ଲକ୍ଷ୍ନୌ (ଉତ୍ତର ପ୍ରଦେଶ): ଉତ୍ତର ପ୍ରଦେଶରେ ଏକ ସତ୍ସଙ୍ଗରେ ଦଳାଚକଟା । ଭୟଙ୍କର ଭିଡ଼ ଓ ଦଳାଚକଟାରେ ବର୍ତ୍ତମାନ ସୁଦ୍ଧା 122 ଲୋକଙ୍କର ମୃତ୍ୟୁ ହୋଇଥିବା ସ୍ପଷ୍ଟ ହୋଇଛି । ବର୍ତ୍ତମାନ ସୁଦ୍ଧା ଅନେକ ଶ୍ରଦ୍ଧାଳୁଙ୍କର ଗୁରୁତର ଭାବେ ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି । ମୃତକଙ୍କ ମଧ୍ୟରେ ରହିଛନ୍ତି ଅନେକ ମହିଳା ଓ ଶିଶୁ । ଏଭଳି ଘଟଣା ଘଟିଛି ଉତ୍ତର ପ୍ରଦେଶ ହାଥରସ ଜିଲ୍ଲାର ରତିଭାନପୁରରେ । ନିକଟସ୍ଥ ସିକନ୍ଦ୍ରାରାଓ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ପହଞ୍ଚୁଛି ଗୋଟିଏ ପରେ ଗୋଟିଏ ମୃତଦେହ । ଏହି ଘଟଣାରେ ଅନେକ ଲୋକ ଗୁରୁତର ଭାବେ ଆହତ ମଧ୍ୟ ହୋଇଛନ୍ତି । ତେଣୁ ମୃତକଙ୍କ ସଂଖ୍ୟା ବୃଦ୍ଧି ପାଇବା ସମ୍ଭାବନା ରହିଛି । ସେପଟେ ଘଟଣା ସମ୍ପର୍କରେ ଜାଣି ଶୋକ ପ୍ରକାଶ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଓ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ସେହିଭଳି ସଂସଦରେ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ଅଭିଭାଷଣରେ ପ୍ରଧାନମନ୍ତ୍ରୀ ମୋଦି ମଧ୍ୟ ଏହି ପ୍ରସଙ୍ଗ ଉଠାଇ ଦୁଃଖ ପ୍ରକାଶ କରିଛନ୍ତି । ଏପଟେ ଆଜି ସକାଳୁ ସକାଳୁ ଘଟଣାସ୍ଥଳରେ ପହଞ୍ଚିଛି ଫରେନସିକ୍ ଟିମ୍ ।
जनपद हाथरस की दुर्भाग्यपूर्ण दुर्घटना में हुई जनहानि अत्यंत दुःखद एवं हृदय विदारक है।
— Yogi Adityanath (@myogiadityanath) July 2, 2024
मेरी संवेदनाएं शोक संतप्त परिजनों के साथ हैं।
संबंधित अधिकारियों को राहत एवं बचाव कार्यों के युद्ध स्तर पर संचालन और घायलों के समुचित उपचार हेतु निर्देश दिए हैं।
उत्तर प्रदेश सरकार में मा.…
ମଙ୍ଗଳବାର ଉତ୍ତର ପ୍ରଦେଶ ହାଥରସ ଜିଲ୍ଲାର କୋତୱାଲୀ ସିକନ୍ଦ୍ରାରାଓ ଥାନା ଅଞ୍ଚଳରେ ଏହି ବଡ଼ ଅଘଟଣ ଘଟିଛି । ରତିଭାନପୁରର ଫୁଲରାଇ ଗ୍ରାମରେ ପ୍ରବଚକ ଭୋଲେ ବାବାଙ୍କ ସତସଙ୍ଗ ଚାଲିଥିଲା । ସତସଙ୍ଗ ସରିବା ପରେ ସେଠାରେ ଜମା ହୋଇଥିବା ବହୁ ଲୋକ ଏକାସାଙ୍ଗରେ ବାହାରିଗଲେ । ଫଳରେ ଦଳାଚକଟା ଭଳି ସ୍ଥିତି ଉପୁଜିଥିଲା । ସେହି ଦଳାଚକଟାରେ ବହୁ ମହିଳା ଓ ଶିଶୁ ଅଣନିଶ୍ବାସୀ ହୋଇ ତଳେ ପଡ଼ିଯାଇଥିଲେ । ଏହାପରେ ଏହି ଦଳାଚକଟା ଆହୁରି ମଧ୍ୟ ବ୍ୟାପକ ହୋଇଗଲା । ଏଥିରେ 122 ଶ୍ରଦ୍ଧାଳୁଙ୍କର ମୃତ୍ୟୁ ହୋଇଥିବା ରିପୋର୍ଟ ହୋଇଛି । ଦୁର୍ଘଟଣା ପରେ ସ୍ଥାନୀୟ CSC ସିକନ୍ଦ୍ରାରାଓକୁ ପହଞ୍ଚୁଛି ବହୁ ମୃତଦେହ । ସେପଟେ ଆହତମାନଙ୍କୁ ମଧ୍ୟ ଏଟା ମେଡିକାଲ କଲେଜକୁ ପଠାଯାଇଛି ।
