ହାଇଦ୍ରାବାଦ: ବିଶିଷ୍ଟ ଶିଳ୍ପପତି ରତନ ଟାଟାଙ୍କ ସ୍ବାସ୍ଥ୍ୟବସ୍ଥା ଗୁରୁତର । ସେ ICUରେ ଭର୍ତ୍ତି ହୋଇଥିବା ନେଇ ଜାତୀୟ ଗଣମାଧ୍ୟମ ସୂତ୍ରରୁ ସୂଚନା ମିଳିଛି । ମୁମ୍ବାଇର ଏକ ହସ୍ପିଟାଲରେ ଚିକିତ୍ସାଧୀନ ଅଛନ୍ତି ରତନ ଟାଟା । ଏହାପୂର୍ବରୁ ମଧ୍ୟ ରତନ ଟାଟା ଅସୁସ୍ଥ ହେବା ନେଇ ଖବର ଆସିଥିଲା । ଏନେଇ ସେ ନିଜେ ବୟାନ ଜାରି କରି କେବଳ ରୁଟିନ ଚେକ୍ ଅପ୍ ହୋଇଥିବା କଥା କହିଥିଲେ ।
ପୂର୍ବରୁ ଅସୁସ୍ଥତାକୁ ଖଣ୍ଡନ କରିଥିଲେ:
Thank you for thinking of me 🤍 pic.twitter.com/MICi6zVH99
— Ratan N. Tata (@RNTata2000) October 7, 2024
ରକ୍ତରାପ ହ୍ରାସ ପାଇବାରୁ ତାଙ୍କୁ ମୁମ୍ବାଇ ବ୍ରିଚ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଥିଲା । ପରବର୍ତ୍ତୀ ସମୟରେ ସେ ସୁସ୍ଥ ଥିବା ନିଜ ଏକ୍ସ ହ୍ୟାଣ୍ଡେଲରେ ପୋଷ୍ଟ କରି ସ୍ପଷ୍ଟ କରିଥିଲେ । ଚିନ୍ତାର କୌଣସି କାରଣ ନାହିଁ, ନିୟମିତ ସ୍ବାସ୍ଥ୍ୟ ପରୀକ୍ଷା ପାଇଁ ହସ୍ପିଟାଲ ଆସିଥିଲି ବୋଲି ଉଲ୍ଲେଖ କରିଥିଲେ । ଏହାସହ "ମୋତେ ନେଇ ପ୍ରସାରିତ ହେଉଥିବା ଗୁଜବ" ଏସବୁରୁ ଦୂରେଇ ରହିବାକୁ ସେ ନିବେଦନ କରିଥିଲେ।
ରତନ ଟାଟାଙ୍କ ସଫଳତା:
ଟାଟା ଗ୍ରୁପର ପ୍ରତିଷ୍ଠାତା ହେଉଛନ୍ତି ରତନ ଟାଟା । ଜଣେ ସଫଳ ବ୍ୟବସାୟୀ ଭାବେ ସେ ଦେଶ ବିଦେଶରେ ସୁନାମ ଅର୍ଜନ କରିଛନ୍ତି । ନିଜ ଦକ୍ଷତା ଓ ପ୍ରଚେଷ୍ଟା ବଳରେ ସେ ଟାଟା ସନ୍ସକୁ ଏକ ଟ୍ରିଲିୟନ ଡଲାର ବିଶିଷ୍ଠ ବ୍ୟବସାୟ ପ୍ରତିଷ୍ଠା କରି ପାରିଛନ୍ତି । ଟାଟା ଟାଇକୁନ ରତନ ଟାଟାଙ୍କ ବୟସ ବର୍ତ୍ତମାନ 86 ବର୍ଷ । ତାଙ୍କର ପୂରା ନାମ ରତନ ନାଭାଲ ଟାଟା । 1937 ଡିସେମ୍ବର 28 ତାରିଖରେ ସେ ଗୁଜୁରାଟର ସୁରଟରେ ଜନ୍ମଗ୍ରହଣ କରିଥିଲେ । ନିଜର କଠିନ ପରିଶ୍ରମ ବଳରେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି ରତନ । ପଦ୍ମ ବିଭୂଷଣ ଏବଂ ପଦ୍ମ ଭୂଷଣ ସମ୍ମାନରେ ସମ୍ମାନିତ ହୋଇଛନ୍ତି ରତନ ଟାଟା । 1991 ଠାରୁ ଟାଟା ଗ୍ରୁପର ଅଧ୍ୟକ୍ଷ ଅଛନ୍ତି ରତନ ନାଭାଲ ଟାଟା । ଗତ କିଛି ଦିନ ଧରି ଲଗାତାର ତାଙ୍କର ଅସୁସ୍ଥତା ନେଇ ଖବର ପ୍ରକାଶ ପାଉଛି।
