍ଣ୍ଣ କରିବାରେ ସଫଳତା ପାଇଛୁ । ଆଜି ଆମେ ସ୍ପେସ୍ ସେକ୍ଟରରେ ଏକ ଶକ୍ତି ଏବଂ ଭବିଷ୍ୟତରେ ଏହା ସହିତ କଣ କରିବାକୁ ନିଷ୍ପତ୍ତି ନେବାକୁ ଆମର ନିଜସ୍ୱ କାର୍ଯ୍ୟକ୍ରମ ଏବଂ ଉପାୟ ରହିଛି । ଆମ ପାଖରେ ସେହି ଶକ୍ତି ରହିଛି । ବର୍ତ୍ତମାନ, ସ୍ପେସ୍ ସେକ୍ଟର ଖୋଲିବା ସହିତ ବେସରକାରୀ କମ୍ପାନୀ ଏବଂ ଷ୍ଟାର୍ଟ ଅପ୍ ଆସୁଛନ୍ତି ଏବଂ ସ୍ପେସ୍ ସେକ୍ଟରରେ ଅର୍ଥନୈତିକ କାର୍ଯ୍ୟକଳାପ ଦୃଷ୍ଟିରୁ ଏହି କ୍ଷେତ୍ରରେ ବିକାଶ ମୁହାଁ ହେଉଛି । ସେହି ପରିବର୍ତ୍ତନ ବର୍ତ୍ତମାନ ଘଟିବାକୁ ଯାଉଛି ।"
କଲାମ୍କୁ ନେଇ ସୋମନାଥ କହିଛନ୍ତି, "କଲାମ ଇନଷ୍ଟିଚ୍ୟୁଟ ଅଫ ୟୁଥ ଏକ୍ସଲେନ୍ସ ଯୁବକମାନଙ୍କୁ ପ୍ରେରଣା ଯୋଗାଇବା ପାଇଁ ସାହାଯ୍ୟ କରୁଛି । ଯୁବକମାନଙ୍କୁ ପ୍ରେରଣା ଦେବା ପାଇଁ ସେମାନେ ବହୁତ କଠିନ ପରିଶ୍ରମ କରୁଛନ୍ତି । ବିଶେଷକରି କଲାମ ଅତୀତରେ ଯାହା କରିଥିଲେ, ତାହା ଭାରତର ବିକାଶକୁ ନେଇ ଏକ ପ୍ରେରଣାଦାୟକ କାହାଣୀ ସୃଷ୍ଟି କରିଛି । ଆଜି ମୁଁ ଛାତ୍ରମାନଙ୍କ ସହିତ ଯୋଗାଯୋଗ କରିବାର ସୁଯୋଗ ପାଇଲି ଏବଂ ମୋର ବିଶ୍ୱାସ ଯେ ଏହା ସେମାନଙ୍କ ପାଇଁ ଆଗାମୀ ରାସ୍ତା ପାଇଁ ପ୍ରେରଣା ଯୋଗାଇବ । ସେମାନେ ସ୍ପେସ ସେକ୍ଟରରେ ଆଗକୁ ବଢିବେ । ସେମାନଙ୍କୁ ସାହାଯ୍ୟ କରିବା ପାଇଁ ଇସ୍ରୋ ଯଥାସମ୍ଭବ ସାହାଯ୍ୟ କରିବ ।"
ଏହା ମଧ୍ୟ ପଢନ୍ତୁ: ମହାକାଶ କ୍ଷେତ୍ରରେ ଭାରତର ସଫଳତା ଆଶ୍ଚର୍ଯ୍ୟଜନକ: ESA - European Space Agency
ନିକଟ ଅତୀତରେ ୟୁରୋପୀୟ ସ୍ପେସ ଏଜେନ୍ସି(ESA) ଇସ୍ରୋକୁ ପ୍ରଶଂସା କରିଥିଲେ । ସଫଳ ଉତକ୍ଷେପଣ ପାଇଁ ଭାରତୀୟ ମହାକାଶ ଗେବଷଣା ସଂସ୍ଥାକୁ ପ୍ରଶଂସା କରିଥିଲେ ୟୁରୋପୀୟ ସ୍ପେସ୍ ଏଜେନ୍ସି (ଇଏସ୍ଏ)ର ମହାନିର୍ଦ୍ଦେଶକ ଜୋସେଫ ଆଚବେଚେର । ମହାକାଶରେ ଗବେଷଣା ଏବଂ ଚନ୍ଦ୍ରର ଅନୁସନ୍ଧାନରେ ଭାରତର ସଫଳତା ଆଶ୍ଚର୍ଯ୍ୟଜନକ ବୋଲି ସେ କହିଥିଲେ ।