#WATCH | Prime Minister Narendra Modi says, " there are reports of many people dying in the stampede in hathras, uttar pradesh. i express my condolences to those who lost their lives in this accident. i wish for the speedy recovery of all the injured. the administration is engaged… pic.twitter.com/UasFmME0br
— ANI (@ANI) July 2, 2024
उत्तर प्रदेश के हाथरस जिले में हुई दुर्घटना में महिलाओं और बच्चों सहित अनेक श्रद्धालुओं की मृत्यु का समाचार हृदय विदारक है। मैं अपने परिवारजनों को खोने वाले लोगों के प्रति गहन शोक संवेदना व्यक्त करती हूं तथा घायल हुए लोगों के शीघ्र स्वस्थ होने की कामना करती हूं।
— President of India (@rashtrapatibhvn) July 2, 2024
କୁହାଯାଉଛି ଯେ, ଆୟୋଜକମାନେ ଯେତିକି ଶ୍ରଦ୍ଧାଳୁ ସମାଗମ ହେବା ନେଇ ପ୍ରଶାସନକୁ ଜଣାଇଥିଲେ, ତାହାଠାରୁ ବହୁ ପରିମାଣର ଅଧିକ ଲୋକ ଏଠାରେ ପହଞ୍ଚିଥିଲେ । ସତ୍ସଙ୍ଗ ଶେଷ ହେବା ବେଳକୁ ବହୁ ଲୋକ ଭିଡ଼ ଜମାଇଥିଲେ, ଯାହା ଫଳରେ ଦଳାଚକଟା ସ୍ଥିତି ଉପୁଜିଥିଲା । ଏହାପରେ ଶତାଧିକ ଲୋକ ଅଚେତ ହୋଇପଡିଥିଲେ । ଦଳଚକଟାରେ ବର୍ତ୍ତମାନ ସୁଦ୍ଧା ଯଦିଓ 116 ଶ୍ରଦ୍ଧାଳୁଙ୍କର ମୃତ୍ୟୁ ଘଟିଥିବା ରିପୋର୍ଟ ହୋଇଛି, ହେଲେ ଏହି ମୃତ୍ୟୁ ସଂଖ୍ୟା ଆହୁରି ବଢ଼ିବ ବୋଲି କୁହାଯାଉଛି ।
#WATCH | Uttar Pradesh: The Forensic Team arrives at the incident site in Hathras, where a stampede took place yesterday, claiming the lives of 116 people.
— ANI (@ANI) July 3, 2024
The incident happened during a Satsang conducted by 'Bhole Baba'. pic.twitter.com/Yr1NR6th6p
ବ୍ୟୁରୋ ରିପୋର୍ଟ, ଇଟିଭି ଭାରତ
